Перизат Мырзахмет


Гео и язык канала: Казахстан, Казахский
Категория: Блоги



Гео и язык канала
Казахстан, Казахский
Категория
Блоги
Статистика
Фильтр публикаций


Позитивті ойлау - таңнан кешке дейін ыржалаңдап, айналаңдағы оқиғаларды игнорға қою немесе өзіңді зорлап күлу емес. Өзіңде, қоршаған ортаңда болып жатқан оқиғаларға сау рефлексия жасау, өзгерістерді оң қолдануға ұмтылу.




Көктемде су тоқтата алмай қиналамыз. Жаз болса су таба алмай қиналамыз. Салығымызды мұқтаждығымызды бүтіндеуге жұмсайтындар елтаңба ауыстырайық дейді. Қыруар ақшаға қырт форумдар өткізе береді. Мен қазір президенттің орнында болсам, бүкіл министр, депутаттарды ауыл-ауданға жіберіп, су кештіріп қояр едім. Барлық салаға БАСқарушы керек. Бізде ылғи қол-аяқтар жүгіріп жүр. Олар бұйрықтан ары аса алмайды. Шешім шығара алмайды. ПНБ.


Үкіметте ұят, халықта шара жоқ уақыт.

Жердің кеңдігінен не пайда, елдің үйі болмаса.


Баласын жұлқылап, жекіп, оған бұйырып сөйлеп тұратын әке-шешелерді көргенде, кезінде өз қалауларын айта алмаған, іштен тынған, тыңдалмаған кішкентай балаларды көрем. Әлі солай өмір сүреді. Өзінің проблемасына шамасы келмеген соң моральдік тұрғыда әлсіз балаға күш көрсетеді.


- сен балаңның айтқанын екі қылмайсың, барлық тілегін орындайсың, бүкіл уақытың мен назарың сонда. ӘБде “детская травма” болмайтын шығар?
- психологқа барып, “шешем детская травмаға мүмкіндік бермеді” деп отырмаса болды.
- 🤪


“Біреу менің жақсылығымды елемеді” деп ренжіме. Ол сен арқылы жақсылық жіберген құдайды да елеп жүрген жоқ.


Адам әділ емес, құдай әділ.

“Түсінбеймін, осындай ақымақ болуға бола ма?” десең, құдай ұғындырады. Әйтеуір бір күні бәрін түсініп шығасың.

“Мен ешқашан бүйтпеймін!” десең, құдай “бұл қалай өмір бойы бүйтпей өтеді” деп жасатқызып, дәмін татқызады.

Өзіңнің өмірің туралы ойлансаң, құдай өз өміріңді түсіндіруге көмектеседі. Біреудің өмірін ойласаң, құдай біреудің өмірін түсіндіреді. Біреудің өмірін түсініп болам дегенше өз өміріңе қолың тимейді. Ал құдайдың алдында өз өмірің үшін жауап бересің.

Адам проблема көп деп жылайды. Құдай берген жалғыз проблема - құдайға жол табу. Бірақ адам біреу салған жолмен тезірек барам деп ойлап, жолшыбай жұрттың проблемасын арқалап алады. Адам жүрегіндегі құдайды емес, басындағы шуылдаған ойларды тыңдайды. Сөйтіп жүріп адасады.

Адамның әуелгі реттеулерінде (setting) мін жоқ. Бірақ дүниеге келген сәттен бастап, адамның қолына түседі. Реттеулер бұзылады. Адам “құдай мені осылай қылды” деп налиды, “құдайдың қылғанына не амал?” деп өзгеруге құлық танытпайды. Адам бұзғанды адам өзгерте алатынын мойындамайды…

Құдай өзі реттеп алады.


Еңліктің парақшасынан алдым. От лук, от сурет.


Балалармен көруге тағы бір жақсы сериал: Fresh off the Boat (Трудности ассимиляции). Сүйкімді, көңілді, дәмді. Қытайлардың Америкаға сіңісуін күшті жеткізген. Баламен қарым-қатынас, қытай тәрбиесінің ерекшеліктерін бақылау қызық.


“Жеңілдім” деп айтпа, “өзімнің жетілмеген тұсымды байқадым” деп айт.


Өскеменнен ой.

Кадрдың артында қаншама мықты жоба жасадым. Ешкім таныған жоқ.
Соңғы жылдағы екі-үш жақсы подкаст танымал қылды.

Инсайт: бет күтімін жақсартып, экраннан жиірек көріну керек 😂


Қазақ әйелінен қорлық көргендер




Неге Динара Болаттың ресми және бейресми жігіттерінің туған күні бір күнде? Әлем не дегісі келді бұл арқылы?


- мам, я тебя обижаю… ой, обожаю
- это оговорка по Фрейду 😂


Базарда тігінге керек кәкір-шүкір (ұсақ-түйек) қарап келдім. Тесьма дегеннің жүздеген нұсқасы тұр. Әжем марқұм есіме түсті. Әдемі заттарға құмар еді. Бірақ бәрі қат кезде дүниеге келген соң, қолда барды қанағат тұтты. Мына базарды, мына тесьмаларды көрсе көзі жайнап кетер еді. Отыра қалып бірдеңе тігер еді.

Біз керемет уақытта өмір сүріп жатырмыз. Өзіміз үшін де, осы тоқшылық пен баршылықты, сұлулықты сүйетін әйел жаны қанағаттанатын уақытты көрмей кеткен аналар мен әжелердің разылығы үшін де өмір сүру керек.


Я хочу любить своего президента. Много прошу?


«ПРЕЗИДЕНТ ҚАСЫМ-ЖОМАРТ ТОҚАЕВ КРЕАТИВТІ ЖАСТАРМЕН КЕЗДЕСТІ» деген тақырыпты оқып, суреттерді қарап шықтым. Біздің бар креатив әншілер мен орыстілді блогерлерге тіреліп тұр екен. Арасына ырымға ақыннан Мақпал, режиссерден Мұрат пен Әлішер жүр. Шынымен қазақтілді контент жасап жатқандар қайда? Бірнеше ірі баспа бар, қаншама жазушы бар, Нұрқожа, Әлия Әшім сияқты күшті контентмейкерлер қайда? Қаншама қазақтілді сценарист жігіттер мен қыздар бар. Жайдарман қайда? Қазақтілді стендаперлер қайда? Суретшілер қайда? Тізімді кім құрады және қалай құрады? Әншілерге қарсылығым жоқ. Бірақ креатив тек ән мен блогиң емес қой…


Маған екінші өмір керек. Оқылмаған кітап, көрмеген фильмдер жиналып қалды. Жазылмаған ойларды айтпағанда.

Показано 20 последних публикаций.