Telegram channel "Pediatr Nur Olimovna" — @pediatr_nur

Pediatr Nur Olimovna

16 Apr, 16:05

Forward from: Pediatr Nur Olimovna

Oilaviy sayohat, hattoki sayr ham bolaga jismoniy va ruhiy quvvat beradi.

Atrofga boqing, bahor o'lkamizga go'zallik olib keldi, yashil dalalar, lolalar, gullagan daraxtlar, qanday ajoyib!

Shaharda ham qishloqda ham bir etak bolalari bilan oilalar yashaydi, ular hayotning tashvishlariga, mayda muammolar qurshovidadir, bolalar esa doimo hamma jam bo'ladigan oqshomni intiq kutadilar, ular ota-onalari bilan ko'proq birga bo'lishni xohlaydilar.

Ayniqsa oila davrasida chaqaloqlar ham xursand. Shu baxtli onlar bolalarda ijobiy kayfiyat tufayli immun tizimni kuchayishiga sabab bo'ladi.

Oila bilan kichik sayohatlar, sayrlar tashkil qilinsa, nafaqat bolalarda , balki ota-ona, buvi-bobolarda ham ijobiy kayfiyat paydo bo'ladi.
Allohning yaratgan go'zalliklaridan bahramand bo'lish, toza tog' havosidan simirib rohatlanish qanday ajoyib.

Aziz onalar bolalarni tez-tez sayrga olib chiqing, hatto xaridlarga borganda ham hamroh qiling, bolangiz irodali, mehribon, teran fikrli bo'lib o'sadi.

Pediatr Nur Olimovna

492 0 20 1 16

Pediatr Nur Olimovna

10 Apr, 05:00

Assalomu alaykum azizlar!

Ramazon oyining go'zal va hosiyatli kunlarini birga, hamjihat o'tkazdik.
Bugun Hayit ayyomi barchamizga quvonch olib keldi.
Bugun ajru savoblar sizga muborak bo'lsin dindoshlarim!
Bugun bayram, bir-birimizni qutlaylik, ziyorat qilaylik.
Farzandlarimizning kamolini, ilmini, imonini Alloh ziyoda qilsin.
Hurmat bilan Pediatr Nur Olimovna.🤲🤲🤲🤲

961 0 0 10 22

Pediatr Nur Olimovna

8 Apr, 12:29

Ko'krakni to'g'ri emizish qoidalari

Assalomu alaykum qadrli obunachilar.
Orangizda juda ko'pchilik ayollar emizish borasida savol berishmoqda.

Onaning chaqaloqni to'g'ri emizishi sut kamayishining va ko'krak uchi yaralarini oldini oladi. Misol uchun, ko'krakni uchini siqsangiz oz sut chiqadi, lekin areola deb atalgan qora joying siqsangiz sut otilib chiqadi. Shuning uchun bolaga ko'krakni atrofdagi qora joyi bilan berish kerak. Qanday?

1. Bolaning burni ko'krak uchiga tegishi kerak.
2. Bola maksimal og'zini ochishi kerak.
3. Og'zi katta ochilganda atrofdagi qora joyi bilan ko'krakni berish kerak.
4. Ko'krak uchi bolaning qattiq tanglayi oxirida bo'ladi, qora joyi qattiq tanglayda joylashadi.
5. Tashqaridan qaraganda to'g'ri emayotgan bolaning pastki labi bir oz pastga qayrilgan, yuqoridagi labi ustida areola bir oz ko'rinib turadi.
Shunday emizilganda bolaning og'ziga havo kirmaydi va hiqichoq tutmaydi, bir marta so'radi, bir marta yutadi.

Qadrli onajonlar! Agar emizishga qiynalsangiz patronaj hamshiraga ayting, u sizga albatta o'rgatadi, chunki tibbiyot hodimlari buning uchun tez-tez o'qitiladi.

Hurmat bilan,
Pediatr Nur Olimovna

5.5k 2 67 17

Pediatr Nur Olimovna

31 Mar, 17:55

Ovqatlanish xulqi qanday paydo bo'ladi?

Assalomu alaykum qadrli obunachilar.
Biz bolalarimiz sutsiz parxezga o'tishi bilan, ya'ni oila ovqatiga o'tishi bilan, ma'lum ovqatlanish xulqini ularga singdirishga urinamiz. Ya'ni bolalarga ovqat taklif qilishda ko'p xatolarga yo'l qo'yamiz.

Uyda to'rt nafar farzandingiz bo'lsa, ularning barchasi har hil hissiyot egasi, kimdir nozik ta'b, kimdir beg'am, kimdir o'ta qiziquvchan. Biz ota-ona sifatida ularga ovqatlanish muhitini yaratishda xatolarga yo'l qo'yamiz, natijada farzandlarimiz sog'lom ovqatlanishdan bosh tortadilar, bu esa ularning kamquvvat va tengdoshlaridan ortda qolishiga olib keladi.

