Жаңалықтар - Qaz365.kz

@qaz365kz

Channel's geo and language: Kazakhstan, Kazakh

Category: News and media

Қазақстан жаңалықтары 🇰🇿
Жарнама бойынша: @bs2906
@alim_the_magnus

Related channels | Similar channels

Channel's geo and language

Kazakhstan, Kazakh

Жаңалықтар - Qaz365.kz

27 Sep, 14:49

Шымкентте 2,5 мың адам есірткі жарнамасын жоюға атсалысты

Іс-шараға жалпы 2500-ге жуық адам қатысты. Оның ішінде полиция қызметкерлері, прокуратура, қала жастары, аудан әкімдіктеріне қарасты коммуналдық мекеме жұмысшылары, нарколог-дәрігерлер, спортшылар, еріктілер мен партия өкілдері де бар.

813 0 0 6

Жаңалықтар - Qaz365.kz

27 Sep, 13:57

Салтанат Нүкенованың ағасы Бишімбаевтан 1,5 млрд теңге моральдық шығын талап еткен

Марқұм Салтанат Нүкенованың ағасы Айтбек Амангелді экс-министр Қуандық Бишімбаевтан қарындасының өлімі үшін 1,5 млрд теңге моральдық шығын талап еткен, деп хабарлайды Qaz365.kz.

Сот кабинетіндегі мәліметке сүйенсек, Нүкенованың ағасы материалдық шығынды 8,8 млн теңгеге бағалаған.

«Арыз берген адам қарындасынан айырылған соң өзі де, ата-анасы да қатты қайғырғандарын, сондықтан, денсаулықтары нашарлап, жұмысқа қабілетсіз болғандарын алға тартты. С.Нүкенованың ата-анасы үнемі қайғы-мұңға батып жүреді: осыдан барып, ұйықтамай, денсаулықтары нашарлап, ашу-ызаға беріліп, жандары ауырады. Денсаулықтарына байланысты үнемі емделеді. Арыз жазушы қарындасының өліміне қатысты сот кезінде адвокаттардың жүріп-тұруына, қонақ үйлеріне ақша төлеген. Бишімбаевтан 8 828 070 теңге көлемінде материалдық шығын және 1,5 млрд теңге көлемінде моральдық шығын талап етті», - деп жазылған сот кабинетіндегі құжатта.

886 0 0 4

Жаңалықтар - Qaz365.kz

27 Sep, 07:48

Зәкиева қауіпті ойындар мен кітаптардың тізімін жариялады

ҚР Бала құқықтары жөніндегі уәкіл Динара Зәкиева баланы әртүрлі қауіп-қатерден қорғау үшін көмек сұрауға болатын қызметтердің байланыс нөмірлерін қамтитын жадынама таратты, деп хабарлайды Qaz365.kz .
Ол әлеуметтік желідегі парақшасында Балалардың құқықтарын қорғау комитеті барлық мектеп чаттарына әлеуметтік желілердегі қауіпті топтар мен қауіпті кітаптардың тізімін және назар аударуды қажет ететін белгілерді, сондай-ақ баланы қайтымсыз салдарға әкелетін әртүрлі қауіп-қатерлерден қорғау үшін көмек сұрауға болатын қызметтердің байланыс нөмірлерін қамтитын жадынама жібергенін хабарлады.

📌📌📌Толығырақ

923 0 1

Жаңалықтар - Qaz365.kz

26 Sep, 20:47

Футзал: Қазақстан әлем чемпионы Португалияны жеңд

Футзалдан Қазақстан ұлттық құрамасы әлем чемпионатының ширек финалына шықты, деп хабарлайды Qaz365.kz.
Бүгін ұлттық жерлестеріміз Әндіжанда 2021 жылғы әлем чемпионы Португалияны жеңді.
Қазақстан сапынан Шыңғыс Есенаманов пен Дәурен Тұрсағұлов гол соқты. Сөйтіп, 2021 жылғы әлем чемпионатында кеткен есені қайтарды. Ол кезде жартылай финалда пенальтиден ұтылғанбыз.
Енді ширек финалда Қазақстан құрамасы Аргентина мен Хорватия арасындағы жеңімпазбен кездеседі.

