Telegram channel "Pediatr Nur Olimovna" — @pediatr_nur

Pediatr Nur Olimovna

13 Mar, 14:03

Bodom gulini sog'indim

Norvegiyaga kelganimga 1 hafta bo'ldi. Bu yerda qor yog'yapti. Ertalab oppoq tomlar, yo'llar, kechga erigandek bo'ladi, ertasiga yana qor. Ko'chalarda odam ko'rinmaydi, uy derazalaridan televizorlarning ulkan ekranlari ko'zga tashlanadi.

Ayni bahor vaqtida kelganim uchun O'zbekistonda bodom gullaganini eshitib yuragim bir orziqib ketdi.

Bahorda uyimizda lola g'unchalaydi, yerdan ko'tariluvchi hid qandaydir gavjumlikni, bayramlarni eslatadi.

Bilmadim, yoshim katta bo'layotgani uchunmi, uyimni, mahallamni, tomorqamni sog'ingandekman.

Oyim o'tgan yili ekilgan pionlari unib chiqqanini aytganda, mening pionlarim chiqdimikan? degan o'y keldi hayolimga.

Bodom gullaganda uyimiz ajoyib go'zal manzara kasb etadi. Biz sabzavotlar ekish uchun joy hozirlaymiz va barchamiz birgalikda ularni ekamiz. Bedalarni terib chuchvara tugamiz, terish uchun bolalarni jalb qilamiz.

Bu yerda magazinda nargis gullari ochilib turli ranglarda tovlanadi, ular bahorni baribir eslatolmadi.

Hullas, Zumrad tomga chiqib uyini tomini ko'rib qolganday, men ham bodom gullaganini eshitib bezovta bo'lib qoldim.

Menimcha, hayollarni chalg'itish uchun qorda bo'lsa ham sayohat qilishni rejalashtirish vaqti keldiyov...

Hurmat bilan,
Pediatr Nur Olimovna

541 0 0 30 38

Pediatr Nur Olimovna

7 Mar, 19:50

Ingliz tilini bilganga dunyo tanish bo'lar ekan

Assalomu alaykum qadrli obunachilar.

Bugun sizlar bilan qanday qilib Riga va Oslo aeroportlarida o'z uyimdek vaqt o'tkazganim haqida yozmoqchiman.

Men o'tgan safar Norvegiyaga kelishda qizim va kuyovim bilan kelgan edim, lekin bu safar birinchi marta o'zim bir emas, uchta aeroportda deyarli bir kun davomida vaqt o'tkazdim.

O'zbekiston aeroportida menda til o'zbek tilida bo'lganligi uchun muammo bo'lmadi. Samolyot 6 soat davomida Rigaga uchar ekan, yonimdagi Fin ayoli bilan gaplashib ketishim ( garchi qisqa bo'lsa ham) vaqtimni qisqartirgandek edi go'yo.

Sherigim haqida juda ko'p narsa so'radim, Finlandiya maktablaridagi o'qitish tizimi haqida gaplashdik, afsus u uxlashni qat'iy ahd qilgan shekilli, toki yetib borguncha uxladi.

Rigada esa, pasport kontrolda ruscha muloqot qildik, ammo ingliz tiliga o’rganib qolgan miyam bilan, afsus, nabira so'zini ruschada unutib qo'ydim, va biz inglizchasiga davom ettirdik.

Men ingliz tilidagi tablolar, e'lonlar, yozuvlarni o'qir ekanman, qalbim juda hotirjam bo'ldi, chunki men muammo bo'lgan taqdirda ham yordam so'ray olaman.

Oslo aeroportlarida ham huddi shunday bo'ldi, toki yuklarimni olib chiqish, wi-fi ga ulanish qaerga borish uchun ham ingliz tili menga juda yordam berdi, chunki yozuvlar faqat va faqat ingliz tilida edi.

Azizlar, siz kim bo'lishingizdan qat'iy nazar, uy bekasimi, ishchimisiz, balki kundalik hayotingizda sizga kerak bo'lmas, lekin ingliz tilini o'rganishni boshlang.

Online yoki offline, farqi yo'q, bilingki, dunyo bizniki, u juda keng va uni o'rganishda , uning turli jabhalarida o'zingizni havsiz sezishingiz uchun ingliz tili juda muhim.

Hurmat bilan,
Pediatr Nur Olimovna

Pediatr Nur Olimovna

Bu kanal bir o'zbek pediatr shifokori va talabalar ustozi bo'lgan Nur Olimovnaning bola tarbiyasiga va ustozlik hayotiga oid tajriba va saboqlari ulashilishi uchun ochildi. YouTube kanal - https://www.youtube.com/@pediatrnurolimovna1723

1.3k 0 13 9 54

Pediatr Nur Olimovna

4 Mar, 12:49

Yana Norvegiya sari

Assalomu alaykum qadrli obunachilar!
Qanday omadki, mana bu yil ham chet elga ketish nasib qildi. Vizaga bosilgan muhrga qarab turib, bu qalbim bir sayohat, yaqinlarni ko'rishga mushtoqligini sezdim.

Ayniqsa Ramazon oyini osmon va yer bir-biriga yaqin bo'lgan yurtlarda qarshi olishimni o'ylasam xursand bo'lib ketaman.