Ota- onalar bolalariga ovqat taklif qilishlari bo'yicha 4 hil bo'ladilar:

1. Avtoritet ota-onalar. Ular bolalariga sog'lom ovqat taklif qiladilar, dasturxondagi ovqatlarni ularning tanlab, xohlaganini yeyishga undaydilar, hech qachon majbur qilmaydilar va ovqatning tayyorlanishi, foydasi haqida erinmay tushuntiradilar, ularga ovqatlarni birga tayyorlashni, sabzavotlarni bozordan tanlashni, tomorqada yetishtirishni o'rgatadilar va ovqat bu ilm ekanligini o'rgatadilar.

2. Avtoritar ota-onalar. Bunday ota-onalar bolalarini ovqat yeyishga majburlaydilar, yemasa jazolaydilar yoki yesa "sovg'a" beradilar. Bunday ota-onalar doimo bolaning ovqat yeyishi usulini topish tashvishida yuradilar.

3. Uchinchi toifa ota-onalar ko'ngilchan ota-onalar. Ular bolalarining hamma istaklarini amalga oshiradilar, bir kunda bir necha xil ovqat taklif qiladilar, shirinliklar berishni va bolaning xarxashalarini so'zsiz bajarishni ma'qul ko'radilar.Bunday ota-onalar farzandlarida ovqatni e'tibor vositasi sifatida ko'rishlariga sabab bo'ladilar.

4. Keyingi toifa beg'am ota-onalar. Ular bolalariga ovqat tayyorlashga erinadilar, bolalariga ovqatga nisbatan hurmat odoblarini singdirmaydilar. Ba'zan bolalar faqat non, bir hil ovqat, salatsiz, mevasiz ovqatlanadilar, hatto ovqatlanish bilimlariga qiziqish ham bildirmaydilar.

Qadrli obunachilar yuqoridagi ota-onalardan qaysi biri ekanligingizni o'ylab ko'rdingizmi?

Sizga ovqatlanish muhiti nima ekanligi haqida ma'lumot qiziqmi? Fikrlaringizni kutib qolaman,

Pediatr Nur Olimovna

1.7k 0 23 7 13

Pediatr Nur Olimovna

31 Mar, 02:51

Forward from: Unknown

01:25

Video is unavailable for watching

Show in Telegram

#ибрат

Бош ва тил ҳикмати...

Дилдаги Гаплар - Дилдан гаплашамиз!

1.3k 0 7 9 4

Pediatr Nur Olimovna

18 Mar, 13:35

Onadagi tushkunlik bolaning kam vazn bo'lishiga olib keladi

Assalomu alaykum qadrli obunachilar.
Ramazon oyi hammamizga barakotli bo'lsin, uylarimiz har xil manfiy ruhiyatdan toza bo'lsin va bolalarimiz uchun ma'suliyatimizni chuqurroq anglashimizga sabab bo'lsin.

Bugungi mavzu yana bolalarning ovqatlanishi haqida. Tug'ruqdan keyingi tushkunlik haqida yuqoridagi postlarimda aytgan edim.
Aynan shu kayfiyat ona bilan bolaning muloqotini kamaytirib bolada immun tizimning zaifligiga sabab bo'lar edi.

Ho'sh qanday qilib?

Oilada ona tushkun kayfiyatda yursa u jahldor, erinchoq va emotsiyalarga kambag'al bo'lib qoladi, bu nafaqat go'daklarga balki, barcha yoshdagi bolalarga yomon ta'sir qiladi.

Olimlar ta'biri bilan aytganda, "angedoniya" deb atalgan ruhiyat muammosi onada motivatsiyani tushib ketishiga hohishlarini amalga oshirishning kamayishiga, hayotdan zavq olish tanqisligiga olib keladi.
Bu muammo bola tarbiyasida umuman aks ta'sir qiladi. Masalan, bolaga ovqat tayyorlab berishni xohlamaydi, yoki emizikli ona o'zi uchun ovqat tayyorlashga erinadi.

Natijada, o'zi va bolalar turli ingredientlarga boy, mazali ovqatlarni yemay, "shunchaki" ovqatlanadi. Bu esa, homilaning va bolalarning kamquvvat va nimjon o'sishiga yoki fast-foodlar, shirinliklar, sun'iy ovqatlarni ko'p yeyishiga olib keladi.

Angedoniya bu shunday illatki, oshqozondagi hazm fermentlarining ham ishdan chiqishiga olib keladi va homilador ayolda sog'lom ovqatlanishiga to'sqinlik qiladi. Tushkun kayfiyatning bola tarbiyasiga bu bir tomonlama ta'siri holos.

Buning uchun nima qilish kerak?
Ayol doimo hush kayfiyatda yurishi uchun motivatsiyani kitobdan olishi kerak, badiiy va ilmiy kitoblar, diniy kitoblarni o'qib borishi muhim. Turli xil seriallarni ko'rmaslik kerak.

Ayniqsa ertalab uyqudan keyin bir soatgacha telefon titkilamaslik kerak, bu tabiiy uyg'onishga yordam beradi.

Foydali bo'ladi degan umidda,

Pediatr Nur Olimovna

Pediatr Nur Olimovna

Tug’ruqdan keyingi depressiya – bu bola tug’ilgandan so’ng ayollarda yuzaga keladigan, tushkunlik, xavotir, va o’z vazifasini bajara olmaslik bilan namoyon bo’ladigan ruhiy o’zgarishdir. Bunday holat tug’ruqdan keyin ayollarning 10-15% ida uchraydi va ushbu holat ona va bolaning sog’lig’iga sa...