1k 0 1 8

Жаңалықтар - Qaz365.kz

26 Sep, 15:55

Салтанат Нүкенованың ағасы түрмеде отырған Бишімбаев миллиондап ақша өндіріп алды

Түрмеде отырған экс-министр Қуандық Бишімбаевтан Салтанат Нүкенованы өлтіргені үшін ағасы Айтбек Амангелді моральдық және материалдық шығынды өндіруді талап етіп арыз түсірген болатын. Осыған байланысты сот шешімі шықты, деп хабарлайды Qaz365.kz .
Айтбек Амангелді қайғылы оқиға салдарынан моральдық азап шеккенін, денсаулығының нашарлағанын және қайғылы оқиғаға байланысты еңбекке қабілеттілігін жоғалтқанын айтқан.
Ол қылмыстық іс аясында заң қызметтеріне төлеуге кеткен шығындарды өтеуді де талап еткен.
📌📌📌Толығырақ

1.1k 0 0 2 1

Жаңалықтар - Qaz365.kz

26 Sep, 11:10

Жоғарғы сот мектептерде орамал тағуға болмайды деген тыйымды жоймаған

Қазақстан Республикасының Жоғарғы соты Қазақстан мектептерінде орамал тағу заңды деген ақпараттың жалған екенін мәлімдеді, деп хабарлайды Qaz365.kz .

Айта кетейік, күні кеше адвокаттардың сөзіне сілтеме жасаған бірқатар БАҚ Жоғарғы сот мектепте орамал тағуды заңды деп тапқаны туралы ақпарат берген еді.

«Бұқаралық ақпарат құралдары мен әлеуметтік желілерде Жоғарғы Сот мектептерде орамал тағуды заңды деп тапты деген жалған ақпарат таралып жатыр. Істі қарау аясында Жоғарғы Соттың әкімшілік істер жөніндегі сот алқасы білім беру мекемесінде орамал тағудың заңдылығы жөніндегі мәселені талқылауға араласпаған. Кассациялық саты мектептің оқушыны сабаққа жібермеуін заңсыз деп таныды, өйткені білім алу құқығы Қазақстан Республикасы азаматтарының негізгі конституциялық құқықтарының бірі.

📌📌📌Толығырақ

1.1k 0 0 6

Жаңалықтар - Qaz365.kz

25 Sep, 16:40

Атырауда 1 миллион теңге пара алған тергеу изоляторының бастығы сотталды

Атырауда пара алған колония басшысы әділет подполковнигі шенінен айырылды, деп хабарлайды Qaz365.kz.
Облыстық сот баспасөз қызметінің мәліметінше, қылмыстық-атқару жүйесі департаменті №75 мекеме басшысының міндетін атқарушы 1 млн теңге пара алған. Пара беруші басшыдан ағасын тергеу изоляторында қалдыруды және шаруашылық жұмыстарына тартуды сұраған.
Сот айыпталушыны кінәлі деп тапты. Ол мемлекеттік қызметте және мемлекеттік ұйымдарда жұмыс істеу құқығынан өмір бойына айырылып, 30 млн теңге айыппұл (параның 30 еселенген сомасы) төлеуге міндеттелді. Сондай-ақ сотталушы әділет подполковнигі шенінен айырылды.
Сот үкімі заңды күшіне енген жоқ.

1.2k 0 0 1 5

Жаңалықтар - Qaz365.kz

25 Sep, 12:45

Балқашта жылу трассасын жөндеу кезінде үш адамның сүйегі табылды

Жұмысшылардың айтуынша, қалдықтар құбырлардың ішіне салынған, деп хабарлайды Qaz365.kz .

«Адам қалдықтары анықталды. Еті жоқ. Тек сүйектер табылды. Қазіргі уақытта адам қалдықтарын табу фактісі бойынша қылмыстық іс қозғалды», - деді Балқаш қаласы полиция бөлімінің бастығы Айткен Қадрин.

Сарапшылардың айтуынша, қалдықтар бірнеше жыл бойы жерде жатқан. Сүйектер сот-медициналық сараптамаға жіберілді.