Toza havo, sukunat va yana ishchi ayol emas, uy bekasi, ona, jonajon buvi sifatida vaqt o'tkazish qisqa muddatda bo'lsa ham qalbimni hotirjam qiladi.

Alloh bandalarini shunchalik sevadiki, aytilgan duolar tezlik bilan ijobat bo'lishiga ba'zan lol qolasiz.

Men Ramazonni bu yil olis o'lkada o'tkazishimni o'ylar ekanman, barchaga qayerda bo'lsa ham, uni kutib, ardoqlab, uning bizga beruvchi savoblaridan bahramand bo'lishini tilab qolaman.

Bolalar, ularning ota-onalari aziz oyda salomatlik qurshovida, ibodatlar bilan oyni o'tkazishingiz tarafdoriman.

25-fevral, 2025

Hurmat bilan,
Pediatr Nur Olimovna

Pediatr Nur Olimovna

Bu kanal bir o'zbek pediatr shifokori va talabalar ustozi bo'lgan Nur Olimovnaning bola tarbiyasiga va ustozlik hayotiga oid tajriba va saboqlari ulashilishi uchun ochildi. YouTube kanal - https://www.youtube.com/@pediatrnurolimovna1723

1.6k 0 1 15 56

Pediatr Nur Olimovna

23 Feb, 08:41

HLA (Inson leykosit antigeni) nomutanosibligi va homiladorlik muammosi

Ba’zi juftliklar uzoq vaqt farzand ko‘ra olmasligining sababi HLA nomutanosibligi bo‘lishi mumkin. Bu – immun tizimining homilani begona sifatida qabul qilib, rad etishiga olib keladigan genetik muammo bo'lib, buning sabablari asosan,ona va otaning HLA genlari o‘xshash bo‘lsa, ona organizmi homilani himoya qiluvchi maxsus antitanachalarni hosil qila olmaydi.

Immun tizimi homilani “begona tana” deb qabul qilib, uni rad etadi. Bir tanish oilani bilaman, 6 ta bolasini yo'qotgan, lekin ikki yosh juda inoq edi va ajrashib boshqa turmush qurishni aytishsada, rozi bo'lishmagan. Ular qarindoshlar edilar, hozirda ajrashib boshqa turmush qurishdi va har ikkisida ikkitadan bola bor.

⚠️ Xatar omillari:

Qayta-qayta homiladorlikning erta tushishi
Tug‘ilmagan bolalarning nobud bo‘lishi
Ba’zan umuman homiladorlik yuzaga kelmasligi. Bu muammo organlar ko'chirib o'tqazish jarayonida ham bo'lishi mumkin va yahshilab tekshiriladi.

Ho'sh hamma juftlik ham ajrashib ketishi kerakmi? Albatta yo'q. Davo usullari qilib ko'riladi.

💊 Davo usullari:

Immunoterapiya – ona immunitetini moslashtirish uchun maxsus davolash usullari
HLA tahlili – muammoni aniqlash va shifokor bilan maslahatlashish
Alternativ usullar – homiladorlikni qo‘llab-quvvatlovchi terapiyalar Har bir oila uchun indvidual yondoshiladi, bu muammolar bilan reproduktologlar shug'ullanadi. Eng yahshi usul qarindoshlik nikohlaridan imkon qadar voz kechilsa bunday hatardan nari bo'lish ehtimoli yuqori.

Hurmat bilan,
Pediatr Nur Olimovna.

Pediatr Nur Olimovna

Bu kanal bir o'zbek pediatr shifokori va talabalar ustozi bo'lgan Nur Olimovnaning bola tarbiyasiga va ustozlik hayotiga oid tajriba va saboqlari ulashilishi uchun ochildi. YouTube kanal - https://www.youtube.com/@pediatrnurolimovna1723

2k 0 7 1 12

Pediatr Nur Olimovna

20 Feb, 12:46

Resus manfiy ayollarni qanday sinov kutadi?

Assalomu alaykum qadrli obunachilar. Resus faktor nima?
Resus musbat degani bu qizil qon tanachasida antigen oqsili borligini bildiradi. Resus manfiy insonda bunday oqsilli "shox" bo'lmaydi va bu odam tanasi uchun "shox"i bor eritrositlar begonaligi uchun uni yo’qotish payida bo'ladi.

Agar R(-) ayolning homilasi R(+) bo'lsa, hatto o'z bolasi bo'lsa ham ayol organizmi buni yot jism deb qabul qiladi va yo’qotmoqchi bo'ladi.

Lekin ayolning birinchi bolasi sog'lom tug'iladi, negaki ayol organizmida immunoglobulin M ishlab chiqadi va bu antitana yo'ldoshdan o'tolmaydi.

Afsuski ikkinchi homiladorlikda ayol organizmi R(+) bolani qabul qilmaydi va antitana G lar bola eritrositlarini parchalab tashlaydi, natijada o'lik tug'ilish, sariqlik, og'ir anemiya, shish kuzatiladi.

Ho'sh buning uchun qanday yechim bor?

Ayolni anti D immuniglobulin bilan immunizatsiya qilish kerak bo'ladi.
Ushbu emlash vrach ko'rsatmasi bilan hamma hududlarda o'tkaziladi.

Faqat!

1. Ayol qon gruppasini bilishi kerak.
2. Hali homilador bo'lmay turib bu haqda shifokordan masalahat olish kerak.
3. Eng muhimi immunizatsiya qilinishi kerak.

