Jusan Инвестициялары

Netflix акциясы 5%-ға өсті

🇺🇸 Кеше америкалық S&P500 және NASDAQ индекстері нөлге жуық деңгейде жабылды.

🏦 ЕОБ негізгі пайыздық мөлшерлемені 3,65%-дан 3,40%-ға дейін төмендетті, бұл қатарынан екінші рет және маусым айынан бері үшінші рет орын алып отыр. Сонымен қатар, реттеуші желтоқсанда тағы бір рет төмендетуді қарастырып отыр. Бұл туралы ЕОБ басшысы Кристин Лагард қорытынды баспасөз конференциясында айтқан болатын.

📊 Қыркүйек айында АҚШ-та бөлшек сауда көлемі 0,1%-дық тамыздағы өсімнен кейін 0,4%-ға өсті, ал автомобильдерді есептемегенде өсім 0,5%-ды құрады.

🏭 Өндіріс көлемі керісінше, 0,3%-ға төмендеді, ал тамыздағы өсім 0,8%-дан 0,3%-ға қайта қаралды. Филадельфия ФРБ өндірістік белсенділік индексі 1,7-ден 10,3-ке дейін өсті.

📉 Сонымен қатар, жұмыссыздық бойынша жәрдемақыға апта сайынғы өтініштер саны 260 мыңнан 241 мыңға дейін азайды.

🇯🇵🇨🇳 Жапония мен Қытай да бүгін таңертең өздерінің статистикалық мәліметтерін жариялады. Жапониядағы қыркүйек айындағы тұтыну бағалары индексі инфляцияның 3%-дан 2,5%-ға, ал базалық инфляцияның 2,8%-дан 2,4%-ға дейін төмендегенін көрсетті.

🇨🇳 Қытайдың жалпы ішкі өнімі үшінші тоқсанда 4,6%-ға өсті, бөлшек сауда 3,2%-ға, өнеркәсіп өндірісі 5,4%-ға өсті. Жұмыссыздық деңгейі 5,3%-дан 5,1%-ға төмендеді, бірақ жылжымайтын мүлік бағасы жылдық есеппен 5,8%-ға құлдырауды жалғастырды.

Постымыздың соңында корпоративтік жаңалықтар туралы айта кетейік, TSMC және Netflix компаниялары жақсы есеп беріп, олардың акциялары сәйкесінше 9,8% және 5%-ға өсті.

🟢Инвесторлар үшін маңызды деректер мен басқа да оқиғаларды осы посттың астына коммент ретінде жариялаймыз.

#таңғышолу
Jusan Invest

Ұлыбританияда инфляция деңгейі төмендеді

🇺🇸 Кеше америкалық S&P500 және NASDAQ индекстері 0,5 және 0,3%-ға өсті.

📊 Ұлыбритания қыркүйек айындағы тұтыну бағаларының индексі (ТБИ) бойынша оң есебін жариялады.

📉 Қыркүйекте Ұлыбританияда жалпы және базалық инфляция болжамнан төмен болды – сәйкесінше 0 және 0,1%, ал болжам бойынша 0,1 және 0,3% деп күтілген болатын. Нәтижесінде, жылдық жалпы инфляция Англия банкінің мақсатты деңгейінен төмендеп, 2,2%-дан 1,7%-ға дейін азайды. Дегенмен, базалық жылдық инфляция әлі де жоғары деңгейде қалып, 3,2%-ды құрап отыр.

🔍 Нарықта күтпеген жерден Трамп-трейд туралы сөз қозғала бастады – бұл 5 қарашадағы АҚШ сайлауында Дональд Трамптың жеңісіне негізделген сауда. Кейбір сарапшылар Трамп-трейд соңғы екі айдан бері жүріп жатқанын айтса да, нақты әсер енді ғана көріне бастады.

