Сәтбаевтағы "Қазақмыс" кеншілері жалақыны көтеруді талап етіп, ереуілге шықты

Ереуілге 18 желтоқсан таңғы 7-де "Оңтүстік-Жезқазған" мен "Жыланды" кенішінің жүздеген кеншілері шықты. Олардың талабы:

🔶 Корпорацияның кейбір кеніштерін оңтайландырып, жұмыс жағдайын жақсартсын;

🔶 Гигиеналық құралдар таратып, киім кептіруге арналған шкафтар орнатсын;

🔶 Жер астында жұмыс істейтін топтың еңбек демалысын жер қазушылармен теңестірсін. Демалыс 54 күн болсын;

🔶 Автобусқа мінген сәттен бастап "Жомарт" пен "Шығыс Сарыоба" кен орындарына барар алдында жұмыс уақытын жазуды қолға алсын;

🔶 Қазір жалақы 1 миллион 200 мың теңге. Оны 100 пайызға көтерсін.

"Қазақмыс" корпорациясы кеншілерге түсіндіру жұмыстары жүргізілгенін айтты. Олардың сөзінше, 2025 жылы қаңтардан бастап орташа жалақы 822 мың теңгеге, ал жерасты жұмысшылары үшін — 1 303 000 теңгеге дейін көтеріледі, дейді.

Жұмысшылар ешқандай жиналыс болмағанын, ереуілді әрі қарай жалғастыратынын жеткізді.

t.me/stankznews