Hurmat bilan,
Pediatr Nur Olimovna

Pediatr Nur Olimovna

Bu kanal bir o'zbek pediatr shifokori va talabalar ustozi bo'lgan Nur Olimovnaning bola tarbiyasiga va ustozlik hayotiga oid tajriba va saboqlari ulashilishi uchun ochildi. YouTube kanal - https://www.youtube.com/@pediatrnurolimovna1723

1.8k 0 19 33 14

Pediatr Nur Olimovna

17 Feb, 16:24

👶"Farah Onalik" marafoni - onalik mas'ulyatlari, mashaqqatlari va qiyinchiliklarini ozgina bo'lsa ham yengillashtiradigan, onalarga yordamchi bo'ladigan 2️⃣1️⃣kunlik marafondir.

Ushbu marafon🔍 0-12 oylik bolajon onalari uchun tashkil etilgan bo'lib, sizlar shu muddat ichida

🪀 0-12 oylikka qadar har kunlik rivojlantiruvchi mashg'ulotlar!
🥑 Sog'lom retseptlar!
🥞To'g'ri qo'shimcha ozuqa kiritsh, Bo'lakchalarga o'tish, Bolajon ovqatni rad etish sabablari va yechimlari haqida jonli efir
💡Rivojlanishga oid atamalar haqida tushuncha!
📚Bolaning nutq rivojlanishi!
📚 Bolani kitobga qiziqtirish!
🩺 Bolalarda diareya sabablari!
🩺 Raxit kasalligi belgilari va uni oldini olish kabi dolzarb mavzularda ma'lumotlarga ega bo'lasiz!

▫️Bonuslar▫️
🔗Jonli savol-javoblar
🔗 4 ta kurator nazorati
🔗 "Ona suti haqida hammasi" kitobi.
🔗"Bolani kitobga qiziqtirish" bo'yicha qo'llanma!
🔗Taglikdan chiqarish uchun gayd!

Eng muhimi, agar sizning farzandingiz endi 1 oylik⚖️ bo'lsa ham, siz bu marafon orqali 12-oylik👶 bo'lgunga qadar yetadigan rivojlantiruvchi mashg'ulotlar👶, retseptlar 🍴va muhim ma'lumotlarga ega bo'lasiz. Kanal sizda doimiy qoladi!👶
📣Start: 3 - martdan!

Joylar soni cheklangan! Ro'yxatdan o'tish uchun bu kanalga tashrif buyuring!
https://t.me/+8LgzO34r_oQ4Mjky
https://t.me/+8LgzO34r_oQ4Mjky
https://t.me/+8LgzO34r_oQ4Mjky

1.1k 0 4 37 2

Pediatr Nur Olimovna

14 Feb, 05:31

Forward from: Pediatr Nur Olimovna

Yolg'iz onalar va ularning ruhiy holatlari

Yolg'iz onalarning farzandlarida turli asab ruhiy muammolarga uchrash havfi bo'ladi. Turli sabablar bilan turmush o'rtog'idan ajrashgan onalarning bolalari juda qiyin ruhiy muammolar iskanjasida qoladi.

U hali tug'ilmasdan onasining ruhiy muammolarini sezib rivojlanadi.Tug'ilgach esa janjallarni eshitadi, mojarolar uni erkin ulg'ayishiga yo'l qo'ymaydi.

Ayniqsa, go'dak umr bo'yi onaning ko'z ongida baxtsizlik timsoli bo'lib gavdalanadi, hatto otasi vafot etgan bo'lsa ham. Buvi va bobolari bolaning yonida otasi yoki onasi haqida salbiy fikrlar bildirganda esa, bolada alamzadalik hissi kuchayib ketadi.

Unda turli ichki iztiroblar asab muammolarini keltirib chiqaradi.
Masalan, ko'zni pirpiratish, tirnoq tishlash, duduqlik, tungi siyib qo'yish, isteriya, qo'quvning kuchayishi va hokazo.

Avvalo, farzand ko'rgach, ajrashish haqida jiddiy o'ylash kerak, uning baxti har narsadan ustundir. Ota nafaqa berish bilan kifoyalanmasdan bolasi bilan tez-tez ko'rishib turishi kerak.

Bolaga yoki uning yonida otasini yoki onasini yomonlamaslik kerak.
Bola ikki barobar mehr va e'tiborda bo'lishi kerak. Uni kitob, rasm chizish, mental arifmetikaga qiziqtirish kerak.

Bolada asab muammolari bo'lganda darxol bolalar psixologga murojaat qilish kerak.

Aziz onalar, to'g'ri hayot qiyin, munosabatlarni tiklash yanada qiyin, lekin oilaning butunligini saqlab qolish uchun harakat qiling, kitoblar o'qing, ustozlardan maslahat oling, qadringizni yahshi amallar bilan bildiring.

Oilani saqlab qolishga harakat qiling!

Pediatr Nur Olimovna

1.6k 0 4 3 12

Pediatr Nur Olimovna

11 Feb, 12:57

Bola bu ilm

Assalomu alaykum qadrli obunachilar, farzand ko’rishni rejalashtirayotgan yigit qizlar.

Sizningcha farzand parvarishi haqida o’rganish qachondan boshlanadi?