🤝 Трамп бірінші мерзімінде қолға алған шараларын одан әрі күшейтуді көздеп отыр: импортқа жоғары тарифтер енгізу, одақтастармен қатынастарды қайта қарау, шекарадағы миграциялық мәселелерді қатаң шешу және ФРЖ тәуелсіздігін шектеу. Бұл экономикаға біршама қолдау көрсеткенімен, инфляцияның өсуіне де әкелуі мүмкін.

📉 Белгілі қаржыгер Стэнли Дракенмиллер жақында нарықта Трамптың жеңісіне деген сенімнің артып жатқанын, бұл әсіресе банк акциялары мен криптовалюталардың өсуінде көрініс тапқанын атап өтті.

🏗Қытайдағы жаңалықтар жайлы да айта кетейік. Бүгінгі Қытай билігінің экономикалық қолдау шараларын талқылаған брифингінде аяқталмаған құрылыстарға $562 млрд қолдау көрсету, «ақ тізім» бағдарламасы арқылы несиелеуді 4 трлн юаньға дейін кеңейту және 1 млн үйді жөндеу жоспары ұсынылды. Бірақ бұл шаралар нарықта үлкен әсер тудырмады: CSI 300 индексі өзгеріссіз қалды, ал девелоперлердің акциялары мен темір кені фьючерстері төмендеді.

🟢Инвесторлар үшін маңызды деректер мен басқа да оқиғаларды осы посттың астына коммент ретінде жариялаймыз.

#таңғышолу
Jusan Invest

Қорғаныс акциялары деген не?

Қорғаныс акциясы (defensive stocks) – бұл нарықтың ырқына көнбейтін, тұрақты кіріс әкелетін компаниялар акциясы. Мұндай ұйымдар әдетте тұтынушыларға қажетті өнімдер мен қызметтер ұсынады. Мысалы, азық-түлік, дәрі-дәрмек, коммуналдық қызметтер сияқты секторлар осыған тізімге кіреді. Қорғаныс акциялары экономикалық рецессия немесе нарықтағы құлдырау кезінде де тұрақтылығын сақтай алады және үнемі дивидендтер төлеуге бейім келеді.

Қорғаныс акцияларына жататын негізгі салалар және компаниялар:

1.Тұтынушылық тауарлар: Procter & Gamble, Unilever, Coca-Cola, PepsiCo
2.Денсаулық сақтау: Johnson & Johnson, Pfizer, Merck & Co., Abbott Laboratories
3.Коммуналдық қызметтер: Duke Energy, NextEra Energy, Southern Company
4.Бөлшек сауда: Walmart, Costco, CVS Health

Неліктен қорғаныс акцияларына инвестиция құю керек?

💼 Портфельдің құбылмалылығын азайтады
Қорғаныс акциялары нарықтағы құбылмалылықты азайтып, экономикалық рецессия кезінде шығындардың алдын алуға көмектеседі. Олар тұрақты дивидендтер төлеп, нарық құлдырап жатқанда инвесторларға табыс әкеледі.

🌱 Инвестицияны енді бастағандар үшін тиімді
Тәжірибесі аз инвесторлар нарықтағы алғашқы қадамын қорғаныс акцияларын бастағаны дұрыс. Өйткені, оларда шығынға ұшырау қауіпі төмен. Олар капиталды сақтап қалуға көмектесіп, нарықпен танысуға мүмкіндік береді.

💵 Тұрақты табыс көзі
Қорғаныс акцияларының негізгі артықшылықтарының бірі – тұрақты дивидендтер төлеу. Бұқа да, аюлы нарықтарда да олар тұрақты табыс ағынын қамтамасыз ете алады.

Пандемия мысалы
2020 жылғы коронавирус пандемиясы қор нарығында құлдырау тудырды, бірақ қорғаныс акциялары инвесторлар үшін қауіпсіз аймаққа айналды. Мысалы, B&G Foods (BGS) тұрақты өнімдер шығарып, акциялары 2020 жылдың алғашқы жартысында 36%-ға өсті. Ал, American Airlines (AAL) сияқты циклдік акциялар пандемиядан қатты зардап шеккен болатын.

