Жоғарғы аудиторлық палата қайырымдылық қорларды тексеруге құзыретті емес – Әлихан Смайылов

Жоғары аудиторлық палата мемлекеттік бюджеттің игерілуін, сондай-ақ мемлекеттік және квазимемлекеттік ұйымдардағы активтерді аудиттен өткізумен айналысады. Ал мемлекет қаржысына құрылмаған қорларды тексере алмайды.

Смайыловтың айтуынша, аудиторлық палатаның «Қазақстан халқына» қорын тексеруге де құзыреті жоқ. Себебі қор бюджет қаражаты есебінен құрылмаған.

"Меніңше, қайырымдылық қорлары қоғамдық ұйым ретінде тәуелсіз аудиторлық компанияларды тартып, қайырымдылық жарналарын салатын адамдарға қаражаттың қалай жұмсалғаны туралы ақпарат беруге тиіс. Жауапкершілікті қорды құрған адамның өзі көтеруі керек деп есептеймін", – деді Смайылов.