Umuman, farzand ko’rishni rejalashtirish to’ydan oldin boshlanadi va har bir yosh kelin kuyov farzandlik bo’lishni orzu qiladi. Bunda hamma ko’proq dunyoviy mol dunyo , hasham haqida qayg’uradilar, lekin bola o’zi nima? Unga nima kerak emas? Yoki kerak? Uni hurmat qilish, tushunish nima? Tushunish qachondan boshlanadi?

Bu savollarga hali homilador bo’lmasdan turib xabar topiladi, o’rganiladi. Bu yerda juda ko’p insonlar ayol kishining vazifasi deb o'ylaydi.

Hatto shunday ota-onalar borki bolaning parvarishi, uning ruhiyati, rivojlanishi haqida bilim faqat tibbiot hodimlarida bo’lish kerak deb hisoblaydilar, o’zlari ilm izlanmaydilar, vaholanki bu yetarli emas, va kechikilgan har bir soniyalar uchun farzand ruhiyatida muammolar bo’ladiki, u orqaga qaytmas jarayonlarga olib keladi.

Alloh bizga ularni ne’mat qilib berar ekan, bir omonat o’laroq berar ekan, ularni inson kabi hurmat qilishimiz va tarbiyasi, parvarishidagi qusurlarga faqat va faqat biz so’ralishimiz haqida unutmasligimiz kerak.

Hurmat bilan,
Pediatr Nur Olimovna

Pediatr Nur Olimovna

Bu kanal bir o'zbek pediatr shifokori va talabalar ustozi bo'lgan Nur Olimovnaning bola tarbiyasiga va ustozlik hayotiga oid tajriba va saboqlari ulashilishi uchun ochildi. YouTube kanal - https://www.youtube.com/@pediatrnurolimovna1723

1.7k 0 11 24 19

Pediatr Nur Olimovna

4 Feb, 11:35

3 yoshgacha bo‘lgan bolalarda skolioz: sabablari, belgilari va davolash

(talablarga binoan)

Skolioz nima?
Skolioz – bu umurtqa pog‘onasining yon tomonga qiyshayishi bo‘lib, u chaqaloqlar va kichik yoshdagi bolalarda ham rivojlanishi mumkin.

Bolalarda skolioz sabablari:
1. Tug‘ma anomaliyalar – ona qornida umurtqa pog‘onasi to‘g‘ri shakllanmasligi.
2. Nevrologik kasalliklar – DCP, miopatiya va mushak tonusiga ta’sir qiluvchi boshqa kasalliklar.
3. Biriktiruvchi to‘qimalar displaziyasi – bog‘lam va umurtqa mushaklarining kuchsizligi.
4. Bolaning noto‘g‘ri joylashishi – faqat bir tomonda yotish yoki noto‘g‘ri ko‘tarish.

Belgilar:
- Bosh yoki tananing bir tomonga og‘ishi.
- Orqa, bo‘yin va yelka qatlami nomutanosibligi.
- Yelka yoki lapatkalar balandligining farqli bo‘lishi.
- Bolaning to‘g‘ri o‘tirish yoki turishda qiyinchilik sezishi.

Ortoped va nevrolog tekshiruvi talab etiladi, ba’zan rentgen yoki umurtqa UZI tavsiya etiladi.

Davolash va tuzatish:
- Massaj va tibbiy gimnastika – orqa mushaklarini mustahkamlaydi.
- Fizioterapiya – elektr stimulyatsiya, parafin aplikatsiyasi.
- Suvda suzish – mushaklarni bir tekis rivojlantirishga yordam beradi.
- Uyqu va holatni nazorat qilish – bolani har xil holatda yotqizish, ortopedik to‘shak tavsiya etiladi.

Muhim!
Agar bolada skolioz belgilari sezilsa, ortoped shifokorga murojaat qiling. Erta tashxis qo‘yish orqali jiddiy asoratlarning oldini olish mumkin.

Pediatr Nur Olimovna

2k 0 6 4 12

Pediatr Nur Olimovna

29 Jan, 07:14

Forward from: Дохтир блоги

@Tooreech брат Нмагап подкастда онкологияни чайнаб оғизга солиб қўйипти, ютвориш керак холос.

@dohtirblog

Saratonni davolasa bo’ladimi? Yahyo Ziyoyev | NmaGap

Loyiha hamkorlari: 🍔 Feed Up - Kayfiyatingiz biz bilan doimo a’lo❤️ - https://www.instagram.com/feedupuz/ 🧃 Asil sharbatlari - Hayotingizni SHIRIN qilish uchun! - https://www.instagram.com/asil_uzbekistan/ 🎓 Amity University - Xalqaro darajadagi oliy ta'lim! - https://amity.uz/ Mehmon: Yahyo ...

1.8k 0 16 3 5

Pediatr Nur Olimovna

21 Jan, 20:22

Autist o'smir bilan suhbat

Kuni kecha bir ayol keldi. 17 yoshli o'g'lining bo'yi o'smayotganligidan shikoyat qildi. Men bolani nega olib kelmaganini so'radim, u o'g'lining alohida xonada yashashi va qulflab o’tirishini, hech qayerga borishni xohlamasligini aytdi, maktabga ham xohlamasdan zo'rg'a borar va darhol uyga kirib qulflanib olar ekan.

