KAZ.NUR.KZ - Қазақстан және әлем жаңалықтары

@kaznurkz

Channel's geo and language: Kazakhstan, Kazakh

Category: News and media

KAZ.NUR.KZ-тің ресми арнасы
Қазақстанның басты жаңалықтарын біздің арнадан оқыңыз.
Біз:
🏆11 рет "Медиатордан" “Ең қызықты БАҚ” атағын иелендік;
🥇"№1 жаңалық порталы" номинациясы бойынша 5 рет "Жыл таңдауы" атандық (2015, 2017, 2019, 2020, 2021).

Related channels | Similar channels

Channel's geo and language

Kazakhstan, Kazakh

KAZ.NUR.KZ - Қазақстан және әлем жаңалықтары

2 Jan, 12:35

🔥 Асу Алмабаевтың UFC-дегі келесі қарсыласы белгілі болды

Қазақстандық файтер Асу Алмабаев наурызда өтетін UFC турнирінде чемпиондыққа бұрынғы үміткер аустралиялық Стив Эрцегпен жекпе-жекке шығады. Аса жеңіл салмақ дәрежесіндегі рейтингте Алмабаев сегізінші, ал Эрцег тоғызыншы орында тұр.

Асу Алмабаев 2024 жылы үш жекпе-жегін де жеңіспен аяқтаған еді. Ол Си Джей Вергарадан, Хосе Джонсоннан және Матеус Николаудан басым түсті.

t.me/kaznurkz

327 0 1

KAZ.NUR.KZ - Қазақстан және әлем жаңалықтары

2 Jan, 09:04

2025 жылы доллар 600 теңгеге жете ме?

Экономистер 2025 жылы теңге бағамы мен инфляцияға қатысты болжамдарын жариялады. KAZ.NUR.KZ тілшісіне берген сұхбатында сарапшылар валюталар бағамына қатысты динамика қандай болатынын да болжап көрді.

Толық оқу

434 0 0 3

KAZ.NUR.KZ - Қазақстан және әлем жаңалықтары

2 Jan, 08:54

Жер сілкінісі Алматыдан солтүстік-шығысқа қарай 353 км жерде тіркелді

"ҚР ТЖМ" ҰҒҒЗИ" ЖШС сейсмикалық станциялар желісі 2025 жылғы 2 қаңтарда Астана қаласының уақыты бойынша 9.40.48 - де жер сілкінісін тіркеді.

Деректерге сүйенсек, жер сілкінісі ошағы Қытай аумағында Алматы қаласынан солтүстік-шығысқа қарай 353 км жерде орналасқан.

Қазақстан аумағында жер сілкінісінің байқалмағаны көрсетілген.

t.me/kaznurkz

423 0 0 3

KAZ.NUR.KZ - Қазақстан және әлем жаңалықтары

1 Jan, 14:41

Тоқаев Куба президентіне құттықтау жеделхатын жолдады
Қасым-Жомарт Тоқаев Мигель Марио Диас-Канель Бермудес пен кубалықтарды осы елдің ұлттық мерекесі – Революцияның салтанатты жеңісі күнімен құттықтады.

Президент екі ел арасындағы дәстүрлі достық пен сенім рухында дамып келе жатқан ынтымақтастық бірлескен күш-жігер арқылы одан әрі нығая түсетініне сенім білдірді.

Қасым-Жомарт Тоқаев Мигель Марио Диас-Канель Бермудестің жауапты қызметіне толайым табыс, ал Куба халқына бақ-береке тіледі.

t.me/kaznurkz

563 0 0 2

KAZ.NUR.KZ - Қазақстан және әлем жаңалықтары

1 Jan, 14:40

"158 рет көмекке шықты": құтқарушылар Жаңа жыл түні қалай жүмыс істегендерін айтты

Өткен тәулікте 31 желтоқсанда Қазақстан ТЖМ күштері 158 шығу жасады. Оның 88-і өрттер мен жану оқиғаларына, 70-і іздестіру, авариялық-құтқару және басқа да жұмыстарға барған. Бұл ретте 25 адам, оның ішінде 8 бала құтқарылды және эвакуацияланды.

"ТЖМ азаматтарды өрт қауіпсіздік шараларын сақтап, дауыл туралы ескертулерді, ауа-райының өзгеруін, жолдардың жабылуы туралы хабарламаларды бақылап, алыс сапарларға шықпауға шақырады", - делінген ресми хабарламада.

ТЖМ өкілдері ауылдық жерлерде тұратын тұрғындарға ауа райы нашарлаған жағдайда алыс қашықтыққа жаяу жүруден бас тартуды ұсынды.

t.me/kaznurkz

511 0 0 2

KAZ.NUR.KZ - Қазақстан және әлем жаңалықтары

1 Jan, 10:13

Жаңа жыл түні Қазақстанда қанша бала дүниеге келді

Жаңа жыл қарсаңында республиканың перзентханаларында 181 бала дүниеге келді. Оның ішінде 105 ұл мен 76 қыз, Маңғыстау облысында бір егіз бар.