Jusan Invest

ASML акциялары 16,3%-ға арзандады

🇺🇸 Сейсенбі күні америкалық S&P500 және NASDAQ индекстері 0,8 және 1,0%-ға құлдырады.

🔍 Кеше АҚШ акциялар нарығының құлдырауы негізінен локальді оқиға деп айтуға болады. Себебі ол макроэкономикалық тенденцияларға қарағанда жекелеген оқиғаларға байланысты өтті.

📉 Голландиялық ASML компаниясы (чипке арналған жабдықтар өндіретін ұйым) 3-тоқсанға арналған қаржы есебін жариялап, әлсіз көрсеткіштерге ие болды. Бұл компанияның акциялары төмендеп, өзімен бірге Nvidia сияқты чипмейкерлерді де құлдыратты, бұл индекс көрсеткіштеріне үлкен әсерін тигізді. Кеше ASML акциялары 16,3%-ға, ал Nvidia 4,7%-ға төмендеді.

📈 Сонымен қатар, Нью-Йорк Федералды резерв банкі АҚШ-тағы инфляция болжамдарына қатысты есептерді жариялады, ол бойынша 3 және 5 жылдық инфляциялық болжамдар сәйкесінше 2,5% және 2,8%-дан 2,7% және 2,9%-ға дейін өсті.

🇨🇳 Қытай билігі ертең жаңа брифинг өткізуге дайындалып жатыр, онда экономиканы қолдау мен ынталандыру жайлы қосымша нақты мәліметтер беріледі. Сондай-ақ кеше NASDAQ Golden Dragon China индексі 6%-ға жуық төмендесе, бүгін CSI 300 индексі шамамен 0,2%-ға құлдырады.

🗳 Нарық сарапшылары 5 қарашадағы АҚШ президент сайлауына қарай құбылу күшейетінін болжап отыр. Кеше БАҚ Дональд Трамптың Қытайға тарифтерді арттыру және ФРЖ-ге президент әкімшілігінің ықпалын күшейту ниетін қайта көтергенін хабарлады.

🟢Инвесторлар үшін маңызды деректер мен басқа да оқиғаларды осы посттың астына коммент ретінде жариялаймыз.

#таңғышолу

Jusan Invest

⚡️ИНВЕСТ ИДЕЯ: PEPSI #PEP
#инвестидея

Негізгі параметрлері

Валюта: USD
Орта мерзімді мақсатты бағасы:197$
Көзделген бағасы :225$
ESG рейтингі: АA
Тәуекел деңгейі: Төмен
Компания құны: 241 607 млн доллар

Компания туралы
PepsiCo, Inc. бүкіл әлем бойынша түрлі сусындар мен тағамдар өндіреді, оларды сатып, таратады және маркетингпен айналысады.

Өсу драйверлері

• Күрделі макроэкономикалық жағдайға қарамастан компания органикалық кірісті арттыра алды.
• Жұмыс өндімділігін арттыруға бағытталған бастамалар арқасында жалпы және операциялық маржа өсті.
• Z буынының тағамдық әдеттерінің өзгеруі ұзақ мерзімді перспективада жеңіл тағамдар сегментінің өсуіне ықпал етіп келеді.
• Компания цифрландыруды белсенді түрде жүзеге асырып жатыр, бұл болашақта тиімділікті арттыруға мүмкіндік береді.
• Болжанған табыс жылына 3,1%-ды құрайды, бұл орташа тарихи көрсеткіштен жоғары.
• Техникалық тұрғыдан алғанда, акциялар қолдау деңгейі $160 және оның өсуін әрі қарай жалғастыра алады.

Жұмыссыздық деңгейі экономикаға қалай әсер етеді?

Жұмыссыздық деңгейі – бұл кез келген ел экономикасындағы маңызды көрсеткіштердің бірі. Ол қоғамдағы экономикалық ахуалдың бір аспектісін көрсетеді және халықтың әл-ауқатына тікелей байланысты. Жұмыссыздық деңгейінің экономикаға қалай әсер ететіні жайлы қарапайым мысалдармен түсіндіріп көрейік.

