4-Сұрақ: Рамазан айындағы оразаға ниет етудің үкімі және ниет етудің уақыты бар ма?
Жауап: Оразаға ниет ету – парыз. Құранда: «Олар ғибадатты, нағыз Аллаға шынайы ықыласпен бір беткей түрде орындаулары, намаз оқулары және зекет берулері үшін әмір етілген», – делінген. Рамазан оразасына ниет ету ақшам намазынан басталып, ораза ұстайтын күннің сәске, яғни таң уақыты кіргенге дейін жалғасады. Ал, сәресі уақытында ниет етпей ұйықтап қалған жағдайда, таңертең еш нәрсе ішіп-жемеген болса, бесін намазына дейін ниет етуіне болады. Десе де ең дұрысы түнде, сәресі уақытында ниет ету.