Oilada faqat ona bilan gaplashar, otasini yomon ko'rar va qariyb 7 yildan beri ota-bola gaplashmas ekan.

Ona yig'lab bo'lgan voqeani aytib berdi. U turmush o'rtog'ining qarshiligiga qaramay bog'chaga ishga kirgan va shu kuni katta janjal bo'lgan. Ota onani ayovsiz kaltaklagan, bu orada maktabdan kelib qolgan 10 yoshli o’smir onani qutqarish uchun yordamga kelgan.
Ko'zi qonga to'lgan kayfi taroq ota o'g'lini do'pposlay ketgan. Bolani juda ayovsiz kaltaklagan.

Yaralar bitib ketgan bo'lsada, bola mayus tortib qolgan va uyga qamalib olgan, kamgap, hayot tarzini yolg'izlikka mahkum etgan. Tabiiyki jismoniy va ruhiy quvvati ham kamaygan.

Afsuski ularning bor yo'g'i bir o'gli bor ekan holos.

Men ayolga maslahat berdim, bolani qutqarish kerakligini, uni davolatish kerakligini aytdim, lekin keyin u ayol bilan bog'lana olmadim.

Azizlar, bu holatga qanday fikr bildirasiz?

Hurmat bilan,
Pediatr Nur Olimovna

Pediatr Nur Olimovna

Bu kanal bir o'zbek pediatr shifokori va talabalar ustozi bo'lgan Nur Olimovnaning bola tarbiyasiga va ustozlik hayotiga oid tajriba va saboqlari ulashilishi uchun ochildi. YouTube kanal - https://www.youtube.com/@pediatrnurolimovna1723

2.3k 0 7 13 13

Pediatr Nur Olimovna

16 Jan, 09:40

Forward from: Sadiyaning oyisi💕

❕O'yinchoqlar ko'pligi bolaning diqqatini parishonxotir qiladi!❕

     O'yinchoqlarning tashvishga soladigan bir jihati bor. Ota onalar ko'pincha bolalariga o'yinchoqlarni ko'p olib beradilar. Masalan, do'konga kirganda yoki ko'chadaligida shunchaki bola bir o'yinchoqni ko'rib qolib, xarxasha qiladi va jazavaga tushadi, tabiiyki ota ona bunday holda chidab turolmaydi va talab qilingan o'yinchoqni sotib olib beradi.🎁
     Lekin bola xohlagan barcha narsani olib berish aslo onaning muhabbati sababli emas, aksincha, bolaga yomon ta'sir o'tkazmaslik fikri tufaylidir. 💡
    Ko'pigina psixologlar fikricha, bolaning atrofida ortiqcha o'yinchoqlar bo'lishi bolani ezib qo'yadi va fikrini jamlashi qiyin kechadi. Bola bitta o'yinchoqni yaxshiroq o'ynaydi va u bilan turli o'yinlar o'ylab topadi. Uning tasavvurida bir taxta bo'lagi yoki choynak ning singan qopqog'i ertakdagi uycha yoki ajoyib ko'lga aylanishi mumkin, bu esa do'kondagi qimmat o'yinchoqdan ancha qiziqarlidir.🌵
      Masalan , biz onalarning kichikligimizda balki ota onamizning aqilliligi sabab yoki balki yo'qchilik sabab , hozirgi bolalardagi kabi turli tuman o'yinchoqlarimiz mavjud bo'lmagan. Lekin biz juda chiroyli bolalik davrlarini kechirganmiz. Bir ikki yostiqlarni ustma ust to'shab, go'yo u qoya tosh kabi cho'kish o'yinlari yoki makkajo'xorining popuklo holatidan esa oltin sochli malikani tasavvur qilar edik. Bunga yana qancha misol keltirish mumkin To'g'rimi?💓
       Endi asosiy savolimizga kelsak, bolani qanday qilib oz miqdordagi o'yinchoq bilan uzoqroq bant saqlash mumkin?🌥️ Bunga faqat o'ynamay qo'ygan o'yinchog'ini yashirib qo'yib, oradan ancha vaqt o'tgach yana unga qayta berish orqali erishish mumkin. Men 21 yoshli qizaloq oyisiman va bu menda doimo ishlagan. Sizda ham albatta ishlaydi💛
     Shunday qilib, bolada o'zgacha fikrlash va ixtirochilikni rivojlantirishni istasangiz, u so'rayotgan barcha narsani sotib olib bermang. Bu bilan umuman teskari natijaga erishasiz.✨
@sadiyaning_oyisi

2.2k 0 26 20 19

Pediatr Nur Olimovna

15 Jan, 07:06

Juda ajoyib! Ma'lumotlarim borgan sari ko'payyapti! Rahmat sizlarga!

1.6k 0 1 42 13

Pediatr Nur Olimovna

14 Jan, 18:32

https://forms.gle/ZgKE22GKgA9d8QXh8

Pediatr Nur Olimovna

So'rovnoma

Bu ma'lumotlar o'zbek ayollarining va bolalarning salomatligi uchun zarur. Vaqtingiz uchun tashakkur!

3.3k 0 54 1 3

Pediatr Nur Olimovna

14 Jan, 18:31

Kenja farzandingiz necha yosh?

3 yoshgacha kenja farzandi yoki bir dona farzandi bor onalar!
Menga farzandingizning qanday dunyoga keltirganingiz va emizganingiz qiziq!

