Бүгін мұнай-газ саласына қосқан елеулі үлесі, кәсіби қызметте жеткен жоғары нәтижелері үшін бірқатар қызметкерге марапат табысталды.

Сорғы қондырғысының операторы Алпысбай Давленбаевқа Қазақстан Республикасы Энергетика министрінің «Алғыс хаты» табысталды. Бюджеттеу және экономикалық талдау бөлім бастығы Арап Кенджебаев, диспетчер Мереке Кощанова, бұрғышы Берік Аленов, бұрғышы Мәлік Жайтуғановқа мерейлі 50 жасқа толуына байланысты директор атынан арнайы құттықтау адресаты берілді.

Мекемеде 19 жылдан аса уақыт әртүрлі қызмет атқарған Ұңғыманы күрделі жөндеу цех бастығының орынбасары Хасен Ерлепесовке зейнет жасына толуына байланысты марапат берілді.

Бас директор Нұрлан Белшер арнайы «Алғыс хат», естелік сый табыстап, ұрпақтар сабақтастығын үзбеу қажеттігін айтты.