2.5k 0 17 16 24

Pediatr Nur Olimovna

7 Mar, 14:01

Old sut sindromi

Assalomu alaykum qadrli obunachilar. Yana ona sutiga bog'liq muammolar haqida aytmoqchiman.

Bir ayol bolasining axlati avval yaxshi ekanligini va 1 oylardan boshlab axlati yashil bo'lib qolganini va bolaning ichi suyuq bo'lishi tufayli orqa peshov atrofi tez-tez qizarishidan shikoyat qildi, bola ayni shomda yig'lashi va qorni dam bo'layotganini aytdi.

Yaxshilab surishtirish davomida ona bolasini 10-15 daqiqa emib, uxlab qolishini va tez orada uyg'onib, yana emishini aytdi.
Ona suti old sut va orqa sutdan iborat, old sut tarkibida shakar ko'p bo'lib, bola tez toyish hissini tuyib uxlab qoladi, lekin oshqozonidagi sut tez parchalanib, bola yana uyg'onadi. Afsuski, bola yana old sutni emishni boshlaydi, chunki bola har safar ko'krakni emishni boshlashi bilan sut ishlab chiqarilishi boshlanadi.

Ho'sh bunday holarda nima qilish kerak?

1. Bola bir ko'krakni bo'shatgach, keyin ikkinchisiga o'tish kerak, ya'ni tez-tez ko'krakni almashtirish mumkin emas.
2. Boshdagi suv kabi rangsiz sutni sog'ib tashlab yog'li sutni berish kerak bo'ladi.
3. Bolani uxlab qoldi deb o'ylab darxol ko'krakni chiqarishga shoshilish kerak emas, u uzoqroq vaqt emgani ma'qul.
4. Onaning old sutini ko'paytiruvchi shakarli mahsulotlar va mol sutini ichishni kamaytirib ko'rish kerak.
5.Bolani tunda ko'proq emizish kerak, chunki yog'li sut tunda ko'proq ishlab chiqariladi.

Aziz onalar, ona suti berishda so'rg'ichlardan foydalanishni kamaytiring va emizish vaqtida boshqa ishlarga , ayniqsa telefonga chalg'imang.

Pediatr Nur Olimovna

Pediatr Nur Olimovna

Bu kanal bir o'zbek pediatr shifokori va talabalar ustozi bo'lgan Nur Olimovnaning bola tarbiyasiga va ustozlik hayotiga oid tajriba va saboqlari ulashilishi uchun ochildi. YouTube kanal - https://www.youtube.com/@pediatrnurolimovna1723

2.9k 0 33 16 30

Pediatr Nur Olimovna

28 Feb, 18:46

Murojaatchi bilan bo'lgan suhbatlarni ommaga olib chiqishimga rozi bo'lganliklari uchun Fatima Umiddan minnatdorman. Men kabi, sizlar ham anchagina foyda oldingiz deb o'ylayman. Ko'proq foydalar, savol-javoblar va, eng muhimi, kundalik muammolarimizga boshqa rakursdan qarab, biz ko'ra olmagan tomonlarini ochib beruvchi postlar istasangiz, chin dildan ularni kanallarni tavsiya qilaman: https://t.me/globalstudentt

Hurmat bilan,
Pediatr Nur Olimovna

Now what? 🇵🇸

Bismillah! Advocate of Children Whatever He makes me to learn — @globalstudentt at Insta Sneak-peaks into AMI Montessori. Kayfiyat va mavzuga qarab o'zbek va ingliz tillarida yuritiladi.

2.2k 0 3 11

Pediatr Nur Olimovna

28 Feb, 18:46

Fatima Umidning javobini o'qiy turib, bu muammo haqida men hech qachon o'ylab ko'rmagan taraflari, sabablari va yechimlarini o'rganib oldim. Ularning javobi quyidagicha bo'libdi:

"Vaalaykum assalom.
Hozir bu yozganingizdan sezyapman-ki, o'g'lingiz hissiy tirik oʻsmir ekanlar.

Oʻrtoqlari bildirgan reaksiya afsuski normal reaksiya emas. Ular balki uyda ota-onasidan ham faqat tanqid, dakki, kaltak munosabatini koʻrishayotgan boʻlsa, maktabdagi Ustozning bunday munosabatiga ham “shunday boʻlishi norma ekanda, men faqat shunday munosabatga loyiq ekanman”, deb ortiq tanalari, qalblari bilan ta’sirlanmay qoʻyganlar deb qoʻrqaman. Ular uchun afsusdaman…

Sogʻlom inson oʻziga bunday munosabat bildirishlariga toqat qilishi kerak emas. Bunda bizning butun tanamiz, ruhiyatimiz tish-tirnogʻi bilan kurashadi, agar qoʻyib bersak. Kurashishi kerak. Oʻgʻlingiz ham oʻzining inson sifatidagi eng bazaviy ehtiyoji — xavfsizlik uchun kurashgan, xolos.