O'zingiz bilasiz, kesarcha kesish tufayli juda ko'p onalar tug'ruqdan keyin bola bilan birga bo'lolmaydi yoki ma'lum sabab bilan ona suti bilan bolasini emizmaydi. Qanchalik ayanchli bo'lmasin, tabiiy tuqqan ayollar ham negadir bolasini to'ydirolmay smeslar arashtirmoqdalar.

Istisnosiz ona suti bilan emizish (6 oygacha faqat ona suti emizish) borgan sari kamayib ketmoqda. Buning sabablarini o'rganish uchun O'zbekistonning barcha hududlaridan 1000 dan ortiq ayol javoblari kerak bo'ladi.

Shuning uchun siz aziz onajonlar, ushbu anketani to'ldirib bersangiz va uni tarqatishga yordam bersangiz, bu ma'lumotlar bilan o'zbek ayollarining va bolalarning salomatligi uchun hissa qo'shgan bo'lasiz.

Qadrli 3 yoshgacha farzandi bor onalar, marhamat link orqali kirib anketani to'ldiring. Eng asosiysi,
anketa anonim!

Sizlar va farzandlaringiz uchun tinmay izlanuvchi,

Pediatr Nur Olimovna

Pediatr Nur Olimovna

Bu kanal bir o'zbek pediatr shifokori va talabalar ustozi bo'lgan Nur Olimovnaning bola tarbiyasiga va ustozlik hayotiga oid tajriba va saboqlari ulashilishi uchun ochildi. YouTube kanal - https://www.youtube.com/@pediatrnurolimovna1723

2.7k 0 18 20 11

Pediatr Nur Olimovna

10 Jan, 18:47

Hasanga o'ng tomon, Husanga chap tomon. Qonunni buzmang! (shifokor maslahati)
Assalomu alaykum qadri onalar, mana necha martadirki, egiz tuqqan ayollar mendan tug'ruqxonadagi neonatolog : "har ikki boladan biri almashtirmay toki sutdan chiqquncha faqat bir ko'krakni emsin"-deb maslahat berayotganini aytishyapti. Bunday holatni bir necha bor eshitib yoqa ushladim va ilmiy manbalarda bunday ta'qiq topolmadim.

Nega unday dedi? -desam ko'krak uchidan infeksiya yuqarmish. Tasavvur qiling unday qonun bo'lsa uchta egiz bola tuqqan ayol uchinchi bolaga qanday yo'l tutadi?

Yillar davomida 6 oygacha istisnosiz faqat ona suti bilan emizib kelayotgan o'zbek onalarini eshitib kelganmiz, lekin ular hech qachon bunday yo'l tutmagan.

2 oygacha shunday emizgan ayollar shikoyatlari:

1.Stress
2.Bola ozg'in
3.Ichi buzilgan
4.Immuniteti past
5.Bo'yni qiyshayib qolgan.

Ho'sh nega? "Talabga qarab taklif" muvozanatiga ko'ra, bola qancha ko'p ko'krakka tutilsa, shuncha ko'p sut chiqadi. O’ng ko'krakda doim ko'p sut bo'ladi, chapda esa oz. Hasan o'ng ko'krakda doimo 1- sut, ya'ni shakarli sutni emadi, yog'li sut qolib ketadi. Husan esa chap ko'krakka to'ymaydi.
Shuning uchun almashlab emizish juda foydali bo'ladi.

Infeksiya nega yuqmaydi? Chunki Montglomer bezlari bakterisid modda ajratib ko'krak uchlarini ozoda tutadi.

Aziz onalar, shifokorga o'zimizga ishonganday ishonamiz, lekin uning maslahatlarini internetdan tekshirib ko'rish bu farzand uchun keluvchi asoratlarning oldini oladi.

Hurmat bilan,

Pediatr Nur Olimovna

2.1k 0 9 33 33

Pediatr Nur Olimovna

6 Jan, 18:25

Forward from: Дохтир блоги

Метапневмовирус: бу нима, белгилари, давоси ва профилактика

Метапневмовирус (hMPV) – бу вирус, ўзига хос "чақирилмаган меҳмон", деб айтсак, хато бўлмайди. "Мен бу ерда узоқ турмайман, лекин мен ҳақимда ҳеч қачон унутмайсиз," дегандек иш тутади. Уни 2001 йилда Голландия олимлари топишган, лекин у аслида 1950-йиллардан бери "махфий агент" сифатида одамларнинг ҳаётига "кирган". Метапневмовирус нафас йўллари инфекциясини келтириб чиқаради ва асосан болалар, қариялар ва "иммунитетни тўғрилашда адашганлар"ни йўқлайди.

Эпидемиология

Кимлар хавф остида?
Бу вирус – чақирилмаган меҳмон: қаерда кутишмаса, ўша ерда пайдо бўлади. Унинг "севимлилари":

5 ёшгача бўлган чақалоқлар (бу вируснинг асосий фан-клуби);

65 ёшдан катта қариялар (қариси қ...);

иммунитети паст, сурункали нафас йўллари касалликлари борлар (вирус "қачон ва қаерга зарба беришни" билади).

Қачон ва қандай тарқалади?
Бу вирус қишда ўзига хос "қишки гастроль" ўтказади. У ҳаво-томчи йўли орқали тарқалади: бир киши йўталса, вирус "парашют" қилиб, бошқаларга "қўниб олади".