💸 Тұтыну шығындардың азаюы: Жұмыссыздық өскен сайын, адамдардың тұрақты табыс көзі азаяды. Нәтижесінде тауарларды сатып алу деңгейі де түседі. Бұл өнімдерін сатуға ниетті бизнес үшін сұраныстың азаюына әкеледі.

📉 Өндіріс көлемінің төмендеуі: Жұмыссыздықтың артуы кәсіпорындардың өндіріс қарқынын төмендетуге мәжбүр етеді. Себебі сұраныстың төмендеуі өндірушілерді жұмыс көлемін азайтуға итермелейді.

💰 Мемлекеттік шығындардың өсуі: Жұмыссыздық деңгейі көтерілген кезде, үкімет жұмыссыздық бойынша жәрдемақы, әлеуметтік төлемдер және қайта даярлау бағдарламаларына көп қаржы жұмсауға мәжбүр. Бұл бюджет тапшылығына себеп болады.

😞 Психологиялық және әлеуметтік салдарлар: Жұмыссыздық адамдарға психологиялық қысым түсіреді, олардың өмір сүру деңгейі төмендейді және әлеуметтік тұрақсыздыққа әкелуі мүмкін. Бұл, өз кезегінде, қоғамдағы қылмыс деңгейінің көтерілуіне ықпал етуі мүмкін.

📈 Инфляциялық қысым: Жұмыссыздық ұзақ мерзімге созылған жағдайда, экономикада өндіріс көлемінің төмендеуі инфляциялық қысымға әкелуі мүмкін. Өндіріс төмендеген сайын, ұсыныс сұраныстан аз болады, бұл бағаның өсуіне себеп болады.

Жұмыссыздықтың жоғары деңгейі экономика үшін теріс фактор болғанымен, кейде жұмыссыздықтың артуы нарық үшін қалыпты жағдай саналады. Өйткені бұл нарықтың икемділігі мен өзгерістерге бейімділігін көрсетеді.

Осы арнада біз Америкадағы жұмыссыздық деңгейіне қатысты статистикалық деректер жариялап отырамыз. Соған қарап, инвестиция жасауға қатысты шешім қабылдауға болады.

Jusan Invest

Мұнай бағасы 75 долларға дейін арзандады

🇺🇸 Дүйсенбі күні S&P500 және NASDAQ индекстері 0,8 және 0,9%-ға өсті.

🗓 Осы апта белсенді түрде корпоративті есептер жарияланады. Кеше ешқандай компания есебін шығармаса да акциялар айтарлықтай өсті.

Миннеаполис Федералды резерв банкінің басшысы Нил Кашкари негізгі пайыздық мөлшерлемені одан әрі қалыпты түрде төмендеткен дұрыс деп санайтынын айтты. Ал Федералды резерв жүйесінің басқарма мүшесі Кристофер Уоллер реттеуші органның мөлшерлемені сақтықпен, біртіндеп төмендетуі керектігіне тоқталды.

🛢Негізгі тақырыптан тыс, мұнай бағасының 75 доллар/баррель деңгейіне дейін айтарлықтай төмендегенін атап өтуге болады. Бұл жағдай Израильдің Иранға ықтимал реакциясын жұмсарту туралы жаңалықтармен, Қытайдың әлсіз сауда статистикасы, сондай-ақ OPEC ұйымының үш ай қатарынан әлемдік мұнай сұранысының өсу болжамын төмендетуімен байланысты.

🐉 Сонымен қатар, Қытай акцияларының әлсіз динамикасы жалғасып жатыр. Кеше NASDAQ Golden Dragon China индексі 2,1%-ға төмендеді, бүгін CSI 300 индексі шамамен 1% жоғалтты.

🇨🇳 Қытайдың сауда статистикасына келер болсақ, елдің тауар экспорты қыркүйекте жылдық көрсеткіш бойынша 2,4%-ға, ал импорты 0,3%-ға ғана өсті.