Faqat ayni paytida (kaltak yeyotgan vaqtda) emas, uyga kelib buni tushungani uchun kuchli alam, aggressiya his qilgan boʻlishi mumkin. Haqsizlik oldida har qanday inson tabiiy ravishda jahl his qilishi kerak. Ba’zilar buni joyida sogʻlom ifodalay oladi, ba’zilar joyida nosogʻlom ifodalaydi, ba’zilar esa joyida sogʻlom ifodalash qoʻlidan kelmaydi (qoʻrquv, ishonchsizlik sabab) va voqeadan keyin jahlini ifodalamagani uchun kuchli aggressiya his qiladi. Oʻgʻlingizda shu oxirgi holat boʻlganmikan deb tahmin qildim. Aggressiya bu — kuch. Daftarlarini yirtib, jahl qilgani ana shu aggressiyani chiqarishga harakati boʻlgan. Bu judayam tabiiy reaksiya. Agar chiqarib ololgan boʻlsa, yaxshi. Uxlab olgani ham, oʻz nerv sistemasi foydasiga boʻlgan boʻlishi kerak.

Oʻqituvchining munosabati oʻgʻlingizga ta’sir qilganining yanada jiddiyroq sababi ham bor.

Yuqorida aytganimdek, hissiy tirik oʻsmir balansda rivojlanayotgan boʻladi. Uning tanasi va ruhiyati bir-biri bilan birga ishlayotgan boʻladi. Atrofdagi voqea-hodisalarga e’tiborli boʻladi. Oʻrtoqlari kulgiga olib, indashmabdi dedingizku, oʻgʻlingizda esa bunday boʻlmagan. U oʻz munosabatini bildiradigan boʻlgani uchun, unga ayniqsa boʻlgan voqea juda jahlini chiqargan. Shaxsiyatini rivojlantirayotgan, bolalikdan kattalikka oʻtayotgan oʻsmirni urish — uni ruhan sindirish hisoblanadi. Mana shu ham uning nafsoniyatiga tekkan boʻlishi mumkin. Ham haqsizlik, ham uning shaxsiyatiga boʻlgan jismoniy tajovuz. Bu rivojlanayotgan oʻsmir ruhiyatiga jiddiy ta’sir koʻrsatadi.

Oʻqituvchi qilgan ishni men, hatto vaziyatni bilmasam ham, hech qanaqasiga oqlamayman. Nima boʻlganda ham, bola dars qilmaslikka qasam ichsa ham — oʻqituvchi uni urishga haqqi yoʻq. Bunda oʻsmirning tanasi emas, ruhiyati jarohatlanadi va bunga endi oʻsmir e’tiborli ham.
12 yoshgacha boʻlgan bolalarda e’tibor bersangiz tana ogʻrishiga urgʻu berishadi, aslida ruhiyatiga ham ta’sir boʻlsada. Ya’ni ruhiy ogʻriqlarni unchalik ham farqlashmaydi. Oʻsmirlar esa buni endi farqlashni oʻrganayotgan boʻladi.

Oʻgʻlim endi tarixga umuman qiziqmasa kerak, dedingiz. Agar bu voqea toʻgʻri tahlil qilinmasa va oʻsmir oʻz savol-javoblari, hislari bilan oʻzi qolib ketsa, ha bu unda travma qoldirishi mumkin va tarix bilan kaltakni assotsiatsiya qilishi mumkin.

Lekin Allohga hamdlar boʻlsinki, qalb oʻzgaruvchan yaratilgan. Sabablarini qilsak: bola bilan voqea haqida, bunga uning hissiyotlari haqida ochiq gaplashib ola oladigan, uni eshitadigan, hislarini tasdiqlaydigan inson boʻlsa, bola unga ishonolsa — uning fikri oʻzgaradi inshaalloh.

Tarix fanini yaxshi xotira bilan yana bogʻlay oladigan Ustoz yoki voqea boʻlsa, oʻgʻlingizning munosabati ham yana sekin sekin yangilanadi va eskisi shunchaki eskiradi, yomon hislar bilan eslanmaydi."

2k 0 7 10

Pediatr Nur Olimovna

28 Feb, 18:46

#manfaat

Assalomu alaykum, qadrli obunachilar! Bugun sizlarga bir ajoyib inson, bolalar va o'smirlar psixologi Fatima Umid bilan bo'lgan bir suhbatimizdan olgan insaytim haqida aytib bermoqchiman.

Ularga bu mazmunda murojaat kelib tushibdi(murojaatchining roziligi bilan yozilmoqda):

"Assalomu alaykum singlim. Mening o'smir 14 yoshli o'g'lim bor. Bugun tarix domlasining mavzular bo'yicha savol berib, javob bera olmagan o'g'il bolalarni shapaloq bilan, musht bilan uraverganini aytib keldi. Bolalar kulishibdi, urganini jiddiy olishmabdi. Lekin mening o'g'lim uyga kelib, jahli chiqib daftarlarigacha yirtib tashladi. Men o'zlaring aybdorsizlar, deb domlaning tarafini oldim. U hozir uxlab qoldi, juda xafa.
Bu holatda nima maslahat berasiz? O'g'lim endi tarix faniga hech qachon qiziqmasa kerak, deb o'ylayman.."

