Nurbol Rakhmatilla

Жақсылыққа бағыттау – ізгі адамдардың қасиеті. Бірақ өзінің кемелденуі бір бөлек, ал өзгелерді жетілдіру – одан да биік дәрежедегі іс.

Ұзақ түнде құлшылық қылатын тақуаға қарағанда, адамдардың сенімі мен іс-әрекеттерін түзеуге үлес қосатын ғалымның мәртебесі жоғары.

©️Шауарид

Әйел сүйген кезде, ол сіздің шай ішіңіз деген шақыруыңыз үшін Меккеден Шамға(Дамаскқа) келуге дайын.

Ал егер оның жүрегі сізден суыса, ол тіпті өзінен жеті сантиметр қашықтықтағы қант салғышты сізге ұсынуға ерінеді.

Әйелдер ер адамдардағы төрт қасиетті ұнатпайды:
(Менмендігі, түсініксіздігі, қаталдығы, үнсіздігі).
Ер адамдар әйелдердегі төрт қасиетті ұнатпайды:
(Ашушаңдығы, дауысының қаттылығы, айқайы, тыңшылық етуі).

Егер балалар кішкентайында жылы әрі мейірімді сөздерді естімесе, олар өскенде сондай сөздерді айта алмайды.

Оларды мейірім мен сүйіспеншіліктен айырмаңыз.

Ерлі-зайыптылар арасындағы кешірім сұрау – қандай ғажап! Ол қателіктің ізін өшіріп, махаббатты арттырады және кешірім сұраған адамның қадірін жұбайының көзінде одан сайын биіктетеді.

Шейх Юсуф Хаттардың (хафизаһулла) даналық сөздерімен бөлісейін . Бағалап кетіңіздер. ✊🏻👏🏻🔥

Әрине, адамдардың табиғаты әртүрлі. Кейбіреулерге жәннат пен мол ризық сияқты жайлы тақырыптарды айту ұнайды. Ал азап пен ақырет секілді ауыр мәселелерді қозғағанда, олар сені тыңдаудан бас тартуы мүмкін. Бұл жаман қасиет пе, әлде қарапайым құбылыс па?

Менің ойымша, мұндай қасиеттегі адам Алланы дұрыс танымаған деп есептеймін. Себебі үміт пен үрей – шынайы мұсылманның сипаты!

Ауыр шындық 😢😢😢


Бір адам есігінің алдына есегін байлап қою үшін көршісінен арқан сұрайды. Көршісі арқан жоқ екенін айтып, оған бір кеңес береді:
— Есегіңнің мойнына арқан байлағандай қимыл жасап, оны байлағандай етіп көрсетсең болды, ол орнынан қозғалмайды.

Адам көршісінің айтқанын жасап, ертесі күні есегінің әлі сол орнында тұрғанын көреді. Бір күні ол есегін егістікке алып барғысы келеді, бірақ есек орнынан қозғалмай қояды. Адам бар күшін салып жылжытуға тырысса да, еш нәтиже шықпайды. Ақыры ол көршісіне қайта барып кеңес сұрайды.

Көршісі одан:
— Арқанын шешкендей қимыл жасадың ба? — деп сұрайды.
— Қандай арқан? Ондай ештеңе жоқ қой! — деп таң қалады ол.
— Бұл сен үшін арқан жоқ шығар, бірақ есек үшін ол бар, — деп жауап береді көршісі.

Адам қайта барып, арқанды шешіп жатқандай қимыл жасайды, содан кейін есек еш қарсылықсыз қозғалады.

Бұл оқиғада есекті мазақ етпеңіз, өйткені кей адамдар да қиялдан туған әдеттер мен жалған сенімдердің құлы болуы мүмкін. Олар алға жылжуға кедергі келтіретін ойдан шыққан “арқанды” байқай алмайды.

Қаншама қабілетті адам өзін дәрменсіз санайды,
Қаншама ақылды адам өзін ақылсыз деп ойлайды,
Қаншама күшті адам өзін әлсіз деп есептейді.

Егер бір ұлт ұрпақтан-ұрпаққа әлсіздік, артта қалушылық және қорқыныш туралы әңгімелерді мұра етіп қалдыра берсе, ол ұлт арқанын шешпейінше, ешқашан дамымайды.

©️Шейх Юсуф Хаттар
(Хафизаһулла)

Біздің жолымыз:
Алланы разы ету
және адамдарға тура жолды көрсету.

Уа, Алла, бізге осы жолда тауфиқ бер…

©️Шейз Уаил әл-Хәнбали
(Хафизаһулла)

Ибн Аббас (р.а.) былай деген:
“Дәретпен ұйықтауға дағдылан, себебі рухтар қай жағдайда алынса, сол жағдайда қайта тіріледі.”

