Ақ Сарбаз - Тәңір Жауынгері

ҰСТАЗДЫҢ ЕСКЕРТУІ
Ұ.: Менің артымнан осы Ілімді басқаратын сенсің. Ал, сен қарсыласқа қатал болуың керек. Уақытында шектеу бермесең олар басыңа шығады. Үйіңе кіріп алып шықпай: «мен отырамын», «жақтаймын», «анаумын-мынаумын» дейтін қылық кейбір қазақтарда бар. Кешегі исламға берілген, ислам үшін өлуге дайын болған адам, қазір Ақ Сарбаз үшін бәріне дайын боп шықса оған таң қалма. Мұның астарында шын сенім емес, екіжүзділік жатады. Ондай жанның бар мақсаты біреудің арқасына мініп көтерілу. Терлемей, тозбай Жерұйыққа жету. Сондайларға тойтарыс беруге сен дайын болуың керек.
Нағыз Эволюцияның адамдары ол – тыныш адамдар. Тып-тыныш, дыбысы шықпай, күліп қана отыратын адамдар – шын рухани даму жолындағылар. Солай.
Ш.: Сіздің Антихрист туралы әңгімеңізді жазбаға түсіру барысында ауызыма жаман дәм, мұрныма сасық иіс келіп ыңғайсыздандым. Алыста болса да Антихристің жаман энергиясы маған әсер еткенін сездім.
Ұ.: Антихрист өзін адамдар білмеген кезде емін-еркін қимылдап алаңсыз жүретін. Оған адамдардың өзін «жоқ» деп санағаны керек. Енді сен менің аузымнан Антихристі әшкерелейтін бірталай жазба шығарғаннан кейін ол сені назарына алатын болады. Ол мыңдаған шақырымда тұрып адамның санасын сырттай меңгеріп, ой-сезімін басқаруға шамасы бар. Сол себепті сен енді сақ болып жүр. Бұл қатер – барлығына да қатысты.
Ең қауіптісі Зұлымдық Күштерінің еркін орындаушы адамдар. Олар алыстан атойлап келмейді. Дәл жаныңнан байқатпай бас көтеруі мүмкін.
Ақ Сарбаз Ілімін қолдаған боп, чатқа елді ішінен ірітетін ой тастап кететіндер бар. Ол баяу жарылатын бомба секілді.
Сыртынан қарасаң сенің ойың сияқты. Бірақ түпкі бағыты басқа жақты көрсетіп тұратын ойдан абай болу керек.

ҚҰДАЙДЫҢ ЖОЛЫ
Ш.: Сіздің сұхбаттарды оқыған Жайнагүл қызыңыз:
«Осы постты үш-төрт рет оқып: «бір планетаны жаратып оны бағып-қағу қандай үлкен жауапкершілік!» деп жүрсем, одан да үлкен – Әлем жарату жауапкершілігін тіпті елестете алмадым. Құдайдың жолы неткен ауыр» деп жазыпты.
Ұ.: Міне! Түсінсін онда. Құдай болу – шарап ішіп, шалқып жату емес. Ғарыштың жұмысы өте қиын жұмыс. Ал, Құдайдың жұмысы – нағыз ауыр жұмыс. Бұл – қиынның қиыны.
Қазіргі Әлемнің Иесі – Исаның Өзі одан шаршады.
«Мен бұл жұмыстан тоздым. Сол себепті Мен сені тезірек өткізейін деп жүрмін» – деді. Оның ұмтылысы, мені тоқтаусыз тәрбиелеп, өсіріп жатқаны сондықтан.
Мен оған қарсылық айтқан жоқпын. Бірақ мен ондай өмірден шошимын. Қазір маған кішкене демалыс берілген. Үйде жатырмын. Ешқандай қиыншылық жоқ. Тфәй-тфәй, Құдай сақтасын! Бәрі ретімен өтіп жатыр. Шәкірттерге алғыс! Мені жақтап, жақсы сөздерін айтқан жандардың ниетінен көтеріліп кеттім.
Күн жылы. Қазақтың жері апаттан аман. Европада да өте жылы күндер тұр. Оларға өте жақсы, пайдалы болды. Олар Американың газын алады ғой. Ол орыстың газынан екі-үш есе қымбат. Сол себепті жылы ауа-райы Европаға үлкен көмек болды. Сөйтіп мен өз жұмысымды істеп отырмын.
Қазақтың қысы жақсы өтіп шықсын.