Белгилари: "Метапневмовирусдан салом!"

Метапневмовирус – таниқли "маскировка устаси". Унинг белгилари оддий шамоллашга ўхшаш бўлиши мумкин, лекин вирус ўз "коктейлига" бироз "искринка" қўшади:

Шамоллашнинг классикаси: йўтал, бурун битиши, томоқ оғриғи, қувватсизлик.

"Апгрейд" қилинган вирус: ҳарорат кўтарилиши, нафас олиш қийинлиги, баъзан “гармошка”дек овоз чиқиш: нафас олиш ва чиқариш пайти ғалати овозлар чиқарилади.

Чақалоқларда ва қарияларда бронхиолит ёки пневмонияга олиб келиши мумкин.

Қандай қилиб аниқланади?

Метапневмовирусни "кўз билан" аниқлаш қийин. Уни топиш учун махсус "қуроллар" керак:

1. ПЦР-тест: вирусни молекуласигача "ушлайди".

2. Антиген тестлари: вирусни "қўлга олишда" тезкор ёрдамчи.

Қандай қилиб даволанади?

Метапневмовирусга қарши махсус "қурол" йўқ. Лекин аломатларни енгиш мумкин:

Кўпроқ сув ва дам олиш: лимонли чой, оддий алеяло ва камроқ стресс – идеал комбо.

Ҳароратни тушириш: ҳарорат кўтарилганда, парацетамол ёки ибупрофен.

Профилактика: "Йўқ, вирус, мен сени уйга қўймайман!"

Метапневмовирусга қарши вакцина ҳозирча йўқ, лекин уни четлаб ўтиш мумкин:

1. Қўлларни совун билан ювинг: вирус "тоза одамларни" ёқтирмайди.

2. Масофа сақланг: йўталадиган қўшниларингиз билан "онлайн" мулоқот қилинг.

3. Иммунитетни мустаҳкамланг: кўпроқ мева-сабзавот, тоза ҳаво ва тинчлик (вирус сиздан кучли иммунитетни "хазар қилгани" учун узоқлашади).

Энди сиз метапневмовирус ҳақида маълумотга эгасиз – бу "ҳайратланарли меҳмон"ни кўришдан қочиш имконияти катта!

@dohtirblog

2.1k 0 32 14 24

Pediatr Nur Olimovna

30 Dec 2024, 16:57

Qani edi yangi yil dasturxoni bolalarni kasal qilmasa...

Assalomu alaykum qadrli obunachilar, ota-onalar!
Ko'chaga chiqib insonlarning oziq-ovqat olishayotganini ko'rib yoqa ushladim.

Bizning kichkina tumanda shuncha odam bormi? deb o'yladim, tort va pishiriq, salat sotayotganlarning qo'li-qo'liga tegmaydi.

Ana bu tort ko'zimga ko’ngil aynishidan qiynalayotgan bolani eslatyapti. Mana bu salat qornini changallayotgan qizchani eslatyapti. Kola, fanta, sharbatlar esa tomog'i og'rib istimalab yotgan aka-ukalarni eslatyapti.

Yomon gumon qilish niyatim yo'q, lekin kimdir tekshirib ko'rishni xohlasa, solishtirib ko'rsin, shifoxonaga murojaat qiluvchi bolalar soni yangi yildan so'ng qanchalik oshar ekan!

O'zi shifoxonalar, poliklinikalar bemor bolalarga to'lgan, yana shikoyatlar, navbatlar bo'lish ehtimolining foizi baland.

Balki uyda o'zingiz pishirarsiz, sifatsiz ovqatlar yeyishdan ehtiyot bo'larsiz, lekin bolalarning bir xil tartibga o'rgangan tanasi bunday o'zgarishlarga albatta javob reaksiyasi berishi aniq.

Azizlar, oilaviy bayramning bo'lishi yaxshi, lekin yog'li va shirin mahsulotlarni aralashtirmang.
Hamma taomni birdaniga dasturxonga qo'ymang.

Buvilar, bobolar, tog'alar, dadalar mehringiz jo'sh urib go'daklarga ularga mumkin bo'lmagan taomlarni ilinmang.

Sizdan iltimos, mehmon chaqirish va mehmonga borishni bayramdan 1 hafta ortga suring, toki bola organizmi moslashib olsin.

Bolalarni nazoratsiz qoldirmang, ularning tashqarida kiygan kiyimlariga e'tibor bering.

Sizlarga salomatlik tilab,

Pediatr Nur Olimovna

Pediatr Nur Olimovna

Bu kanal bir o'zbek pediatr shifokori va talabalar ustozi bo'lgan Nur Olimovnaning bola tarbiyasiga va ustozlik hayotiga oid tajriba va saboqlari ulashilishi uchun ochildi. YouTube kanal - https://www.youtube.com/@pediatrnurolimovna1723

5.2k 1 44 39 39

Pediatr Nur Olimovna

26 Dec 2024, 02:12

Opalar va akalar haqida

Bizning opa yoki akalarimiz bizga adolat va hamkorlik, mehribonlik va g'amxo'rlik saboqlarini qattiqqo'llik bilan o'rgatuvchi odamlardir.
- Pamela Dugdale

Assalomu alaykum qadrli obunachilar!