1.2k 0 0 2

Жаңалықтар - Qaz365.kz

25 Sep, 10:34

Астанада бір ғана орыс мектебі қалды: аралас мектептерде оқушы көбейген

Астанада қанша қазақ мектебі бар? Оның қаншасы орыс және аралас мектеп саналады? Онда қанша бала оқиды? Үшауысымды мектептердің мәселесі қалай шешімін тауып жатыр? Осы және өзге де сауалдарға жауап іздеп көрдік. Qaz365.kz тілшісі қаланың білім басқармасына жолдаған сауалында осы сұрақтарға жауап берілді.

📌📌📌Толығырақ

1.2k 0 1 7 8

Жаңалықтар - Qaz365.kz

25 Sep, 09:32

Оралда полицей әйел кісіні көлікпен қағып өлтірді

Қайғылы оқиға 19 қыркүйекте таңғы 6:15 шамасында Пугачев көшесінде болған, деп хабарлайды Qaz365.kz тілшісі Мой город-қа сілтеме жасап.
БҚО полиция департаменті баспасөз қызметінің мәліметінше, ВАЗ-21703 көлігінің жүргізушісі жолды рұқсат етілмеген жерден кесіп өткен әйелді қағып кеткен.
Жәбірленуші алған жарақаттарынан ауруханада қайтыс болды.
Жол-көлік оқиғасы бойынша құқық қорғау органдары сотқа дейінгі тергеу жүргізуде. Көлік арнайы тұраққа қойылып, жүргізуші уақытша ұстау изоляторына қамалды.
Айта кетейік, көлік тізгінінде полиция қызметкері болған. Оқиғадан кейін полицей ішкі істер органдарынан жұмыстан шығарылды.

1.2k 0 0 1

Жаңалықтар - Qaz365.kz

24 Sep, 19:07

Пойыздың тамбурында сарбазды ұрған видеоны Тоқаев көріп министрге шұғыл тапсырма берді

ҚР президентінің кеңесшісі әрі баспасөз хатшысы Берік Уәли Тоқаевтың әскердегі әлімжеттікке қатысты Ішкі істер министріне шұғыл тапсырма жүктегенін мәлімдеді, деп хабарлайды Qaz365.kz.

Жазбаға қарағанда, Президент белгісіз адамдардың Ұлттық ұлан сарбазын пойыз тамбурында ұрғаны таспаланған бейнематериалмен танысып шыққан.

📌📌📌Толығырақ

1.2k 0 0 12

Жаңалықтар - Qaz365.kz

24 Sep, 12:32

Мәжілісте әйелдерге харрасмент жасады деген депутаттың орнына кім келетіні белгілі болды
«Ақ жол» партиясы этикалық нормаларды бұзды және өкілеттігін асыра пайдаланды деген айыптармен мандатынан айырған депутаттың орнына кім келетінін жариялады, деп хабарлайды Qaz365.kz.

«Ақ жол» демпартиялық партиясының Ұлттық кеңесі партиялық тізім бойынша Серік Ерубаевты мәжіліс депутаты етіп сайлау туралы шешім қабылдады. Серік Ерубаев – партия төрағасының аймақтармен жұмыс жөніндегі орынбасары, VII-шақырылымдағы ҚР Парламенті мәжілісінің депутаты. Атырау қалалық мәслихатының III-V шақырылымының депутаты, 2003-2012 жылдары қалалық мәслихатының хатшысы. «Atyrau Construction services ltd» ЖШС бас директоры қызметін атқарған, – деді «Ақ жол» партиясының ресми сайты.

Ақпаратта тиісті құжаттар Орталық сайлау комиссиясына жолданатыны айтылған.

Еске салайық, бұған дейін «депутат мәртебесіне сай емес» деген себеппен Асқар Садықов Парламенттегі қызметінен босатылған болатын.

1.3k 0 0 2

Жаңалықтар - Qaz365.kz

24 Sep, 11:23

Алматы облысында оқушылар өзінен кіші баланы айдалаға апарып, әлімжеттік жасаған
Алматы облысы Талғар ауданында мектеп оқушылары өздерінен кіші ұлды айдалаға апарып, аяусыз ұрған, деп хабарлайды Qaz365.kz.