Былтыр еліміздегі қазақтар 18 млн тонна бидай жинап алыпты. Арпа, сұлыны қосқанда 22 млннан артық екен. Басқа елде, әсіресе Ресейде мұндай өнім болған жоқ. Көктемде үсік ұрып, су шайып, егін шықпай қалды. Қазір Ресей ашаршылықтың алдында тұр. Халықтың бәрі көріп отыр: «Құдай қазақ жерін жарылқап тұр!» – дейді. Барлық сұмдықтар басқа жерде өтуде. Қазақ жері тып-тыныш. Тфәй-тфәй, Құдай сақтасын! Тып-тыныш.
«Мемлекеттің қазақ жерін игеруге шеберлігі жетпесе де басқаруға күші жетеді екен» деген сөздерді естимін. Ештеңе емес. Қазақтың негізгі қасиеті – шыдамдылық. Шыдау керек. Барлығы өз ретімен өзгеріліп кетеді.
Бәрін-бәрін ұстап тұрған – Ғарыш Толқыны. Жер дүниедегінің бәрін өзгертіп жатқан – Ғарыш Толқыны. Бұл – Ғарыштың Мақсаты, Жоспары.
Ғарыштың Жоспары қандай болса да орындалады. Қалай болса да!
Тіпті әлем халқының оннан тоғызы қырылса да Ғарыш Жоспары сөзсіз орындалады.

ИСА
Ш.: Айтпақшы мен Шринагар қаласындағы Исаның зираты туралы бейнесюжеттерді қарап едім. Онда мынадай мәлімет бар екен. «Иса Голгофтағы өлімі мен қайта тірілген оқиғасынан кейін ол жақтан кетіп осы жерге келіп тұрып, әбден қартайып барып қайтыс болыпты. Үйленген, балалары қалған. Қазіргі қабірге қызмет көрсететін адам сол ұрпақтарының бірі екен-мыс» дейді.
Ұ.: Ол мүмкін. Ватикан оны да жасырады. Егер Иса өлмесе, христиан діні өледі. Иса өлді, христиан діні пайда болды. Ал, Иса өлмесе онда христиан діні, ондағы аңыздардың бәрі де өтірік боп шығады. Католик дінбасылары осыдан жаман қорқады. Сол себепті осы күнге дейін жасырынды.
Бірақ ғалымдар: «енді шындықты айту керек» дейді. Адамдарға ертек айтуды тоқтату керек. Бұл сәбиді: «сені капустадан тауып алдық» деп алдаусыратқанмен бірдей ғой.
Шындықты айту керек. Әйтпесе сұмдық болады. Адамның сезімдері бұзылады. Адамзаттың сезімі енді шындықты қабылдауға дайын.
Ватиканда осындай шу боп жатыр. Ақырғы Папа ол – Ватиканның қысымын көрмеген, Аргентинадан келген қарапайым адам. Сол жерде кішкене шіркеудің діндәрі болған екен.
Ол енді келген жаңа білімдерді зерттеп, христиан дінін өзгертіп жатыр. Оның: «Барлық діндер – Құдайдан келген!» дегені сұмдық жаңалық болды. Егер елу жыл бұрын айтса оны сол жерде өлтіретін еді.
Өмір өзгерілді. Жаңа цивилизация келді. Оның бәрін де қопарып, бұзып жатқан – жаңа цивилизацияның әсері.
Жаңа өркениет келгеннен кейін олардың барлық тіректері бұзылды. Енді оларға текке тыраштанудың керегі не? Өтірікті шындық қылып бояп көрсетеудің не қажеті бар?
Жаңа цивилизация келді. Оның шарттарына көнуің керек. Әйтпесе өлесің. Бітті сонымен. Сол себепті сұмдық өзгеріс болып жатыр.
Қазір оның айтқан сөздері бұрын тіпті христиандықтардың сезіміне де кірмейтін. «Христиандықтарды өлімнен құтқаратын жалғыз Исаның діні және Иса. Исаға сенгісі келмеген адамдар Тозақтан құтылмайды» деп келді ғой.
Енді Тозақ жоқ екен. Исламистер үшін де бұл сұмдық жаңалық болды.
Тозақ жоқ! Тозақ жоқ болғаннан кейін Жұмақ та жоқ екен. Әр мұсылманға арналған хор қыздары да ғайып болды. Жарайды енді, зәмзәм суы, алма бақтарын қоя тұр. Анау 40 қыздың бұйырмайтыны қиын болды оларға.
Бәрі де біздің жерімізге ұқсас, біздің өмірімізге теңдес екен. Апаттан қайтыс болған адам алғашқыда басқа дүниеге өтіп кеткенін сезбейді. Өйткені біздің мына дүниеміз астрал дүниесіне өте ұқсас қылып жасалған. Ол өзінің өлі физикалық денесін сыртынан көргеннен соң барып түсінеді. Және мұны киіп жүрген скафандрын шешіп тастағандай қабылдайды.