Bolalaringizga razm solsangiz katta farzandlaringiz kichiklarini qanday tarbiya qilishining guvohi bo'lasiz.
Ular hatto ota-onadanda qattiqqo'llik va talabchanlik bilan "tarbiya qiladilar". Hatto misli ko'rilmagan jazolarni o'ylab topadilarki, ishdan kelsangiz kichik farzandlarning shikoyatlaridan bezib ketasiz.

Afsuski, katta bo'lgach eng ahil va eng mehribon va deyarli hayotga tayyor farzandlaringizni ko'rib, bolalikni maroq bilan eslab kulishayotganining guvohi bo'lasiz.

Lekin, shunday opa yoki akalar ham bo'ladiki, kichiklardan dakki yeydi, ular har qancha sho'xlik qilsada kechirib yuborishadi va hech minnatsiz ularni parvarish qiladi.

Yolg'iz o'sgan bolalardan ko'ra aka opa bilan katta bo'lgan bolalar mustaqil va uddaburron bo'lishi isbotlangan.

Mening ham ukam bilan bir yosh farqim bor edi va biz juda ko'p urishardik, lekin ma'lum vaqt bir-birimizdan uzoqda yashaganimizdan keyin juda inoq va hamfikr bo'lib qolganmiz.

Sizningcha bu taxminlar to'g'rimi?
Sizning aka yoki opangiz sizga qattiqqo'llik qilishganmi?
Hozirda ulardan minnatdormisiz?
Hozirda munosabatlaringiz qaysi tomonga o'zgargan?
Farzandlaringiz ukalarini tarbiyalashiga guvoh bo'lganmisiz?

Hurmat bilan,
Pediatr Nur Olimovna

Pediatr Nur Olimovna

Bu kanal bir o'zbek pediatr shifokori va talabalar ustozi bo'lgan Nur Olimovnaning bola tarbiyasiga va ustozlik hayotiga oid tajriba va saboqlari ulashilishi uchun ochildi. YouTube kanal - https://www.youtube.com/@pediatrnurolimovna1723

2.6k 0 8 7 14

Pediatr Nur Olimovna

21 Dec 2024, 13:50

Buvilar hivchin bilan urganda...

Assalomu alaykum qadrli obunachilar.

Bugun ingliz tili darsida bir mashur ayolning yoshligida buvisi urganini tahlil qildik. Shunda, ustoz mening fikrimni so'radi, men ba'zan urish foydali dedim va "Pediatr urish kerak deyapti, demak foydali ekan" deb kuldi.

Men ham buviman, lekin buvimning chap qo'lim bilan taom yeganimda qo'limga urganini hech unutmayman.

Hozirda 75 yoshli onam o'z buvisi qo'shni daladan makkajo’xori o'g'irlaganda toki, uni egasiga olib borib bermaguncha oyog'iga hivchin bilan urib borganini aslo unutmaydi.

Ukasini ayni shomda uzoqqa olib ketib, havotir olgan buvisidan hivchin yegan qizim...

Qattiq ovozda kulgani uchun o'z buvisidan hivchin "yegan" yana bir qadrdonimning hotiralari..

Ha, bunday tarbiya vaqtida albatta hivchin bilan urishgan. Lekin bola qochgan va buvilar yugura olmagani uchun hivchin bir-ikki tekkan, lekin bu jazo ularning bir umr esda qolishiga sabab bo'ladi

Buvilar eng mehribon, halollik tarafdori bo'lgan, ular hech qachon shapaloq urishmagan, daraxt novdasi bilan urishgan, shuning uchun nabiralar qalbida shu jazo ham iliq hotiralaraga sabab bo'ladi, shunday emasmi?

Siz nima deb o'ylaysiz? Oramizda kimdandir 'hivchin" bilan jazolanganlar bormi?

Hurmat bilan,

Pediatr Nur Olimovna

Pediatr Nur Olimovna

Bu kanal bir o'zbek pediatr shifokori va talabalar ustozi bo'lgan Nur Olimovnaning bola tarbiyasiga va ustozlik hayotiga oid tajriba va saboqlari ulashilishi uchun ochildi. YouTube kanal - https://www.youtube.com/@pediatrnurolimovna1723

2.4k 0 10 21 22

Купить живой трафик

Нужны подписчики в Telegram?

Продам канал с доходом 138090

Pediatr Nur Olimovna

Channel's geo and language

Category

Pediatr Nur Olimovna

Pediatr Nur Olimovna

Pediatr Nur Olimovna

Pediatr Nur Olimovna

Pediatr Nur Olimovna

Pediatr Nur Olimovna

Pediatr Nur Olimovna

Pediatr Nur Olimovna

Pediatr Nur Olimovna

Pediatr Nur Olimovna

Pediatr Nur Olimovna

Pediatr Nur Olimovna

Pediatr Nur Olimovna

Pediatr Nur Olimovna

Pediatr Nur Olimovna

Pediatr Nur Olimovna

Pediatr Nur Olimovna

Pediatr Nur Olimovna

Pediatr Nur Olimovna

Pediatr Nur Olimovna

1 967

Popular in the channel

Site language

Купить живой трафик

Нужны подписчики в Telegram?

Продам канал с доходом 138090

Pediatr Nur Olimovna

Channel's geo and language

Category

1 967

Popular in the channel