🇨🇦🇮🇳 Соңғы маңызды жаңалық – Канада Үндістанның алты дипломатын ескі сикх белсендісі және канадалық азамат Хардип Сингх Ниджардың өлтіру ісіне байланысты елден шығару туралы шешім қабылдады. Бұл оқиға бұрын екі ел арасындағы қатынастарды айтарлықтай бұзған болатын.

🟢Инвесторлар үшін маңызды деректер мен басқа да оқиғаларды осы посттың астына коммент ретінде жариялаймыз.

#таңғышолу

Jusan Invest

❗️"KEGOC" АҚ акционерлері 2024 жылдың бірінші жартыжылдығында жай акциялары бойынша дивидендтер төлеу туралы шешім қабылдады.

Толығырақ сілтемеде

#ҚазАкциялары

АҚШ акциялар нарығы өсіп жатыр

🇺🇸 Жұма күні S&P500 және NASDAQ индекстері 0,6 және 0,3%-ға жоғарылады.

📈 АҚШ акциялар нарығы жоғары жылжуын жалғастырып, жаңа рекордтар орнатты. Жұма күні негізгі индекстер орташа өсім көрсетті.

📊 11 қазанда инвесторлар АҚШ, Канада және Ұлыбритания бойынша бірнеше маңызды деректермен танысты. АҚШ-та өндірушілер бағаларының индексі мен Мичиган университетінің тұтынушылық көңіл-күйі бойынша мәліметтер жарияланып, аралас нәтижелер шығарды.

📉 Өндіріс инфляциясы сарапшылар болжамынан сәл төмен болды. Мичиган университетінің мәліметтері бойынша, көңіл-күй индексі 70,1-ден 68,9-ға төмендеді, жылдық инфляция бойынша болжам да 2,7%-дан 2,9%-ға артты, ал бес жылдағы инфляцияға қатысты болжамдар 3,1%-дан 3%-ға төмендеді.

🇨🇦 Сонымен қатар, қыркүйек айында Канададағы еңбек нарығы бойынша есеп ерекше назар аудартты. Жұмыспен қамту деңгейі болжамдардан асып түсіп, жұмыссыздық деңгейінің 6,7%-ға өсуі мүмкін деген деректерге қарамай, 6,6%-дан 6,5%-ға дейін төмендеді.

🇨🇳Демалыс күндері Қытай билігі қыркүйек айындағы тұтынушылық баға индексі (ТБИ) есебін жариялады және ол нашар нәтижемен шықты. Қыркүйек айында тұтынушылық бағалар өзгеріссіз қалды, ал болжам бойынша 0,4%-ға өсуі керек еді.

🛢Сонымен қатар, бүгінгі нарық ашылған сәтте мұнай мен АҚШ-тың мемлекеттік облигацияларының бағасы төмендеген еді. Бұл Израильдің Иранға жасаған шабуылына жауап ретінде өз мақсаттарын шектегені туралы хабарлармен байланысты. CNBC хабарлағандай, Израильдің негізгі мақсаты Ирандағы әскери және энергетикалық инфрақұрылымдың көзін жою.

🟢Инвесторлар үшін маңызды деректер мен басқа да оқиғаларды осы посттың астына коммент ретінде жариялаймыз.

Ұлттық Банктің базалық мөлшерлемеге қатысты шешімі жайлы

📊 Бүгін Қазақстан Ұлттық Банкі Ақша-кредит саясаты жөніндегі комитеті базалық мөлшерлемені 14,25% деңгейде (пайыздық дәлізі +/- 1 п.п.) сақтау туралы шешім қабылдады. Бұл шешім қатарынан екінші рет қабылданып отыр!

📈 Ұлттық Банктің баспасөз хабарламасында шілде айындағы күрт өсуден кейін тамыз және қыркүйек айларында инфляцияның төмендеуі атап өтілді. Алайда инфляцияның орташа тарихи мәндерден жоғары қалыптасып жатқанын да ескертті.