Сөйтіп біз ақырындап-ақырындап адамның сезімін ағартуымыз керек. Еш асығудың қажеті жоқ. Еш өкінудің керегі жоқ. Отыз жыл шыдадық, ештеңе емес. Мінекей, ақырын-ақырын мемлекет басын бұрып жатыр.
Қазір көшеде хиджап киген әйелді көлік келіп ұстап алып кететін болыпты дейді Алматыда.
Ешкімді сотқа бермей, митинг жасамай, тып-тыныш өзіміздің алма бағымызды өсіріп, Тәңір дінінің ағашын саялап, жемісін жеп отырмыз.
Осыдан отыз жыл бұрын отырғызылған сол ағаштың жемісі қазір барлық діндер мен ұлттарға пайдалы боп жатыр.

ИСА
Ш.: Аға, Иса Иерусалимнен 12 жасында жоғалып кетті дейміз ғой. Сонда ол жалғыз емес, шешесімен бірге кетеді ғой иә?
Ұ.: Иә.
Ш.: Отырарға келгенде де анасы екеуі, барлық жерде сол анасы екеуі жүрген болар?
Ұ.: Иә. Анасы оны тастаған жоқ. Оның әкесі Жүсіп үйінен қозғалуға шамасы жоқ өте кәрі адам еді. Мәриямнан кемінде 30-40 жасқа үлкен болған ғой сонда. Баласы сапарға шыққанда анасы оны қайтып жалғыз жіберсін. Баласына ілесіп екеуі кетті. Иса жоқ болған кезеңде 18 жыл бойы Иерусалимде Мариям туралы да еш дерек жоқ.
Алайда Тибет кітапханаларында 18 жыл Исаның өмірі жазылған тақтайшалар сақтаулы тұр. Олар оны сенімді адамдарына зерттеуге береді. Оның көшірмелері Ватиканда жатыр. Оны елге жариялауға қорқады. Христиан зерттеушілері Исаны «жоқ болып кетті» десе де оның жолы қалды. Бір жолы Отырарда ашылды. Ол Сақ Құранында жазылған. Қалған ғұмырының бәрі де Тибет жазбаларында бар. Оны Сент-Илер деген адам зерттеген. Иса туралы бір дерек Иранда сақталған. Аяғында ол Индияның Шринагар қаласынан шықты. Иса сол елдегі үнді махатмаларымен қосылып, тәлім алып, үлкен білімге ие болған.
Индияға грек философы Платон да барған. Платон Мысырда, Вавилонда оқыған. Содан кейін 20 жыл Үндістанда болды. Сөйтіп сексен жасында белгілі ғалым болып еліне оралды.
Бәрі Индияға тіреледі. Өркениетті басқаратын орын сол Үндістанда тұр.
Ш.: Шамбала ма?
Ұ.: Иә. Шамбала.
Ш.: Қазақ: «Исаны – әкесіз туған. Нұрдан пайда болған» деп аңыз қылады ғой. Бірақ Киелі Кітапта оның әкесі Жүсіп екені айтылған.
Ұ.: Аңыз айтыла береді. Оның генетикалық әкесі бары – шындық.
Ш.: Әкесіз дүниеге келу мүмкін емес қой?
Ұ.: Мүмкін. Генетикалық өзгеріс арқылы. Хайуанаттарда ондай құбылыс болады. Партеногенез дейді оны. Кесірткелердің арасында еркек жоқ болса, сондағы кесірткелердің біреуі өзгеріп еркекке айналады да ұрық беруге шамасы болады. Биологияда мұндай заңдылық бар. Оны ғалымдар әбден зерттеп тастаған. Оны қозғаудың керегі жоқ.
Ш.: Ал, енді Аға, Исаның 12 шәкірті Ол Индияда жүргенде пайда болды ма?
Ұ.: Жоқ. Олардың бәрі де сол жердің тұрғындары. Нағыз белгілі шәкірті Матфей бұрын салық инспекторы болатын.
Ш.: Иерусалимде ме?
Ұ.: Иерусалимде. Тұрғындардан мемлекет салығын жинайтын. Қанышер адам болатын. Ақша төлей алмаған жесір әйелді шырылдатып жалғыз бұзауын жетектеп кететін. Сол Матфей Исаның қолы тигеннен кейін өзгеріп, мамандығын тастап, Оның артынан ерді.
Сол жердегі бірнеше балықшылар мен қарапайым адамдар шәкірт боп қосылды. Лука ол еврей емес жалғыз грек шәкірті болды. Лука – емші болған. Олардың бәрі де Иерусалимнің тұрғындары.
