bolek alem🪐

Қадыр Мырза Әлі

«Туған жердің тылсым сырын ұғып көр»

Туған жердің тылсым сырын ұғып көр:
Бұлтын оның бұлт демей бір түбіт дер.
Қарап тұрып мынау шырқау шыңдарға,
Қалай төмен боламыз, ей, жігіттер!

Туған жердің тылсым сырын ұғып көр:
Тұма-бұлақ дариядан үміткер.
Қарап тұрып мынау түпсіз теңізге,
Қалай тайыз боламыз, ей, жігіттер!

Туған жердің тылсым сырын ұғып көр:
Теңіз кешіп, шың басына шығыпты ер.
Көре тұра мынау ұлы даланы,
Қалай кіші боламыз, ей, жігіттер!

@aitqynkeldineni ✍🏼

Бір адамды шын жүрегіңмен сүйсең, мың рет ренжісеңде кешіресің.
Жүз рет қоштассаң да қия алмай қайтып келесің.

@aitqynkeldineni ✍🏼

Бір сұрақ әлі күнге дейін ойландырады…
«бізге не болды? бақытты едік қой»

@aitqynkeldineni ✍🏼

"Өмір" кафесіндегі әңгіме...


- Күтуші, маған қасіреттен бір кесе берші.
- Кешіріңіз, мырзам, тым кеш қой, жаңа ғана таусылған.
- Онда қуаныштан әкел.
- Ғафу етіңіз, таң атпай бітіп қалған. Бұрынғыдай-ақ жалғыздықтан әкелейін бе?
- Керегі жоқ. Мен оны бес жыл ішіп, қойып кеткем. Бүгін басқасын берші. Шаттық бар ма?
- Бар. Бірақ, аздап жалғандық қосылған.
- Пәктік ше?
- Бұл мәзірдің бірінші қатарында жазылғанымен, мұнда ешқашан болған емес.
- Сезім ше?
- Кеше ғана біреуін сатып алғандарға екеуін қосып беріп, зорға тауыстық. Өзіңіз білесіз, қазір сезім ештеңеге татымайды. Тым арзан. Оның үстіне бәрі де сапасыз. Амалсыздан сауда ретінде солай өткіздік.
- Жарайды, шынайы сүйіспеншіліктен берші.
- Бұрын болған еді. Қазір жоқ. Мұндай тәтті дүние әлемде тым аз. Естісем, оның өзін алыс қиырдан зорға алдырып жүргендер бар. Бағасы тым қымбат.
- Е, бұрын болған. Күнде осыдан ішуші ем. Дәмі тіл үйіретін, ләззәті де шексіз еді.
- Кешіріңіз, сізге айтар насихатым. Бұдан былай ішпеңіз. Ол тәтті болғанымен, жүрек ауруларына шалдықтырады екен.
- Өзің ішіп көріп пе ең?
- Жоқ, болса да ішпес ем. Келген қонақтардан солай естігем. Мырза, сізге рақымсыздықтан бір кесе алып келейін. Қазір оның базары жақсы. Қонақтардың бәрі де соны ішеді.
- Солай ма?! Бұрын олар шынайы сүйіспеншіліктен біраз ішіп алса болды, «күйдім, сүйдім» деп жүрегі елжіреп сала беретін. Соншама тез өзгерген бе?
- Иә, қазір рақымсыздық сәнге айналды.
- Жарайды. Ғашықтық бар ма? Содан әкелші.
- Бар.
- Біреуін әкел, табандылықтан көбірек қосарсың.
- Қазіргі табандылықтың бәрі Қытайда жасалған. Сапалысы қалған жоқ.
- Айтпақшы, әлгі алтын кеседегі тәтті тағамдарың не еді?
- Мырзам, тұрақты қонағымызсыз. Сол үшін де шынымды айтайын. Оған нәпсіден көбірек қосып, өкініш майын араластырып, тұрмыс қазанында қайнатады. Кесесі алтыннан. Сол үшін де қымбаттау. 
- Жарайды. Ғашықтықтан әкеле бер. Бала күнімде бір рет дәмін татқаным бар еді. Айтпақшы, махаббаттан бір кесесін дайындап ала келші. Итіме ала кетейін...

الروح الجميلة ترى السعادة في أبسط الأشياء

красивая душа видит счастье даже в самых простых вещах