Avval xabar berganimizdek, Taxiatosh tumani markazidagi Mustaqillik va Seytmuratov ko'chalariga tutash hududdagi 18 gektar foydalanilmayotgan bo'sh yer maydonida "Creativ park" qurilish ishlari jadallik bilan davom etmoqda.

Tashkil etilayotgan parkda landshaftli bog‘, favvoralar, madaniy-ommaviy tadbirlar uchun maydon va sahna, amfiteatr, 10 dan ortiq savdo va xizmat ko‘rsatish obektlari, bolalar o‘yingohi, attraksionlar o‘rin olishi hamda suv havzasi tashkil qilish ko‘zda tutilgan. Qurilish ishlari 2025 yil mart oyiga qadar davom etadi va Navro‘z ayyomi arafasida foydalanishga topshiriladi.

Mazkur park foydalanishga topshirilishi natijasida aholining dam olishi uchun munosib sharoit yaratilib, hudud ko'kalamzorlashtiriladi va dam olish uchun qulay saylgohga aylantiriladi hamda turli bayram va ommaviy tadbirlarda aholining hordiq chiqarishlari uchun imkon yaratadi.