Now what? 🇵🇸

Bismillah! Advocate of Children Whatever He makes me to learn — @globalstudentt at Insta Sneak-peaks into AMI Montessori. Kayfiyat va mavzuga qarab o'zbek va ingliz tillarida yuritiladi.

1.5k 0 6 8

Pediatr Nur Olimovna

23 Feb, 09:44

Nega aralash ovqatlanishda birinchi ona suti berish kerak?

Assalomu alaykum qadrli obunachilar, mana bugun yana sizlar bilan bog'lanmoqdaman.
Bugungi mavzuimiz ona suti yetarli bo'lmay aralash, ya'ni yetmagan vaqtda sun'iy sut beruvchi onalarga maslahatlar bo'ladi.

Sun'iy sut berishni doim ona sutidan keyinga qoldiring, ya'ni birinchi har ikki ko'krakni emizib, keyin bola yana sut talab qilsagina sun'iy sut bering.

Nega endi ona suti birinchi?
Chunki, bizning maqsadimiz to'ymagan vaqtdagina sut berish, ya'ni ba'zan sut miqdori yetarli bo'lganda bola uxlab qoladi va sun'iy sutga ehtiyoj tug'ilmaydi.

Bundan tashqari siz sun'iy sutni birinchi bersangiz, u osongina so'rg'ichdan so'rishni ma'qul ko'radi va sizni emmay qo'yishi mumkin. Yana bir gap, sun'iy sut ona sutiga qaraganda shirinroq va u aynan shu sutni ichishni xohlashi mumkin.

Qadrli onalar! Sun'iy sut bu quritilgan va moslashtirilgan hayvon sutidir.

Aralash ovqat berish davomida sutingizni ko'paytirishga harakat qiling va umuman sun'iy sutni bermaslik payida bo'ling.
Chinki ona suti bu "oltin suyuqlik" hisoblanib, tayyor ozuqa, uning tarkibida antitanachalar bolani turli kasalliklardan himoya qiladi.
Sutni ko'paytirish va bo'yitish uchun yahshi ovqatlaning, vitaminlar iching va ko'proq dam oling.

Hurmat bilan,
Pediatr Nur Olimovna

2.1k 0 17 3 15

Pediatr Nur Olimovna

15 Feb, 06:20

Nega har kuni muammo? Kim aybdor?
Assalomu alaykum qadrli obunachilar.
Har kuni bolalarga nisbatan bo'layotga savodsizlarcha munosabatni eshitib yig'lagim keladi, ba'zan g'azablanaman.
Nega, tahlil va tanqid yashiriladi?
Hozirgina qo'shnim birinchi sinf nabirasining ichagida yara paydo bo'lganini va bola tinimsiz davolanayotganini aytib qoldi.

Bunga sabab, bolaning nonushta qilmagani va stress ekan. Birinchi sinf o'qituvchi: " Ertalab soat yetti yarimga yetib kelmasang, stul ko'tarib jazolanasan debdi".
Qiz bir oy shoshilib, yig'lab maktabga borar va nonushtadan bosh tortar ekan.
Qishoq maktabiga piyoda borish kerak ...
Qo'shnimga o'qituvchi bilan gaplashdilaringmi, desam ha, endi unday qilmas ekan, dedi.
Shunday xatolar tahlil qilinishi uchun oddiy gaplashish kifoya qilarmikan?
Maktab direktori balki bilmagandir ham.
Bola-chi? Bola bilan bog'liq travmalarchi? O'qituvchilarning nafaqat o'z mutaxassisligi, balki bola ruhiyati bilan ham imtihon qilinishi kerak emasmi?
Qadrli obunachilar. Siz nima deysiz? Bola ruhiyati haqidagi bilimlarni aholiga qanday yetkazish mumkin.
Qanday qilsa bolalarni hurmat qilish muhimligini o'rganamiz. Marhamat izohlarda yozib qoldiring.
Ma'lum sabablarga ko'ra, izohlar yopilib qoldi. Bugun havola qilaman albatta.
Pediatr Nur Olimovna

3.2k 0 9 50

Pediatr Nur Olimovna

13 Feb, 10:39

Bolalarga o'lim haqligini gapirish kerak

Assalomu alaykum qadrli ota-onalar, obunachilar!

Asosan, 6 yoshli bolalar seriallar, multfilmlarda o'limni ko'radilar va ta'sirlanadilar. Bir qizchani olib kelishdi, buvisi bilan o'zbek, turk seriallarini qoldirmay ko'rar ekan.
Buvisi o'lim, qayg'uli epizodlarini qayta-qayta oilada muhokama qilar ekan.

Natijada qizcha tunlari yig'lab chiqadigan va yerning chuqur kovlanganini ko'rsa hushdan ketadigan bo'lib qolibdi.
Men bu qizni ruhiy kasalliklar shifokoriga yo'naltirishga majbur bo'ldim, chunki dorisiz endi kech!
Bu yerda xatolik bolaga seriallarni ko'rishi mumkin emas edi va bolaga o'lim haqida gapirilmaganidir.