Ш.: Сонда Иса 30 жаста Иерусалимге қайтып келгенде 3 жылдың ішінде айналасына осынша шәкірт жиналған ба?
Ұ.: Иә. Олар туралы «Апостолдардың істері» деген кітапта барлығы анықтап жазылған. Бәрі де өз аяқтарымен келіп шәкірт боп қалды. Біреуі де Индиядан келген жоқ.
(Жалғасы бар...)

ҒАРЫШ МЕКТЕБІНІҢ ДАЙЫНДЫҚ СЫНЫБЫ
Ш.: Қазір аккаунттарды бұзатын хакерлер көбейуде. Олар адамы көп аккаунттарды бұзып, иесінен тартып алып басқаларға сатып жіберуге тырысады екен. Біздің каналға мұндай қауіп жоқ па?
Ұ.: Жоқ. Біздің каналда Жанаттың каналы секілді көп адам жоқ қой. Барлығы бес мың, чаттағы екі мың адамды көп деуге болмайды. Біздің жақсы жеріміз, біз – азбыз. Біз санмен емес, сапамен күштіміз.
Мен аз екенімізге өкінбеймін. Мұндағы оқырмандардың түгелге жуығы сезімі ашылған адамдар. Сезімі ашылып, көзқарасы өзгеріп, басқаларға жаңа түсінікпен қарап тұрады.
Ш.: Не болса соны сұрайтындар бар: «Тәңіршіл болып намаз оқуға бола ма?» деп догмалық көзқарастан арыла алмай жүргендер кездесіп қалады.
Ұ.: Ондайларға айту керек: «Бұл – рухани канал. Біздің чатымыз – Ғарыш Мектебінің бір бөлмесі. Чатта отырған адамдар – Ғарыш Мектебінің оқушылары. Дайындық және бастауыш кластарға өтуге үйренушілер.
Сол себепті мектепте қасқырлар, сұмдықтар, салдақылар, жемқорлар туралы бос әңгімені өрбітудің қажеті жоқ.
Міне осылай жауап бер. Чаттағылардың деңгейлері түрлі-түрлі болса да бәрі де Ғарыш Мектебінің оқушылары!
Мен – ол Мектептің Мұғалімімін. Сен, Нұрсәуле – менің көмекшілерімсіңдер. Сол мектептің жұмыскерісіңдер.
БІЗДІҢ ЧАТЫМЫЗ – ҒАРЫШ МЕКТЕБІНІҢ БІР БӨЛМЕСІ.
Ш.: Тамаша! Ғалым адамдар Сіздің айтқандарыңызды зерттеп, дұрыстығына көзі жеткен соң барып бағалайды. Жай халық жүрекпен сеніп, бағалайды. Сіз «католиктер» туралы сұхбатыңызда Европалықтардың универсалды христиан дінін шығармақшы боп жүргені туралы айтып едіңіз. Бұл транссексуал, ауытқығандарға да ортақ дін бе сонда қалай?
Ұ.: Иә. Бұл – христианның тірегін қопарып, бұзу. Қандай да бір мықты құрылысты бұзу үшін универсалды нәрсе ойлап шығару керек. Орыстар: «универсалды нәрсе – сапаның жауы» дейді. Бірақ олардың жолы қысқа. Ол қозғалыстың артында ешқандай рухани күш жоқ.

ЭВОЛЮЦИЯҒА ҚАРСЫ ШЫҚСАҢ – ӨЛЕСІҢ
Ш.: Адамдардың санасы исламмен уланып қалған ғой. Исламның тар түсініктері мен қағидалары әбден миларына сіңіп кеткен. Тәңіршілдік дегеннен қорқады.
Ұ.: Ресейде үлкен соғыс өтуде. Ол жердегі ислам да қозғалып, көтеріліп жатыр. Біздің шекарамызда Қытай ұйғырлары көтерілуде. Ал, қырғыз, өзбек елдерінде исламға қарсы күрес сұмдық боп жатыр. Арғы жағында ауған жері тұр. Ауғандар Амударияның суын бұрғалы әрекеттенуде. Егер олар Амударияның суын өз жерлеріне бұрып жіберсе өзбектер сусыз қалады. Ондағы үлкен-үлкен егістік жерлер кеуіп, ашаршылыққа ұрынады. Бұл өзбектерді әбден қорқытуда. Оларға бір жақсы жері Ауғандықтар Пәкістанмен соғыс бастады. Ауғанды басқаратын пуштундардың жартысы Ауғанстанда, жартысы Пәкістанда тұрады. Олар өздерінің екі мемлекетте тұрғандарын сезбейді. Олардың сезімінде өздерін «Пуштунстанда тұрамыз» деп есептейді.