"Мереке түнінде туған нәрестелердің ең көп саны Түркістан облысында тіркелді – 34 сәби, екінші орында –Алматы қаласы мен Алматы облысы. Онда 17 жаңа туған нәресте дүниеге келді. Туу бойынша көшбасшылардың үштігін Шымкент қаласы жабады. Мұнда 16 отбасы толығуды атап өтті", - делінген ресми хабарламада.

Республиканың астанасында жаңа жыл қарсаңында дәл осы күні өткен жылдағыдай 10 сәби дүниеге келді.

t.me/kaznurkz

542 0 0 7

KAZ.NUR.KZ - Қазақстан және әлем жаңалықтары

1 Jan, 09:58

Өскеменде Жаңа жыл түні 7 адам өрттен құтқарылды
ШҚО-да пәтердегі өрт кезінде 7 тұрғын құтқарылып, эвакуацияланды.

ТЖМ-ның Telegram арнасындағы ақпаратқа сәйкес, оқыс оқиға Өскемен қаласындағы Қазақстан көшесінде көпқабатты тұрғын үйде орын алған. Белгілі болғандай жетінші қабатта орналасқан пәтердің балконы жанған.

Оқиға орнына келген өрт сөндірушілер баспалдақ маршымен 7 тұрғынды, оның ішінде 2 баланы эвакуациялады. Құтқарушылар өртті жедел түрде 4 шаршы метр алаңда сөндірді. Зардап шеккендер жоқ.

t.me/kaznurkz

518 0 0 4

KAZ.NUR.KZ - Қазақстан және әлем жаңалықтары

1 Jan, 08:59

00:10

Video is unavailable for watching

Show in Telegram

Ақтауда Жаңа жылды тойлау кезінде жасанды пальма өртенді

Ақтау қаласында жағалаудың ашық аумағында Жаңа жылды тойлау кезінде жасанды пальма өртенді.

Оқыс оқиға 2025 жылдың алғашқы сағаттарында орын алды.

"Құтқарушылар оттың таралуына жол бермей, өртті шақыру түскен сәттен бастап 9 минут ішінде сөндірді. Зардап шеккендер жоқ", - делінген ресми хабарламада.

t.me/kaznurkz

515 0 0 5

KAZ.NUR.KZ - Қазақстан және әлем жаңалықтары

1 Jan, 08:00

01:03

Video is unavailable for watching

Show in Telegram

Алматылықтар Жаңа жылды қалай қарсы алды (фото, видео)
Мереке президенттің жаңа жылдық құттықтауы мен Қазақстанның мемлекеттік әнұранын орындаудан басталды. Салтанатты құттықтау сөзбен қатар түнгі аспан 2025 жылдың алғашқы сәтінде-ақ ғаламат отшашумен жарқырай түсті.

Мыңдаған көрермен түрлі-түсті отшашуға тамсанып, осы сәтті естелікке видеоға түсіруге тырысты. Кеш қазақстандық жұлдыздардың өнер көрсетуімен жалғасты. Бұл мереке 2024 жылдың аяқталып, жаңа 2025 жылдың басталғанын білдіреді

t.me/kaznurkz

558 0 1 3

KAZ.NUR.KZ - Қазақстан және әлем жаңалықтары

31 Dec 2024, 22:11

Қасым-Жомарт Тоқаев қазақстандықтарды Жаңа жыл мерекесімен құттықтады

"Қадірлі ағайын!
Осы мерекелік сәтте мен әр шаңыраққа шаттық тілеймін! Жаңа жыл әр азаматқа жақсылық әкелсін! Төрт құбыламыз түгел болсын! Ардақты аналарымыз бен ардагерлеріміз аман болсын! Жас ұрпақтың жолы ашық, болашағы жарқын болсын! Қастерлі Отанымыз өсіп-өркендей берсін! Жаңа жылда баршаңызға амандық, бақ-береке тілеймін!" - деді президентіміз.

590 0 0 5

KAZ.NUR.KZ - Қазақстан және әлем жаңалықтары

31 Dec 2024, 09:37

Президент 2024 жылы мәдениет саласындағы мемлекеттік стипендияны беру туралы өкімге қол қойды.

t.me/kaznurkz

KAZ.NUR.KZ - Қазақстан және әлем жаңалықтары

KAZ.NUR.KZ-тің ресми арнасы Қазақстанның басты жаңалықтарын біздің арнадан оқыңыз. Біз: 🏆11 рет "Медиатордан" “Ең қызықты БАҚ” атағын иелендік; 🥇"№1 жаңалық порталы" номинациясы бойынша 5 рет "Жыл таңдауы" атандық (2015, 2017, 2019, 2020, 2021).