Bolaga insonlar o'limini oddiy, tushunarli qilib aytish kerakki, inson Jannatga borishi va u qaytib kelmasligi tushuntiriladi.
O'lim qushlar, hayvonlar, qumursqalarga ham tegishli ekanini aytish joiz. Bolalar bilan qabristonlarga borib tilovat qilish kerakligini va o'lgan insonlar ruhi xursand bo'lishini aytish kerak.

Qadrli obunachilar, bolalar bilan qarilarni ziyorat qilish kerak. Bolalarimiz taassurotlarini to’qima serial-voqealardan uzoq qilaylik.

Pediatr Nur Olimovna

P.S Post ma’lum bir sabablarga ko’ra qayta yuborilyapti.

Pediatr Nur Olimovna

Bu kanal bir o'zbek pediatr shifokori va talabalar ustozi bo'lgan Nur Olimovnaning bola tarbiyasiga va ustozlik hayotiga oid tajriba va saboqlari ulashilishi uchun ochildi. YouTube kanal - https://www.youtube.com/@pediatrnurolimovna1723

3k 0 18 32

Pediatr Nur Olimovna

6 Feb, 05:47

Bugungi kunni sevdim

(Kecha ham shu gapni aytib uxlagani yotganman. Bugun ham shu gapni takrorlayman)
Assalomu alaykum qadrli obunachilar, dilkash insonlar!
Har bir kun o'ziga hos, o'z tarovati bilan go'zal. Charchoqlari bilan dilhiraliklari bilan sarguzashtlari bilan ajoyib va u endi qaytmaydi.

Tashvishingiz bo'lsa bir kun kam bo'ladi, quvonch esdan chiqadi, sarguzasht xotiraga aylanadi.
Nolib, nolib atrofingizda yurgan insonlar ham uxlaydi va uyg'onadi.
Farzandingiz bir kunga ulg'ayganiga suyunasiz, ota-onangizning bir kunga qariganiga o'kinasiz.
Lekin har kuni bu kunni sevib uxlash, shunchaki yashashni sevish, uning tashvishlari bilan sevish qanchalar foydali.
Kecha qo'shni ayol olamdan o'tdi. U endi hech qachon uyg'onmaydi, kecha reanimasiya bo'limida kimnidir chaqalog'i vafot etdi. U chaqaloq endi uyg'onmaydi.
Qaysidir palatada og'ir bemor og'riqlar zo'ridan uyg'onadi va kechagi kunni sevadi, chunki uyg'onish baxtiga ega bo'ldi.

Tun. Men bugunni sevdim. Tana a'zolarimning barchasiga tashakkur bildirdim. Meni tana a'zolarimga rahmat aytishni o'rgatgan va kunni sevishni o'rgatgan Allohimga hamdu sanolar aytdim.

Har bir kunni sevib uxlang, siz ham Sevilasiz!!! Allohning muhabbati cheksiz, u hammamizga yetadi!

Pediatr Nur Olimovna

2.9k 0 16 4 45

Pediatr Nur Olimovna

3 Feb, 06:04

Forward from: Psixolog Dildora Ulmasova

"Yaxshi ona obraziga tushmayman."

Terapiyaga murojaat qilgan ko'p ayollarni qiynaydigan his ona sifatida o'zidan qoniqmaslik hisidir.

Yaxshi ona deganda hammaning o'z qarichi, mezoni bor. Kimdir o'zining namunali onaligini farzandiga g'amxo'rlik qilish (mazali taomlar tayyorlab berish, jismoniy jihatdan rivojlanishiga e'tibor qaratish) orqali ko'rsatishga intilsa, boshqa onalar bolasiga o'rgatayotgan bilimlari bilan o'zidan qoniqish his etadi. Farzandini moddiy tomondan yaxshi ta'minlash, ko'ngilochar maskanlarga olib borish, qimmatbaho kiyimlar olib berish orqali o'zlarini yaxshiroq his etadigan ota-onalar ham bor.

Tabiiyki, har bir ona faoliyatining kichik manzarasi ijtimoiy tarmoqlarda o'z aksini topadi.

Yaxshi ona obraziga tushish uchun mezonlar ortib ketmoqda. Bor kuchingiz bilan harakat qilmang, siz boshqalardek yaxshi ona bo'lolmayatgandek tuyulaverasiz.

"Ona eng yaxshi ustoz", "o'zingiz rivojlansangiz, farzandlaringiz ham rivojlanishi" haqidagi chorlovlar sizdagi kemtiklikni kattalashtirayotgandek bo'ladi. Farzandim o'zlashtirishda qiynalmoqdami, demak, ayb menda ekan degan xulosalar odamni charchatadi. Yaxshiroq ona bo'lish uchun endi siz ham kitoblar xarid qilib, farzandingiz bilan shug'ullanishni boshlaysiz. Afsuski, vaziyat og'irlashayotgandek. Hali oilada birlamchi ehtiyojlari qondirilmagan, ota-onasi bilan yaqin hissiy munosabatlari yo'q bolani bilimlar bilan "bog'ish" uni ilmdan bezdirib qo'yishi mumkin. Ba'zi onalarning pedagogik mahorati bo'lmasligi mumkin. Bu mutlaqo normal holat. (Nima uchun ustoz bo'lish uchun o'qiladi axir?)