Пәкістандықтар пуштундарды қысымға алды. Ауғандар өз бауырларын ойлап, енді бастарын соған бұрғаны өзбектерге жақсы болды.
Біздер үлкен-үлкен өзгерістердің алдында тұрмыз. Қазір оны анықтауға маған рұқсат жоқ. Тыныш отыру керек.
Сенің жазған посттарың өте жақсы, өте күшті. 2025 жылдың барлық программасы осы жерде жазылған. Ақырын бағып тыныш отыруымыз керек.
Ш.: Сіздің сұхбаттарды ағылшын тіліне аударып, жай халыққа да жеткізетін адам болса ғой деп ойлаймын. Өйткені үлкен орындағы адамдар мұның бәрін білгенімен халыққа айтпайды ғой.
Ұ.: Иә. Олар айтпайды.
Ш.: Миллиондаған халық мұны білмей отыр.
Ұ.: Барлаушылардың бәрі біледі. Біріншіден Американың, Ресейдің, Қытайдың барлаушылары барлық жарияланған жазбаларды, сол сағатында қолма-қол өз тіліне аудартып, зерттеуге тапсырады. Олар: «ана жақтан не хабар бар екен?» деп оқиды.
Ал, қарапайым адамдар үшін ағылшынша аударып шығаруға болады. Мен оған қарсы емеспін.
Бірақ, мен білемін. Менің айтқан барлық сөздерім үлкен бастықтар тарапынан шешімін тауып жатыр. Украиндықтар соғыс туралы ашықтан-ашық айтады. Мәскеу оқиғасы қайталанды. Путин Киевте парад қабылдау үшін оққағарларына жаңа форма тіктіріп берді.
Екіншіден Сталинград шайқасы қайталанды. Басып алған Херсонда қоршауға түсіп, орыстардың өздері қашты. Енді Курск-Белгород доғасы болып жатыр дейді. Басқа жерде украиндықтар жеңіліп жатыр. Ал, менің таңдаған жерімде Курскден шабуыл бастап еді, үлкен жеңіске жетті. Енді орыстардың жеңістері Курскідегі шабуыл нәтижесінде Украинанікі болатын болды.
Мұны тіпті олардың президентіне дейін айтып жатыр: «Путин таққа отыруды Курскіден бастады» дейді. «Курск» атом сүңгуір кемесі су түбіне кетіп, жүздеген экипаж мүшесі қаза тапты ғой.
Енді қазіргі Курскінің не болатыны айтпаса да түсінікті. Олар спиралдың қандай екенін біліп алды. Сол Курскімен енді бәрі бітеді. Анау – атом сүңгуір қайығы, мынау – Курск ауданы. Путиннің 25 жылдық патшалық дәурені осымен аяқталады.
Ғарыш Заңдарын қазір бәрі біліп алған. Менің кітаптарымнан, жазбалар мен сұхбаттардан бәрі де хабардар екен. Қазіргі үлкен өзгерістер соның арқасында болып жатыр.
Бұл – Ғарыштың Заңы. Менің оған ешқандай қосылысым жоқ. Ғарыштың Күші, Ғарыштың Толқыны. Бәрінен де дұрысы – Эволюцияның Жолы.
Эволюция жолымен жүрген мемлекеттер дамиды.
Эволюцияға қарсы шығушылар – кім болса да, қандай алып болса да, орыстардан бастап, – өледі. Бітті сонымен!
Бірінші орекең кетеді. Екіншісін мен білмеймін... Сөзсіз, кім қарсы шығады, сол – өледі. Бітті.

ҒАРЫШТЫҢ ШЕШІМІ
Ш.: Назкен есімді оқырман:
«2025 жыл апаттармен басталды: Калифорнияда өрт, Тибетте жер сілкіну, Мекке мен Мединеде топан-су... Сандуғаш ананың қатал мінезі осындай» деп жазыпты чатта.
Ұ.: Иә. Түсінікті. Бұл басы ғана. Ол қаһарына мінген жоқ әлі. Табиғаттың бұл зауалына көну керек. Көнгенде жазаланған елдер көнуі керек. Не үшін жазаланып жатыр?
Не үшін исламды қиратып жатыр? Не үшін Қытайды қиратып жатыр? Не үшін Америка жанып жатыр? Калифорнияда өте бай адамдардың үйлері жанып жатыр сонда. Отыз шақты адам қайтыс болды. Миллиондаған доллар тұратын өте қымбат үйлер, коттедждер өртеніп жатыр шетінен.
Бұл – табиғаттың құбылысы. Түсіну керек. Қазір қайтадан Иеллоустоун оянуда. Трамп қисық әрекет жасаса – не Калифорния жанады, не Иеллоустоун көтеріледі.