Оның айтуынша, биыл, 20 шілде күні бір топ ұл өздерінен кіші ұлды адам қарасы аз жерге апарып, ұрып-соққан. Бұл бала біраз уақыт бұрын ересектермен еріп жүріп, сол ортаға кіргісі келген. Алайда, үлкен ұлдардың істеген әрекеттері мен сөйлеген сөздері ұнамаған соң, ол ортадан шығып кеткен. Осыған байланысты ересек ұлдар оған «сабақ болсын» деп, оны айдалаға апарып, ойларына келгенін істеген.

«Бір топ бала оны қоршап алып, камераны қосқан. Араларынан біреуі шығып баланы қатты ұрып-соққан. Қолын ағашпен ұрған. Ақша бопсалаған. Осының бәрін сырттан бақылап тұрған оқушы қыздар мен ұлдар күліп, баланы мазақ ете бастаған. Бұған мәз болған үлкен жігіт баланы одан сайын ұрған. Баланың рухын сындырған ол «бізбен дос болғың келмегені үшін кешірім сұра» деп камераға түсірген», - деді адвокат.

1.3k 0 1 3

Жаңалықтар - Qaz365.kz

24 Sep, 10:08

Адам сенгісіз жағдай – Таразда сот шатасып ағасын інісінің құжатымен соттап жіберген

Тіркеуде сотталып кеткен тұрғын түрме есігін күнде сырттан тоқылдатып жүр, деп хабарлайды Qaz365.kz.

Информбюроның хабарлауынша, мұндай жағдайға түзеу мекемесінің басшылығы мен прокурорлар да аң-таң. Белгілі болғандай Қызылордада жасаған қылмысы үшін Ержан Болатовтың туған ағасы істі болған екен. Бірақ тергеу барысында да, адам тағдыры шешілер сот отырысында да жеке басы анықталмай, інісінің құжатымен шешім шығарып жіберген.

Тілшілер осы мәселемен түрме бастығына барған. Сұрақты түсінгенмен, сотталған адамның сырттан келіп тұрғанына түрме басшылығы да таңданыспен қараған.

«Менің осы системада жұмыс істеп жүргеніме қанша жыл болды. Бірінші рет осындай жағдайды көріп отырмын», - дейді Жамбыл облыстық ҚАЖД №59 бастығы Руслан Уразметов.

📌📌📌Толығырақ

1.3k 0 2 6 3

Жаңалықтар - Qaz365.kz

23 Sep, 12:53

Талдықорғаннан Өскеменге дейін: жылдар бойы жыр болған жолдың құрылысы қалай аяқталды

Қазақстанда жылдар бойы жыр болған үлкен жолдың бірі – Талдықорған мен Өскеменнің арасы. Қазақстанның оңтүстігі мен шығысын байланыстырған күре жолдың мәселесі қаншама уақыттан бері айтылып, уәде етілген уақытында халықтың игілігіне берілмей қалған.
Qaz365.kz тілшісі көпшіліктің аталмыш жолға байланысты сұрағына жауап алу үшін ауқымды “Сапа Керуені” пресс-турына қатысты. Бұл іс-шараны өткізуге ҚР Көлік министрлігіне қарасты “Жол активтері сапасының ұлттық орталығы” РМК мұрындық болды

📌Толығырақ

1.5k 0 0 4

Жаңалықтар - Qaz365.kz

23 Sep, 09:13

Мейрамбек Бесбаев тағы да әке атанды

Бұл туралы оның әйелі Мархабат Бесбаева жазды.

Әншінің әйелі сториске босанғанын жазды.

«Ал, сүйінші менің құрметті оқырмандарым! Мен аман-есен босандым. Аллаға шүкір», - деп жазды ол.

«Ұл ма, қыз ба? Қала ойлайсыздар?» дейді Мархабат Бесбаева.

