Қыз – зат емес! Депутат Жаңбыршин эмоционалды үндеу жасады...

Мәжілісте депутат Еділ Жаңбыршин қыздарды еркінен тыс алып қашу мәселесін көтеріп, ел назарын аударды.

Ол мұндай әрекеттердің тек жеке адамның емес, тұтас қоғамның қауіпсіздігіне әсер ететінін атап өтті.

«Мен ондай жігіттерді түсінбеймін. Қазақта «Қыз – қонақ» деген сөз бар. Ер жігіттің парызы – қыздың көңілін тауып, өзіне сенім артуына жол ашу. Ал қызды көшеден күштеп алып қашу – бұл нағыз ұятсыздық. Қыз зат емес, тауар емес, ол – адам!» – деді Жаңбыршин өз сөзінде.

Депутат қыз алып қашу дәстүр деп танылған кейбір жағдайлардың қоғамға тигізетін кері әсерін ерекше атап өтті. Ол бұл мәселені ұлттық қауіпсіздік деңгейінде қарастыру керек деген ой айтты.

«Мұндай жағдайлар біздің ұлттық мәдениетімізді қорлайтын әрекет. Бұл тек жеке отбасылық мәселе емес, бұл – ұлттық моральдың құлдырауының белгісі. Біз ондай әрекеттерді қатаң жазалап, жас ұрпаққа дұрыс үлгі көрсетуіміз қажет!» – деп түйіндеді депутат.

Депутаттың үндеуі көпшіліктің қызу талқысына түсіп, түрлі пікір туғызуда.

Қалай ойлайсыз, қыз алып қашу дәстүр ме, әлде жабайылық па?

Электронды кітаптар