📕 әл-Бидая уән-Нихая

Кеңесіңді бер, бірақ оны міндетті түрде қабылдауды күтпе.
Өтініш айт, бірақ оның орындалуын талап етпе.
Сыйыңды бер, бірақ алғыс пен қайтарымды шарт етпе.

“Сыр бейнеде емес,
Сыр жүрегіңдегі Құранның нұрында.”

©️Шейх Махмуд әд-Дурра
(Хафизаһулла)

Ашудан құтылуға бола ма ?

Алла Тағала Құранда: «Және ашуларын жеңе білетіндер»

“والكاظِمينَ الغَيْظَ"

деп айтты, бірақ «ашудан арылғандар» деп айтпады.

Бұл сөздің даналығы мынада: адамның табиғаты жараланған кезде ауырып, оны сезінбеуге үйрене алмайды. Алайда сабыр сақтап, сол ауыртпалықты көтеруді үйрену – мүмкін нәрсе. Дененің жарақаттан ауырсынуы қандай табиғи болса, жүректің ашуландыратын себептерден қиналуы да сондай табиғи. Ашуды толықтай жою мүмкін емес, бірақ оны басқарып, сабырлық танытуға және соған қарсы әрекет етуге болады. Ашудың табиғи нәтижесі кек алу мен жауап қайтаруды талап етеді, алайда бұл талаптарға ермей, оларға қарсы әрекет ету – адамның қолынан келеді.

©️Имам әл-Ғазали
(Рахимаһулла)

“Өмір бойы кездесетін ең қиын сынақтардың бірі – табиғи қалпыңда қалу, жасандылықтан аулақ болу. Өз-өзіңе адал болуды адамдардың сенің адалдығыңды байқауынан жоғары қою.”

«Оған тек сабырлылық пен зор бақыт иелері ғана жетеді» (Құран, 41:35).

©️Шейх Әли әл-Умари
(Хафизаһулла)

©️Имам Ша'би (Алла оны рақымына алсын)
«Адамның өзіне және әйеліне жұмсаған қаражаты – сауабы жеті жүз есе артатын садақалардың бірі».
📚әл-Мусаннаф

Балаңыздың Құранды жақсы көруін қалай қамтамасыз етуге болады?

1. Құран оқу арқылы үлгі болыңыз:
Бала ата-анасының әрекетін қайталайды. Сондықтан сіздің Құран оқып отырғаныңызды көру – оған үлкен әсер етеді және оны Құранға жақындатады.
2. Жеке Құран сыйлаңыз:
Балаңызға оның аты жазылған жеке Құран сыйлап, оны ерекше сезіндіріңіз. Бұл Құранға деген жеке байланысын арттырады.
3. Дауысын жазып, мақтау айтыңыз:
Балаңыз Құран оқығанда дауысын жазып алып, оны тыңдатып, көркем сөздермен мақтап, ынталандырыңыз.
4. Сыйлықтармен ынталандырыңыз:
Құранның белгілі бір бөлігін жаттап болған сайын, балаңызды материалдық сыйлықтармен немесе жылы сөздермен марапаттаңыз.
5. Ұйықтар алдында Құран хикаяларын айтып беріңіз:
Құрандағы ғибратты оқиғаларды айтып беру арқылы баланың жүрегінде Құранға деген сүйіспеншілік оятыңыз.
6. Құранға құрмет көрсетіңіз:
Құранды қалай құрметтейтініңізді балаңыздың көз алдында көрсетіңіз. Бұл оның да Құранға құрметпен қарауына ықпал етеді.
7. Құран жаттаушыларды мақтаңыз:
Құран жаттап жүргендерді балаңызға үлгі етіп, олардың жетістіктерін мақтап отырыңыз. Бұл баланың да Құранды жаттауға деген қызығушылығын арттырады.
8. Құранды өмірінің бір бөлігіне айналдырыңыз:
Балаңыздың жүрегінде Құранға деген сүйіспеншілік оятып, оны күнделікті өмірінің ажырамас бөлігі етуге тырысыңыз.

©️Шейх Юсуф Хаттар
(Хафизаһулла)

Пайдалы достың сипаты 🫂

Бишр ибн әл-Харис р.а былай дейді:

Ұстазым Һәммам маған: «Ей, Бишр!» – деп үн қатты. Мен: «Ләббайк, (тыңдап тұрмын)», – дедім. Ол:
«Саған пайдасы жоқ дос болса, оны өзіңнен алыстат», – деді.

Мен одан: «Достың қандай пайдасы болуы керек?» – деп сұрадым.

Сонда ол:
«Саған жақсылықты үйретсе, жақсылыққа бағыттаса немесе саған жақсылық жасаса, сол дос – пайдалы», – деп жауап берді.

📚Тарих Бағдад

Біздің заманда насихат айтушы адам - әулие , насихатты қабылдаушы жанда- әулие .


©️Шейх Мухаммад Һашим
(Рахимаһулла)