Қымбатты Д.А.
Хатыңызды ұзақ күттім. Қазіргі өміріңіздің өзіңізге ұнайтыны қуантады. Бірақ сіз бəлкім сəтсіз шақтармен, мұңлы кезеңдермен салыстыратын боларсыз? Сіздің жеке өміріңізге еш қатысы жоқ. Көп адамдар меніңше бақытты сезіп көрмеген. Иə, тамағы тоқ, көйлегі көк. Тек жүректі дүрсілдетер, қаныңызды қыздырар бақытты сезді ме екен? Бақыт бұл тек қас-қағым сəттегі сезім. Оргазм сияқты. Мен сездім. Жүрегімнен өткердім 😊
Қазір осы сəт үшін бар тозақты қайта кешер едім деген жазба күтерсіз. Бірақ бұл бақыттың төлемі қымбат болды мен үшін. Білмеймін, қайта мүмкіндік берсе қайталаймын ба жоқ па. Кейт Аткинсонның шығармасындағы бір кейіпкер бар еді. Өз өмірін 11 рет сүретін. Сол отбасыға, сол сəтте қайта келеді əр рет. Өмірдегі қателіктерін, қатерлерін біле тұра идеал өмір сүре алмады ақыры. Өмірдегі қателіктерім аз емес. Бірақ олардан бас тартпаймын, мүмкіндігім де жоқ қой)) Кино дейсіз бе, иə, өмірім кино сияқты. Білесіз бе, кейде өзімді сырт көзбен көремін. Əсіресе кешкілік жұмыстан асығып бара жатқан кейпімді. Осыдан бірнеше жыл бұрын, тіпті бойжеткен, балалық шақтағы əр кадрды реплей жасай аламын. Тек қол созым ертеңгі кадр ғана беймəлім. Себебі мен өз өмірімді бір сəтте өзгерте алам. Қаласам. Түптеп келгенде мен де сіз сияқты ештеңені өзгерткім келмейді. Бірақ аса бақытты болғаннан емес-ау сірə...