Ата-анаға орануға қарсы болса қалай дұрыс түсіндіруге болады? Өз тәжірибемнен анама әсер еткен сөздер⬇️
(Ең бірінші кезекте ата-анамен жайлап сөйлесіп, нақты не үшін қарсы екендігін анықтап алу қажет. Көбіне ата-ана бір нәрседен қорыққандықтан баласына ұрысып, рұқсат бермеуі мүмкін. Олардығ орануыңызға қарсы нақты себептерін анықтап алған соң, олардың қорқыныштарына сіздер дұрыс жауап беріп, көзқарастарын өзгерту қажет) Мәселен, ата-ана жұрттың сөзінен қорқатын болса, "Жұрттың пікірі дейміз, сол жұрт ертең сізге не маған бірдеңе болып қалса (Алла сақтасын) келіп көмектеседі ма? Мама, егер сіздерге бірдеңе болып қалса келіп көмектесетін біздерміз ғой, жұрт емес. Жұрт тек сынап сөйлеуді біледі, мен жұрттың пікіне мән бермеймін. Алла парыз еткен нәрсені орындамай, жұртты тыңдағанымнан Алланың алдына есеп берер алдында сол жұрт маған көмектеседі ма?" деп айтып көріңіз. Сонда олар да жұрттың пікірнен қорқуды қоятын болады Ин шәә Алла!
Одан соң өлімді еске алдырыңыз.
"Қазір менің жасымда да күліп-ойнап жүріп, бір күнде өліп кеткен жастар қаншама, мама, менің ертең аман-есен оянатыныма гарантия бере аласыз ба? Ертеңгі күннің өзін білмейміз, Алла алдында қалай жауап береміз? Жұрт айта берсін, бір күні көздері үйренеді, мама, мен Алланың әмірін орындамай өзімнен бөлек әкем мен бауырларымды тозаққа алып кеткім келмейді. (Қыз бала тозаққа кетсе өзімен әкесін, ағасы немесе інісін, күйеуін, баласын алып кетеді)
Одан соң орану қазіргі уақытта жамандықтан қорғай алатынына дәлел келтіріңіз:
"Қаншама жақсы қыздар да мен сияқты жүріп жігіттерге алданып, зорланып қалып жатыр, бүкіл өмірлері қирап жатыр, соның барлығы әурет жерін ашып жүргеннен ғой. Тіпті өз әкесі, өз ағасы қыздары мен қарындастарын зорлаған жағдайлар болып жатыр, соны біле тұра ашық-шашық жүргенім дұрыс болады ма? Мен ондай жағдайға түскім келмейді, мен абыройлы қыз, болашақ асыл ана болғым келеді. Мен бар сұлылығымды бөтен еркектерден қызғанамын, Алла мені өте әдемі етіп жаратты ғой. Сондай азғындаған заманда маған түрлі еркектер арам оймен қарап, қиялында неше түрлі нәрсені елестететін болса, мен қандай жағдайда боламын? Ал маған да тиіссе ше? Одан соң өмірім не болмақ?"
Одан соң орамалдың қорқынышты, жаман нәрсе еместігін, орансаңыз ата-анаңыздан алыстап кетпей, дәл сол ерке қыздары болып қала беретініңізді түсіндіріңіз:
"Орамалды мен тек сыртқа шыққанда киіемін ғой, үйде, сіздердің қастырыңызда кәдімгідей жүре беремін ғой. Үйде жүргенде шашымды жайсам да, бұйраласам да, әдемі көйлектер кисем де айыбы жоқ. Мен өз сұлулығымды болашақ жарыма сыйлаймын. Мен теңіз астындағы қолжетпес інжу-маржан сияқты әркімнің қолы жете бермейтіндей болғым келеді. Мен өте сұлумын, мен өзімді басқалардан қызғанамын! Әрі оны Алла Тағала Құранда парыз етті"
Құранды ашып, Нұр сүресіндегі хиджаб жайлы аятты көрсетсеңіздер болады.
Сөз соңында ата-анаңызға оларды қатты құрметтеп, жақсы көретіндеріңізді, оларға тек жақсылық тілеп, абыройларын арттырғыңыз келетіндігін айтуға болады.