🏷 Сонымен қатар, Ұлттық Банк сыртқы және ішкі сипаттағы бірқатар инфляциялық қауіптердің әсерін де атап өтті. Ішкі факторлар ретінде әдеттегідей фискалды ынталандыру, тарифтердің өсуі (инвестициялар айырбасында), ішкі сұраныстың тұрақтылығы және инфляциялық болжамдардың жоғары болуы айтылды.

🧐 Ұлттық Банк егер инфляцияның тұрақты бөлігінің төмендеуі жалғасып, фискалдық тапшылықты қаржыландыру мәселесі тиімді әрі жүйелі шешілсе, базалық мөлшерлемені сақтықпен әрі салмақты түрде төмендету мүмкіндігі бар екенін мәлімдеді.

💬 Сонымен қатар, Ұлттық Банк төрағасының орынбасары Әлия Молдабекованың теңге бағамы туралы айтқандары да көпшілікке қызық болды. Бұл мәлімдемелер базалық мөлшерлеме бойынша шешім жарияланбай тұрып жасалған және, сөзсіз, теңге бағамына әсер еткен.

🔍 Қысқаша айтқанда, Молдабекова реттеуші БЖЗҚ-да доллар сатып алуды уақытша тоқтатқанын мәлімдеді, қазан айының соңына дейін Ұлттық қордан 1,3-1,4 миллиард АҚШ долларының 2/3 бөлігін сату қажет екенін атап өтті және жалпы валюта нарығындағы «шамадан тыс құбылмалылықтың» орынсыз екендігін айтты. Сондай-ақ, Ұлттық Банк валюта нарығын тұрақты түрде қадағалап отыратынын қосымша атап өтті.

📉 Молдабекованың түсініктемелерінен кейін USD/RUB жұбы 490-нан төмендеді, ал кеше ол 500-ге жақындап қалған еді.

🗓 Ұлттық Банктің биылғы жылы өтетін келесі және соңғы отырысы 29 қарашаға бекітілген. Шешім Астана уақыты бойынша сағат 12:00-де жарияланады.

Қытай акцияларының өсуі тоқтады

🇺🇸 Кеше америкалық S&P500 және NASDAQ индекстері 0,2 және 0,1%-ға құлдырады.

Бейсенбі күні АҚШ Еңбек статистикалық бюросы қыркүйек айындағы тұтынушы бағаларының индексі (ТБИ) туралы негатив нәтижелер жариялады. Бұл есеп бойынша жалпы және негізгі инфляция сарапшылардың болжамынан жоғары болып шықты. Атап айтқанда, негізгі инфляция екінші ай қатарынан 0,3%-ға көтерілді.

📈 Сонымен қатар, жұмыссыздық бойынша өтініштер статистикасы дезинфляциялық нәтиже көрсетті, онда апталық көлемнің күрт өскені байқалды – 225 мыңнан 258 мыңға дейін.

Нәтижесінде, АҚШ қор нарығы, акциялар және облигациялар нөлдік деңгейде жабылды.

🇨🇳 Енді Аспан асты елінің жаңалықтарына көшсек, жексенбі күні Қытайдың статистика агенттігі қыркүйек айындағы ТБИ мен сауда деректерін жариялайды. Қазіргі уақытта қытайлық акциялардың өсуі тоқтады. Кеше NASDAQ Golden Dragon China индексі екі күндік күшті төмендеуінен кейін тек 0,3%-ға өсті.

🟢Инвесторлар үшін маңызды деректер мен басқа да оқиғаларды осы посттың астына коммент ретінде жариялаймыз.

#таңғышолу
Jusan Invest

❗️"ҚазМұнайГаз" Ұлттық компаниясы" АҚ Coöperatieve KMG ЕР U. A. 87,65 % үлесіне және KMG үлесінің 95,10 % Netherlands Energy Coöperatief U. A. үлесіне ие болды.

Толығырақ сілтемеде

#ҚазАкциялары