Ш.: Мұның бәрі оларға ескерту екен ғой?
Ұ.: Иә. Дамыған адамдар мұны түсінді. Әсіресе сен соңғы шығарған жазбаларда көп ақпараттар бар. Христиандар мен мұсылмандар енді ойлансын. Сезімді аударатын өте қиын жаңалықтар айтылды.
Мен өз міндетімді орындадым. Керек уақытта көмектестім. Қанша жыл болды, оны әңгіме қылған емеспін. Бірақ Ғарыштың өз заңдылықтары бар.
Ақ Сарбаз Іліміне Түркістанда тиым салғанына мен қатты реніштімін. Олар енді үлкен жазасын тартады. Үкіметтен шара қолданылмаса, Түркістанға қиын болады.
Ата Заңымен, мектеп басшылығының бәрін шырылдатып жұмыстан шығару керек!
Анау «Өзін-өзі тану» деген пән болды ғой. Ол үшін ешкім жазаға тартылған жоқ. Қанша баланың сезімін бұзды. Порфирий Ивановтың сұмдығын кіргізген кезде жетімдер үйіне күшпен жасататын. Жетім балалар қыста далаға шығып үстеріне мұздай су құятын. Қанша бала суық тиіп ауырғаны, өлгені белгісіз. Бишара жетім балалар қайтып қарсылассын? Аязда, әсіресе солтүстік өңірлерде далаға жалаңаш шығарып үстеріне суық су құяды. Ол үшін ешкім жазаға тартылған жоқ.
Сара Алпысқызы шет елге қанша қазақтың баласын сатып жіберді? Асырауға емес, ішкі мүшелерін алуға!
Ал, енді біздің ұлттық дәстүрімізді таратуға тыйым салып жатыр! Бұл – үлкен қателік. Бұл біздің мемлекетімізге өте қиын қара таңба.
Тәңір дініне кім қарсы шықса, сол – өледі. Кім болса да, сөзсіз өледі. Бұл – Эволюцияның Заңы. Эволюцияға қарсы шығу, ол – өлім. Кім болсаң да. Бітті сонымен.
Сөйтіп мен оған онша уайымдағаным жоқ. Олардың обалдары өздеріне.
Қасиетті Түркістан жерінде өзіміздің дәстүрімізге қарсы шыққанына мен таң қалдым. Мемлекет те үндемей отыр. Жарайды, онда обалы өздеріне. Солай.

ИСА ТУРАЛЫ ҚҰПИЯ
Ұ.: Иса Гималайда білім алып, 30 жасқа толғанда Ғарышты сақтап, құрбан болу үшін қайтадан Иерусалимге оралды. Сонда христиан жазбаларында оның 12 жастан 30 жасқа дейінгі өмірі туралы еш дерек жоқ. Алайда жоғалған 18 жыл бойғы іс-қимылы Тибет жазбаларында сақталған.
Өтіп бара жатқанда екі жыл біздің Отырарда тұрған екен. Ол бұл жерде ағаш шебері болған. Отырардың халқына есіктер, үстел-орындықтар жасап күнкөрісін айырған. Осы жердің халқының салт-дәстүр, мінез-құлқын зерттеген. Одан кейін Гималайдағы Шамбалаға барып рухани білім алды. Иерусалимге оралғанда білім-тәжірибесі толысып, қасиет көздері ашылған жан болды. Сақ Құранында осының бәрі ашықтан-ашық жазылған.
Осыны ашқан Әлімқұл атамыз аяқ астынан қайтыс болды. Дені сап-сау болатын. Кітабының қайда қалғаны белгісіз.
Бұл туралы кітаптардың бір жазбасы Эрмитажда жатыр. Оны Әлімқұл атамыз арнайы барып зерттеген. Екінші кітап Американың үлкен кітапханасында сақтаулы. Сөйтіп Сақ Құраны жазбасы қалай болса да жойылмайды. Исламистер оны жоюға қанша тырысса да енді күштері жетпейді.
Осындай қызық оқиғалар өтіпті. Иса мен Мәриям Ананың қазақ жерімен, түріктермен кармалық қатынасы бар. Исаның анасы Мариям Түрік елінің қызы болды. Оның Ұлы Иса анасының жолымен нағашыларына келіп, соңынан Индияға дейін жетті. Ол туралы жазбалар бар. Құпия боп жатса да ғалымдар бәрін де біледі. Исаның өмірінің 18 жылы сол жерде өтті. Ол тибет тақтайшаларында жазылған дедік.
