«мамырдың айлы түні…»

осымен, білмеймін төртінші не бесінші жыл қатарынан сәуірдің соңы мен мамырдың орта тұсына таман үлкен бір мұң сезіледі. көп нәрседен қызық қашып, ойды жинақтап, іспен шұғылдану тіптен қиындық тудырады. себебін түсініп болмаймын, қандай сезім екені де белгісіз. мұң? кішігірім күйзеліс? фрустрация? әлде апатия? түсінсем бұйырмасын. неге дәл осы мерзімде оралатынын да білмеймін.

шаршау, жұмыс өнімділігінің төмендеуі, ұйқының бұзылуы, немқұрайлық және зейіннің шашыраңқы болуы осы уақыт аралығында мазалайды.

мамыр - керемет, жылы ай. өзгерістерді сезуге, байқауға болатын шақ. бірақ, бұл өмір мерекесінен мен адамын. осы қысқа уақыт аралығында мазасыздық мені әрдайым жеңіп кетеді. сәуірден-мамырға, жылдан-жылға.