Періште
(М.Ю. Лермонтовтан)

Түн жарымда Періште ұшып келеді
Көмейінен сырлы бір ән төгеді.

Ай мен жұлдыз ізінде жүр үздігіп
Әуенге елтіп, тамшыларын үзді бұлт.

Сол әнінен төгілдіріп ырғақ мың,
Мадақтап жүр тұрғындарын ұжмақтың.

Мың құбылып ұлықтайды Құдайды
Айтқан сайын әуен көпке ұнайды.

Бір жас рухты құшағында тербейді
Мына әлемге ол келгісі келмейді.

Нұрлы әуенді сақтап алып есіне,
Рух амалсыз түсті қапас тезіне.

Іш құса боп қиналды рух жалғанда
Елтіп жаны ғажайып бір арманға.

Жалықтырмас сол бір үнге көктегі
Жербетіндік ешбір әуен жетпеді.

Аударған Ләйлі Құндақбай

https://t.me/Soz_sinergiasy