Ол жазбалардың бір шетін монахтар Европа ғалымдарына берді. Бірақ түгел берген жоқ. Өйткені европа ғалымының аударған Иса туралы жазбаларын Ватикан сатып алып жауып тастады. Олардың бәрі Римде жатыр. Христиан дінбасылары қорқады. Егер Исаның өмірі туралы шындық түгел жарияланса, онда дінбасылар шығарған ертегілердің бәрі бұзылады.
Ертегі бұзылса біріншіден не құлайды? Ақша құлайды. Жер дүниедегі халықтың Рим папасына бағынатын бір миллиарды католиктер ғой. Қалған 400 миллионы православ, протестант христиандықтар. Халықтың санасында төңкеріс болады деп олар жарияламай жатыр.
Бірақ Алтыншы Сатының келуімен барлық құпия ашылуы керек. Ежелгі тарих пен дамудың қалай өткенінің бар жұмбағы жария болуы керек. Әйтпесе, біріншіден жер дүниеде Алтыншы Сатының тууы қиын болады. Екіншіден қантөгіспен болады.
Алтыншы Саты сөзсіз келеді. Оны Ғарыш бақылап отыр. Бірақ адамзаттың ішінде қарсылық танытқандарға тастай тиеді. Олар сақ болсын!
Ең жақсысы бейтарап қалу. Көмек те берме, қарсы да келме! Шетте тұра бер. Алтыншы өркениет келеді. Сендерді үйретеді. Көздеріңді ашады. Жарылқайды.
Қарсы шықсаң – өлесің. Көмектессең, мүмкін көмегің зиян боп тиуі. Ондай кезде сөзбен, оймен жақтауға болады. Бірақ машиналарын, зауыттарын әкеліп Алтыншы Сатының жеріне бір көмек жасаймын деуден екі жаққа да еш пайда болмайды.

АҚ САРБАЗДЫҢ ЖҰМЫСЫ
Ұ.: Қазақтар маңдайдан ұрғандай қылып тіке әңгімелегенді онша қаламайды. Астарлап, мысалмен сөйлегенді сүйеді. Айтылып жатқан әңгіменің байыбына барып, көңілмен қорытындылап, соған сай өз шешімін шығарады.
Бұл сұхбаттарды оқыған оқырман да өзі ойлап, анализ жасап, бір шешімге келсін.
Ш.: Аға, Сіздің осыдан 22 жыл бұрынғы бейнесұхбатыңызда: «Қазір Ментал дүниесі төменнен Бесінші Сатысына дейін қазақ дүниетанымымен, қазақ мәдениеті, қазақ тұрмысымен толып модель боп тұр. Қазақтың ән-күйі, қазақтың ойындары, қазақтың қолөнері, қазақтың тағамдары...
Астрал дүниесі де сондай. Жоғарыдан төмен қарай түсе береді ғой.
Ментал дүниесі осындай болғандықтан халықтардың көбісі амалсыздан ба, әлде құмарланып, рахаттанып па түбінде қазақтың тіліне, қазақтың мәдениетіне сөзсіз көшеді» (03.11.2002ж.) деп айтқаныңыз бар ғой.
Қазір әлеуметтік желіні ашып қалсаңыз (тик-ток болсын, инстаграмм болсын) комментариийлердің бәрі түрлі ұлт өкілдерінің қазақтың әнін, домбырасын, мәдениетін мақтап, тамсанған жазбаларға толы. Тек мақтап қана қоймай қазақ болғысы келіп домбыра үйреніп, қазақ тілін үйреніп, киіз үйде тұруды сүйетін европалықтар көбейуде.
Осылардың бәрі Сіздің жұмысыңыздың көрінгені, мойындалғаны ғой?
Ұ.: Иә.
Ш.: Одан кейін: «Неге біз бұрын бұндай мықты ән салатын халықты байқамағанбыз?» деп жазыпты бір өзге ұлт өкілі. Ол кезде Сіздің жұмысыңыз әлі басталмады ғой. Планета тұрғындарының көздері жаңа-жаңа ашылып жатыр. Сіз кезінде:
«Қазір Қазыбек би, Төле би, Абылай хан, Дәулеткерей, Құрманғазы, соқыр Есжан, Біржан сал, Ақан сері бәрі де Жер дүниеде. Олар өскеннен кейін қабылет-дарындары модульден шығады.
...Осы ғасырда енді Қазақ мәдениетінің көтерілуі болады. Көтерілгенде төбеге шейін көтеріледі. Бар жер дүние соған бағынады. Соған құмар болады – қазақтың әндері мен күйлеріне» (02.10.2005ж.) деп айтып едіңіз.
Сіздің жиырма жыл бұрынғы айтқан сөзіңіздің дәлелі қазір барлық жерден байқалып, көрініп тұр.
Ұ.: Иә, иә.