643 0 0

KAZ.NUR.KZ - Қазақстан және әлем жаңалықтары

31 Dec 2024, 09:21

👏 Бибісара Асаубаева әлем чемпионатының ширек финалына шықты

Қазақстандық шахматшы Бибісара Асаубаева Нью-Йоркте (АҚШ) өтіп жатқан әлем чемпионатында блиц бойынша нокаут кезеңіне өтті. Ол іріктеуді сәтті аяқтап, 8 ұпай жинады. Енді Асаубаева қытайлық Лэй Тинцземен жартылай финалға жолдаманы сарапқа салады.

20 жастағы Бибісара Асаубаева 2019 жылы әйелдер арасында гроссмейстер атанды, ал 2021 және 2022 жылдары блицтен әлем чемпионатында жеңіске жеткен еді.

t.me/kaznurkz

649 0 1 8

KAZ.NUR.KZ - Қазақстан және әлем жаңалықтары

31 Dec 2024, 07:04

Қазақстанның тағы бір елдегі елшілігі шетелдіктерге ЖСН беруді тоқтатты

Қазақстан Республикасының Беларусьтегі елшілігі шетелдіктерге жеке сәйкестендіру нөмірлерін (ЖСН) беру уақытша тоқтатылғанын хабарлады.

"Қазақстан Республикасының Беларусь Республикасындағы елшілігі Қазақстан Республикасының шетелдегі мекемелері арқылы шетел азаматтарына "Жеке сәйкестендіру нөмірлерін қалыптастыру" мемлекеттік қызметінің пилоттық жобасы 2024 жылғы 31 желтоқсанға дейін жүзеге асырылатынын хабарлайды", – делінген хабарламада.

2025 жылғы 1 қаңтардан бастап бұл қызмет көрсетілмейді.

t.me/kaznurkz

648 0 0 8

KAZ.NUR.KZ - Қазақстан және әлем жаңалықтары

30 Dec 2024, 16:41

Қазақстан Ақтау маңында құлаған ұшақтың "қара жәшігін" Бразилияға жіберді

Көлік министрлігінің мәліметінше, Авиациялық оқиғаны тергеу комиссиясы Бразилияға ұшып кетті.

"Борттық өздігінен жазғыштар Бразилияның авиациялық апаттарды тергеу және алдын алу орталығына (CENIPA) жеткізіледі", - делінген хабарда.

t.me/kaznurkz

660 0 0 4

KAZ.NUR.KZ - Қазақстан және әлем жаңалықтары

30 Dec 2024, 12:30

Қазақстандықтар қаңтарда 11 күн демалады

Жаңа жыл мерекесіне орай биыл ел тұрғындары 1-4 қаңтар аралығында демалады.

Ал қаңтардағы жұмыс күні 5 қаңтар жексенбіге ауыстырылған.

Сонымен қатар Рождество мерекесі 7 қаңтарға сейсенбіге сәйкес келіп, қазақстандықтар тағы бір күн демалады.

t.me/kaznurkz

706 0 1 7

KAZ.NUR.KZ - Қазақстан және әлем жаңалықтары

30 Dec 2024, 09:03

Мемлекет басшысы Қасым-Жомарт Тоқаев "Қазақстан Республикасының кейбір заңнамалық актілеріне мемлекеттік наградалар, білім беру және баланың құқықтарын қорғау мәселелері бойынша өзгерістер мен толықтырулар енгізу туралы" Қазақстан Республикасының заңына қол қойды.

Заңның мәтіні баспасөзде жарияланады.

t.me/kaznurkz

710 0 1 4

KAZ.NUR.KZ - Қазақстан және әлем жаңалықтары

29 Dec 2024, 17:55

✍️ Мемлекет басшысының Жарлығымен Маңғыстау облысы полиция департаментінің криминалисі Айбек Әлібаев Бауыржан Момышұлы атындағы ІІ дәрежелі «Айбын», Маңғыстау облысы ТЖД Басқұдық ауылы №12 өрт сөндіру бөлімінің командирі Серікболат Оңғар Рақымжан Қошқарбаев атындағы ІІІ дәрежелі «Айбын» ордендерімен, Маңғыстау облыстық көпсалалы ауруханасының орталық меңгерушісі Бақытжан Қойбеков пен Ақтау халықаралық әуежайы медициналық бекетінің меңгерушісі Ирина Кочергина «Құрмет» ордендерімен марапатталды.