Mohir oshpaz, yaxshi ustoz, mehribon ona - shuncha vazifa! Hali ayolning rafiqalik yoki jamiyatda bajaradigan boshqa rollariga to'xtalib o'tmadim.

Qachon o'zingizni yaxshi ona deb hisoblashga qiynalayotgan bo'lsangiz, yelkangizga osilgan rollaringizga boqing. Javobni o'zingiz ham topasiz. Farzandingizga har kuni tansiq taom tayyorlab bermasangiz ham, birgalikda soatlab kitob o'qimasangiz ham, qimmatbaho kiyimlar, o'yinchoqlar olib bera olmasangiz ham yaxshi ona bo'lishingiz mumkin. Chunki siz farzandingizni o'zini anglashiga ko'mak bera oladigan, u bilan yoqimli vaqt o'tkazadigan, muhim psixologik ehtiyojlari (xavfsizlik, qadrlanish, qabul qilinish, mustaqillik, e'tirof etilish)ni qondirishini ta'minlay oladigan ona bo'lishingiz mumkin.

O'zingizni bag'ringizga bosishingiz mumkin. 🫶

@farzandruhiyati

2.2k 0 6 15 25

Pediatr Nur Olimovna

1 Feb, 11:52

Bu safargi #talabahayoti postimiz boshqacha foydali, deb o’ylayman. Muhammaddiyorga rahmat aytib, ishlariga omad tilab qolamiz.

Pediatr Nur Olimovna

Pediatr Nur Olimovna

Bu kanal bir o'zbek pediatr shifokori va talabalar ustozi bo'lgan Nur Olimovnaning bola tarbiyasiga va ustozlik hayotiga oid tajriba va saboqlari ulashilishi uchun ochildi. YouTube kanal - https://www.youtube.com/@pediatrnurolimovna1723

1.9k 0 1 7

Pediatr Nur Olimovna

1 Feb, 11:51

“Newtonning birinchi qonuni, bu qonun inertsiya nomi bilan ham yetarlicha mashxur.

Newton o'zining birinchi qonunida tushuntiradiki, Object tinch holatda tursa tinch holatda turganicha qolaveradi, va agar object harakatda bo'lsa u harakatdaligicha davom etaveradi. Bu holat to tashqaridan biror bir ta'sir bo'lmaguncha davom etadi. Umman olganda bu qonun objectlarni o'zlarini tabiiy holatni ( tinchlik yoki harakatdagi ) saqlashga moyilligini tushtiradi.
The first law of Newton

Bilasizlarmi?! Newtonning birinchi qonuni insonlarning, ya'ni o'zimizning hayotimiz bilan bog'liq bo'lgan qiziqarli parallel tomonlari bor. Aniq qilib aytganda, bu qonun insonlar uchun ham ishlaydi. Odamlar, xuddi objectlar kabi, o'zlarini hozirgi holatini, bu holat harakatsizlik bo'ladimi yoki doimiy activlik, uni saqlashga uzluksiz urinishadi. Ular agar tinch holatda bo'lishsa, o'zgarishlarga qarshilik qilishadi va o'zlarini COMFORT ZONA sida qolishni avfzal bilishadi va qachonki ularga tashqaridan motivation or biror ta'sir berilmaguncha shunde qolishadi. O'zgarishlarga yo'q deyish odatda yangi va noaniq bo'lgan narsalarni sinab ko'rishdan qo'rqish, o'zi mukammal bo'lgan sohaga bog'lanib qolish yoki comfort zone dan chiqishdan ikkilanish hisobiga kelib chiqadi. Chunki bu o'zgarishlar ana shu qiyinchiliklarni yengib o'tishni talab qiladi. Natijada Alloh tabiatga bergan qonun ishga tushadi va o'sha inson o'z holatida doim qoladi.
O'xshashlik ikkinchi holatda ham kuzatilishi mumkin, ya'ni odamlar odatda o'zlaridagi bor odat yoki hayot tarzini saqlab qolish va unga amal qilishni yangisini boshlashdan osonroq deb bilishadi. Ushbu qonunga asoslangan holda, natijada yomon odatlar doim saqlanib qoladi yoki yaxshilari butun umr ularga ko'makchi bo'ladi.
Ular qaror qabul qilayotganda ham doim ikkilanishadi va tashqaridan biror ta'sir bo'lishini kutishadi. Sababi bu holatda ham qaror qabul qilish inertsiyasini yengish uchun tashqi kuch talab qilinadi.
Bu qonun bizga yana shuni ayta oladiki, agar kimdir biror jarayonni boshlasa, progress ga qo'l ursa, ushbu rivojlanish yoki o'sishni saqlab qolish juda ham oson bo'ladi. Bu esa boshlangan har bir narsa osonlikcha davom etib ketishi mumkinligini, bir yutuq yoki muofaqqiyat o'z ortidan keluvchi muofaqqiyatni qiyinchiliksiz davom etishini, isbotlab beradi. Eng muhim qism - boshlab olish ekanligini aniq tushuntirib beradi. Shuni ham unutmasligimiz kerakki, bizni hayotimiz, ya'ni undagi o'zgarishlar, uning active davom etishi tashqi kuchlarga, ijtimoiy ta'sirlarga, iqtisodiy holatimizga, turli xil insonlar bilan bo'ladigan munosabatlarimizga doimiy bog'liq bo'ladi. Bu ta'sirlar albatta bizni qay holatda shakllanishimizda muhim ahamiyat kasb etadi. Shu tufayli, bizni o'rab olgan muhitga va ta'sir qila oladgan kuchlarga e'tiborli bo'lishimiz kerak.