1.5k 0 3 6 18

Жаңалықтар - Qaz365.kz

22 Sep, 18:17

Қазақстан қыздары шахматтан Олимпиада ойындарында күміс медаль алды

Бұған дейін қыздарымыз 2022 жылы Үндістанда өткен Олимпиадада 5-орынға тұрақтаған болатын

Мажарстан астанасы Будапешт қаласында шахматтан 45-ші Олимпиада ойындары аяқталды, деп хабарлайды Qaz365.kz. Қазақстан қыздар құрамасы күміс жүлдеге ие болды. Соңғы ойында жерлестеріміз АҚШ құрамасымен жолықты. Бұл кездесу тең аяқталды. Сөйтіп 11 турда 18 ұпай жинаған Қазақстанға екінші орын бұйырды. Чемпиондық Үндістанға бұйырды (19 ұпай).
Бұған дейін қыздарымыз 2022 жылы Үндістанда өткен Олимпиадада 5-орынға тұрақтаған болатын.
Қазақстан намысын Бибісара Асаубаева, Меруерт Камалиденова, Ксения Балабаева, Алуа Нұрман, Амина Қайырбекова қорғады.

1.6k 0 0 3 14

Жаңалықтар - Qaz365.kz

20 Sep, 18:43

«Басын пакетке салып алған»: Жетісу облысында ер адам бастығын балғамен ұрып өлтірген

Жетісу облысында 55 жастағы ер адам бастығын балғамен ұрып өлтіріп, денесін бөлшектеп тастаған, деп хабарлайды Qaz365.kz .
Патрульдік полиция қызметкерлері ақпан айында Қаратал ауданы Бастөбе ауылында пакетке адам басын салып алған мопед жүргізушісін ұстады. Ол 55 жастағы Алматы тұрғыны болып шықты. Ер адам жұмыс берушісін өлтіргенін мойындаған..
Олар ішімдік ішіп, жиында отырған. Сол кезде ер адам бастығын балғамен ұрып өлтіріп, мәйітті асхана пышағымен бөлшектеп, зиратқа апарғысы келген. Оның жалға алған үйін тінту кезінде марқұмның бірнеше сөмкеге салынған денесінің бөліктері табылды. Марқұм 50 жаста болған.

«Полицейлер қыста мопедпен пакет арқалап жүрген ер адамға күдікпен қарап, оны тінтіген. Соның арқасында қылмыскерді ұстады. Қылмыстық кодекстің 99-бабы "Адам өлтіру" бойынша қылмыстық іс қозғалды», – деп хабарлады Жетісу облыстық полиция департаментінің баспасөз қызметі.

📌Толығырақ

2k 0 1 1 4

Жаңалықтар - Qaz365.kz

20 Sep, 18:37

Ербаян Мұхтардың дәретханада құлап қалғанын көргендер бар – Ұлттық ұлан өкілі

Ұлттық ұлан бас қолбасшысының орынбасары Қайрат Үмбетовтің сарбаз Ербаян Мұхтар туралы айтқаны ата-анасына ұнамаған еді. Ол бұған дейін сарбаз пневмония мен гаймориттің кесірінен осындай күйге душар болды деген. Енді бүгін брифингте Ербаянның әжетханада құлағанын көрген куәгерлер бар екенін жеткізді, деп хабарлайды Qaz365.kz .
Ұлттық ұлан бас қолбасшысының орынбасарының айтуынша, Ербаян Мұхтар 2023 жылдың 4 желтоқсанында сағат 02.15-те оянып дәретханаға барған, оның құлағанын көрген куәгерлер де бар.

«Тергеу амалдары жүріп жатыр, оны ІІМ әскери-тергеу органы жүргізуде. Қазір Ербаян Мұхтарды біреу ұрды деп айту ерте. Сарбаз айығып, есін жиып келеді. Егер бұл фактілер расталса, сол кезде біз ол туралы айта аламыз», - дейді Қайрат Үмбетов.

📌Толығырақ

1.7k 0 0 8

Жаңалықтар - Qaz365.kz

20 Sep, 09:30

Аягөзде тағы бір әскери қызметкер көз жұмды

Аягөздегі 10810 әскери бөлімінде жоғарғы оқу орынын бітіріп, әскери кафедрадан кейін барған әскери қызметкер көз жұмды, деп хабарлайды Qaz365.kz.
Ол Қызылордада университетте оқып, әскери кафедраны бітірген. Запастағы лейтенант болып шыққан. Осы жылдың 7 қыркүйегінде әке-шешесі, әжесі, атасы – барлығы жолға шығарып салған. 9 қыркүйекте жұмысын бастағанын хабарлаған.
Айта кетейік, 10810 әскери бөлімі Аягөз қаласында орналасқан. Оқиғаның мән-жайы анықталып жатыр.