«Шавкат – жан-жақты дайындалған спортшы. Бокс пен күрес жағынан оның артықшылығы айқын көрінеді. Менің ойымша, Шавкат Белал Мұхаммедті сенімді түрде жеңеді. Иэн Гэрримен болған жекпе-жектегі қиындықтарға келер болсақ, қарсыластың өзгеруі оның дайындық процесіне әсер еткені анық. Соған қарамастан, Шавкат өзінің жоғары шеберлігін көрсетіп, жеңісті ешкімге бермеді. Жеңімпаздарды сынға алмайды дейді ғой. Шавкат – мықты спортшы. Мен сенемін, ол Қазақстанды әлемге танытып, еліміздің Туын көкке көтереді», – деп атап өтті Нұрқожа Қайпанов.