"Osmondagi bolalar" filmidagi Hamdam yozgan ssenariy ustida ketgan tortishuv esingizdami? Muallifi mashhur adib deya qaralayotgan asar oddiy maktab o'quvchisiniki bo'lib chiqqach, hamma to'nini teskari kiyib oladi. Uni avvalroq shedevrga tenglashtirib, so'ng fikridan qaytgan bittasi asarga hurmatli adibi Mustafoqul Boltaboyev ko'zi bilan qaraganini aytganida rejissor achchiq istehzo bilan shunday deydi: "O'zingizni ko'zingiz qayoqda edi!"
Mana shu birgina lavha bilan Zulfiqor Musoqov aksariyat odamlarning san'atni umuman tushunmasligini ochib bergan.
Chindan ham, odam o'zini jarroh yoki fizik qilib ko'rsata olmaydi. Buning uchun, "Eplasang, tutib ol" degan bir film qahramoni kabi, o'ta ketgan firibgar bo'lishi kerak. Lekin o'zini ijod kishisi qilib ko'rsatishdan cho'chimaydi, sababi o'zi ham ijod kishisi ekaniga qattiq ishonadi...