💸Орыс тілі ұйымын қаржыландыруға жылына 43 млн теңге бөлінеді

Министр Саясат Нұрбек бұл көп емес деді.

Бүгін мәжіліс осыған қатысты заңды қабылдады.

Естеріңізде болса, Тоқаевтың бастамасымен «орыс тілі ұйымын құру туралы» шартқа 2023 жылы Бішкекте ТМД елдер басшыларының саммитінде қол қойылған.

Министрдің сөзінше, орыс тілі БҰҰ-ның ресми тілі мәртебесінен бөлек, ТМД, ОБСЕ, ОДКБ, ШОС, ЕАЭО сияқты бірқатар халықаралық ұйымдардың жұмыс тілі саналады.

Халықаралық ұйым құрылса, Қазақстан жыл сайын жарна төлейді.

«Ресми процедура біткеннен кейін, заңға президент қол қойғаннан соң, 6 елдің бүкіл министрі жиналып, бұл ұйым қалай жұмыс істейтіні туралы шешім қабылдайды. 2025 жылдың басында негізгі шаралар басталады. Әр мемлекет ұйымның бюджетіне қаржы құяды. Қазақстан бөлетін қаржы – 43 млн теңге. Бұл көп емес, – деді министр.

Айта кетейік, халықаралық ұйымға 6 ел кіреді: Қазақстан, Қырғызстан, Өзбекстан, Беларусь, Ресей және Тәжікстан. Орталығы Сочиде болады.

Сұрақ қойған: Балжан Смаилова