Ш.: Сөйтіп еңбегіңіздің жемісі көрініп жатыр екен.
Ұ.: Бұл – өте жақсы, өте қуанышты хабар. Мен оны білетінмін, Бірақ уақыты келмеді. Қазақтың оянғанын күту керек болды. Енді қазір Алтыншы Цивилизацияның таңы атып келеді. Батыс цивилизациясының күні батып бара жатса, жаңа өркениеттің күні жаңа шыққалы жатыр. Қазақ туған баласына тегіннен-тегін «Таңатар» деп ат қоймайды ғой. Таңатар, Таңатқандар қазір көптеп туып жатыр.

БІЗДІҢ БАУЫРЛАР
Ш.: Американың Навахо үндістерінің қазақтармен туыстығын зерттейтін экспедиция шыққан екен. Үндістерден ДНК сараптамасын алыпты.
Ұ.: Өте дұрыс. Генетикалық қорытынды жасау керек. Олар 99 пайыз ұқсас болуы мүмкін. Жапондықтар бізге 97 пайыз сәйкес келсе, үндістер 99 пайыз. Олар бізге өте жақын адамдар. Олардың ауылда ойнаған балаларын көргенімде біздің ауылдың балаларының ойнағаны көз алдыма келді. Ойындарының еш айырмасы жоқ. Қазақтың баласы киіз үй ішінде қалай ойнаса, олардың балалары вигвамдарында дәл солай ойнайды екен. Түрлері де қазақ сияқты.
Бірақ олар екі мың жыл бұрын көшіп кеткен рулар. Ол заманда Беринг бұғазы көпір болып Америка құрлығымен қосылып жатты.
Ш.: Сонда Беринг көпірі арқылы жаяу өтіп кеткен бе?
Ұ.: Иә. Олар өткенде дүниесімен өтіп кетті. Бірақ төрт түлік малы өткен жоқ ол жаққа. Қой, сиыр жылқыны Америка континентіне европалықтар алып келді.
Үндістердің азығы бизондар еді. Сол жабайы бизондарды азық қылды. Егін егіп, жер жыртпады. Жер жыртуға тыйым салынған оларда. Табиғатпен үйлесімде өмір сүретін. Ешқашанда өзара соғыс болған жоқ.
Әйелдер үшін төбелес болатын. «Өз тайпасынан әйел алуға тыйым салатын» дәл біздікі сияқты заңы болды. Қалыңдықты өзге тайпадан ұрлап әкелгенде аздап жанжал болады. Бірақ бірігіп құн төлеп мәмлеге келетін. Олар осылай ақ нәсілді адам келгенше мыңдаған жыл өмір сүрді. Қазақтың әдеттері ғана емес тілдерінде де түрік сөздері сақталған.
«Ата, ене, апа, үй, су, жер, күн, іш, қайық, балдыз» т.б. көптеген ұқсас сөздері бар. Сөйтіп біздің туыстарымыз табылып жатыр.
Кезіндегі Англия патшалары сақтар болған екен деген мәлімет шығып жатыр. Кең даладан келген біздің ата-бабаларымыз Европаны жаулап, Ла-манш бұғазынан өтіп, Англияны басып алыпты. Британияның бритт атаулы ежелгі тұрғындары жойылды. Қазіргі тұрғындары англо-сақстар. Шотландтың бірнеше рулары дәп қазақтың рулары екен. Осындай жақсы жаңалықтар бар.
Ш.: Сіздің сұхбаттарыңызды күн сайын оқып, санасында төңкеріс болып догмалық түсініктерден арылып жатқан оқырмандар көп. Бесінші Сатының тәнге басымдық беретін комфортына әбден бой үйретіп алғандар үшін, Жерұйықтағы көшпенді өмір – орта ғасырға қайтып оралғандай көрініп, дау айтатындар да табылып қалады.
Ұ.: Түсінікті. Әркім өз өлшемімен өлшейді ғой. Жерұйықтағы өркениет ол бізден рухани биіктігімен ерекшеленеді. Тұрмыстары сырттай бізге ұқсайтын шығар. Киіз үйлері, жылқы-түйе, қойлары бар. Бірақ ол – рухани биік, Алтыншы Сатының цивилизациясы. Топырақ Дүниедегі ақырғы өркениет. Адамзаттың өмірі сонымен бітеді.
Бәрі де көлденең дүниеге кетеді. Енді көшпенді қазақ өркениетіне Гиперкеңістікке дейін жол ашық. Басқа елдерге бұл екіталай.
Біз шақырған елдер бар. Оның тізімін мен айтып бердім. Үнділер, солтүстік Түріктер, Зеландия, Австралияның қойшылары, Кечуа, Аймара үндістері. Солай.