🏆️ ️ ️ Нұрланбек Табысұлы

⚡️ Ауыл мектептері оқушыларына арналған қоғамдық-гуманитарлық бағыттағы пәндер бойынша II республикалық олимпиада басталды

📊 10-14 желтоқсан аралығында Астанада ауыл мектептерінің 10-11(12) сынып оқушыларына арналған республикалық олимпиаданың төртінші (қорытынды) кезеңі өтеді. Оған облыстық кезеңнен өткен 450 оқушы қатысады.

✅ Ауыл мектептерінің оқушыларына арналған республикалық олимпиада екінші жыл қатарынан ұйымдастырылып отыр. Оның мақсаты – ауыл оқушыларының таланттары мен қабілеттерін анықтау, интеллектуалдық дамуына жағдай жасау және болашақ мамандықтарын таңдауға қолдау көрсету.

🧑🏻‍💻 Биыл олимпиадаға қатысуға 113 мыңнан астам оқушы ниет білдірді, бұл қатысушылардың өткен жылмен салыстырғанда 35 мыңға көбейгенін және ауыл оқушыларының интеллектуалдық жарыстарға деген қызығушылығының артып келе жатқанын көрсетеді.

❗️ Қорытынды кезең қоғамдық-гуманитарлық бағыттағы 7 пән бойынша дәстүрлі форматта, екі тур бойынша өтеді. Нәтижесінде қатысушылардың жалпы санының 45%-ы жеңімпаздар мен жүлдегерлер ретінде анықталады. Олар ҚР Оқу-ағарту министрлігінің І, ІІ, ІІІ дәрежелі дипломдарымен марапатталады. Сонымен қатар барлық қатысушыларға сертификаттар мен естелік сыйлықтар табысталады, ал жеңімпаздарға еліміздің бірқатар жоғары оқу орындарының ректорлық гранттары беріледі.

✔️ Сондай-ақ қорытынды кезеңге қатысушылардың барлығы алдағы зияткерлік жарыстарға дайындалу үшін республикалық «Дарын» мектебіне сырттай оқуға қабылданады. І дәрежелі диплом иегерлері 2024-2025 оқу жылындағы жалпы білім беру пәндері бойынша республикалық олимпиаданың қорытынды кезеңіне қатысады.

📌 Ауыл мектептері оқушыларына арналған қоғамдық-гуманитарлық бағыт бойынша II республикалық олимпиаданың жеңімпаздары мен жүлдегерлерін марапаттау рәсімі биылғы жылдың 14 желтоқсанында өтеді.