СТӘРЛЕТАМАҠТА ЭШ ХАҠЫ КҮПМЕ?

Башстат мәғлүмәттәре буйынса, Башҡортостанда барлығы һигеҙ ҡала араһында Стәрлетамаҡ дүртенсе урынды биләй. 2026 йылдың беренсе кварталы йомғаҡтары буйынса ҡалала уртаса эш хаҡы 73 614,4 һум тәшкил иткән.
Ҡала округтары араһында беренсе урында – Өфө, бында әйтелгән осор өсөн уртаса эш хаҡы 94 163,7 һум булған. Икенсе урынды Салауат биләй – 86 998,3 һум, өсөнсө урында Октябрьский ҡалаһы – 76 834,1 һум.
Стәрлетамаҡтан һуң, бишенсе урында, Күмертау – 72 107,9 һум. Артабан Нефтекама – 71 323,3 һум. Етенсе урында Ағиҙел – 69 227,3 һум. Һуңғы урында Сибай – 66 197,8 һум.