Demak, tabiatda hamma narsa harakatda bo'ladi yoki o'z joyida qotib turadi. Agar inson oldinga harakat qilmayotgan bo'lsa, demak u turgan joyida qotib turibdi. Eng achinarlisi o'sha inson ortga harakat qilayotgan bo'lishi ham mumkin. ( Newton bo'yicha objectlar harakatda bo'lsa doim harakatchanligini saqlaydi ) Bu esa tezlik bilan harakat yo'nalishi o'zgartirilmasa yomon oqibatlarga olib kelishi hammaga ayon, albatta.
Xullas, bu qonun bizga hayotimizda uchraydigan ko'plab vaziyatlarni qanday sodir bo'lishini tushuntiradi va yechim sifatida quyidagilarni o'rgatadi:
- o'zgarishlarga duch kelganda tashqi ta'sirni kutmasdan uni qabul qilish
- o'zimizga qulay bo'lgan muhitda shunchaki tabiattan tinchlikni ma'qul ko'rganimiz uchun qolmaslik
- amaldagi odatlarni almashtirish uchun tashqi kuch kerakligini yoki bo'lmasam ularning saqlanib qolish xususiyatini tushunib yetish
- qaror qabul qilish jarayonida o'zga ta'sirlar muhimligini bilish va shunga ko'ra to'g'ri qaror qabul qilish
- boshlash davom etirishdan doim oson bo'lganligini anglash
- tashqi ta'sirlar va muhitning hayotimizdai o'rni katta ekanligini yodda saqlash
- harakat qilayotgan tomonimiz qaysi ekanligini aniq bilish

Muhammaddiyor Jo'rayev
24/01/2024 12:35
Andijon”

Synapse

Synapse: a point where Medicine and Education meet together! ● Run by Muhammaddiyor Jo'rayev 🧑‍🏫Aspiring teacher 🚀Band 7.0 achiever in IELTS ( L 7.5, R 7.5 ) 💊Med-educational content creator

2.2k 0 3 9

Pediatr Nur Olimovna

29 Jan, 06:59

Shu botga bog'lanishingiz mumkin

2.3k 0 1 1

Pediatr Nur Olimovna

29 Jan, 06:58

@sharewithnurolimovna_bot

2.6k 0 5 1

Pediatr Nur Olimovna

28 Jan, 16:09

Forward from: Madina Kholmatova

01:15

Video is unavailable for watching

Show in Telegram

😴 Uxlash vaqti rutinasi nima?

Bolalardagi uxlash vaqti rutinasi bu kechki uyqudan 30-60 daqiqa oldin bajariluvchi doimiy mashg'ulotlar ketma-ketligi.

❗️Xo'sh, nega uxlash vaqti rutinasi bolalar uchun muhim? ❗️

Doimiy takrorlanuvchu rutina bolalarda uyqu tartibini (rejimini) shakllantirishda yordam beradi. Masalan, bolalarda ko'pincha tun va kun almashib qolish holati yuzaga keladi 😩 Bunda, doimiy bir vaqtda bajariladigan uxlash vaqti rutinasi bolada qachon kun va qachon tun ekanligini tabiiy holda shakllantirishga yordam beradi. Bola miyasiga dam olish, uxlash vaqti bo'lgani haqida signal beradi. Bolajonlarimiz, buni anglagan holda, o'zlarini xavfsiz va xotirjam his qilishi va bu holat bola uyqusini osonlashtiradi. 🥰

2.8k 0 22 6 17

КриптАрс о крипте, новости и мысли

TGStat Bot

SearcheeBot

Pediatr Nur Olimovna

Channel's geo and language

Category

Pediatr Nur Olimovna

Pediatr Nur Olimovna

Pediatr Nur Olimovna

Pediatr Nur Olimovna

Pediatr Nur Olimovna

Pediatr Nur Olimovna

Pediatr Nur Olimovna

Pediatr Nur Olimovna

Pediatr Nur Olimovna

Pediatr Nur Olimovna

Pediatr Nur Olimovna

Pediatr Nur Olimovna

Pediatr Nur Olimovna

Pediatr Nur Olimovna

Pediatr Nur Olimovna

Pediatr Nur Olimovna

Pediatr Nur Olimovna

Pediatr Nur Olimovna

Pediatr Nur Olimovna

Pediatr Nur Olimovna

1 789

Popular in the channel

Site language

КриптАрс о крипте, новости и мысли

TGStat Bot

SearcheeBot

Pediatr Nur Olimovna

Channel's geo and language

Category

1 789

Popular in the channel