«Ерлігі үшін» медалімен Маңғыстау облыстық жедел және шұғыл медициналық жәрдем станциясының фельдшері Тимур Қисаев, ҚР Төтенше жағдайлар министрлігі Апаттар медицинасы орталығының Маңғыстау облысы бойынша филиалының дәрігері Оспан Оразбеков, «Қазаэронавигация» РМК Ақтау филиалындағы «Вышка» диспетчерлік бекетінің диспетчері Ярослав Толстиков, «Маңғыстау өңірлік электротораптық компаниясы» акционерлік қоғамы Ақтау электр желілер ауданының шебері Нұралы Шопанов марапатталды.

Ақтау халықаралық әуежайының қызмет бастығының орынбасары Бекболат Жұмағұлов, ҚР Әділет министрлігі «Сот сараптамалары орталығы» Маңғыстау облысы бойынша филиалының маманы Эльдар Оразалиев «Ерен еңбегі үшін» медальдарының иегері атанды.

Сонымен қатар 51 адамға Президенттің Алғысы жарияланды.

784 0 1 4

KAZ.NUR.KZ - Қазақстан және әлем жаңалықтары

29 Dec 2024, 17:02

⚡️Президент Қасым-Жомарт Тоқаев Әзербайжанның Azal компаниясына тиесілі ұшақтың апатқа ұшырауынан зардап шеккен адамдарды құтқару кезінде ерлік, кәсібилік және азаматтық жауапкершілік танытқаны үшін бір топ қазақстандықты мемлекеттік наградалармен марапаттады

✔️Олардың арасында ТЖМ өкілдері, медицина мамандары, полицейлер, «Маңғыстау өңірлік электротораптық компаниясы» акционерлік қоғамының жұмысшылары және Ақтау әуежайының қызметкерлері бар.

t.me/kaznurkz

KAZ.NUR.KZ - Қазақстан және әлем жаңалықтары

KAZ.NUR.KZ-тің ресми арнасы Қазақстанның басты жаңалықтарын біздің арнадан оқыңыз. Біз: 🏆11 рет "Медиатордан" “Ең қызықты БАҚ” атағын иелендік; 🥇"№1 жаңалық порталы" номинациясы бойынша 5 рет "Жыл таңдауы" атандық (2015, 2017, 2019, 2020, 2021).

695 0 0 3

KAZ.NUR.KZ - Қазақстан және әлем жаңалықтары

29 Dec 2024, 12:44

Оңтүстік Кореяда бортында 181 адам болған жолаушылар ұшағы апатқа ұшырады

Jeju Air әуе компаниясының Boeing 737 ұшағы Оңтүстік Кореяның Муан әуежайына қону кезінде апатқа ұшырады. Бортта 181 адам болған.

Екі адам құтқарылды. Апат салдарынан ұшақ айтарлықтай шығынға ұшырады. Бангкоктан қайтып келе жатқан ұшақтың бортында барлығы 181 адам, оның ішінде 6 экипаж мүшесі болған. Екі Таиланд азаматын қоспағанда, жолаушылардың көпшілігі Оңтүстік Корея азаматтары.
Билік өртті ауыздықтап, апат орнында іздестіру-құтқару жұмыстары жүріп жатқанын хабарлады. Оқиғаның нақты себебін анықтау үшін де тергеу басталды. t.me/kaznurkz

763 0 1 6

KAZ.NUR.KZ - Қазақстан және әлем жаңалықтары

28 Dec 2024, 16:04

Ақтаудағы ұшақ апаты: Путин қайғылы жайтқа байланысты Ильхам Әлиевтен кешірім сұрады

Ресей тарапының бастамасымен Владимир Путин Әзербайжан Республикасының президенті Ильхам Әлиевпен телефон арқылы сөйлесіп, Қазақстанда болған ұшақ апаты үшін кешірім сұраған.

"Владимир Путин қайғылы жайт Ресей әуе кеңістігінде болғанына байланысты кешірім сұрады және қаза болғандардың отбасыларына тағы да қайғыра көңіл айтып, зардап шеккендердің тезірек сауығып кетуін тіледі. Әңгіме барысында кестеге сай ұшқан Әзербайжанның жолаушылар ұшағы Грозный әуежайына бірнеше рет қонуға әрекеттенгені айтылды. Бұл кезде Грозный, Моздок және Владикавказға украиналық жауынгерлік ұшқышсыз ұшатын аппараттар шабуыл жасады, ал ресейлік әуе қорғаныс жүйелері бұл шабуылдарға тойтарыс берді", - делінген Кремль таратқан хабарламада.

Сондай-ақ Ресейдің Тергеу комитеті Қылмыстық кодекстің 263-бабы бойынша (Әуе көлігін пайдалану және қозғалыс қауіпсіздігі қағидаларын бұзу) қылмыстық іс қозғағаны мәлім болды.

t.me/kaznurkz