Ер адам бұл мақалды тұрмысқа шыққалы жатқан қарындасына не қызына насихат ретінде айта алады.

Сол сияқты ерлерге айтылған мақалды да үйленгелі жатқан ұлына не інісіне айта алады.

Демек дәстүрімізде отбасылық мәселеде әркім өзінен бастауға, әркімнің өз міндеті бар екені айтылған.

Мысалы ұрысып қалған екі жасқа жақындары жеке-жеке насихат айтқанда "қызым, еркекті көрге де төрге де сүйрейтін әйел. Еріңді сыйла, құрметте. Көңілі тыныш ер іс тындырады" деген сияқты насихатты айтса, ер адамға "әйел саған аманат. Қыз кезінде бәрі жақсы. Қатынды бастан деген.. Еркек басшы деген, әйел қисық қабырға..." деген сияқты насихаттарын айтатын болған.

Ал әйелге айтылған мақалды онсыз да әйеліне наразы, ашулы ерге барып "төрге де, көрге сүйрейтін әйел..." деп айтса, бұл нағыз отқа май құю, астарлап әйелін жамандау, бұзылғалы жатқан шаңырақтың керегесін сөгу емей не енді?