Қазақстан Республикасы Судьялар Одағының Абай облысы бойынша филиалының отырысы өтті

🔹Абай облысында Қазақстан Республикасы Судьялар одағының облыс бойынша филиалының кезекті отырысын Судьялар одағы филиалының төрағасы Н. З. Хасенбаев өткізді.

🔹Күн тәртібінде – Қазақстан Республикасы Судьялар одағының облыстық филиалының хатшысын сайлау; Судьялар одағының облыстық филиалының мүшелері бойынша міндеттерді бөлу. Іс-шараға судьялар одағы филиалының мүшелері қатысты. Күн тәртібіне сәйкес, ҚР Судьялар Одағының Абай облысы бойынша облыстық филиалының хатшысы болып Семей қалалық сотының судьясы А.С. Жармұхаметова көпшілік дауыспен сайланды.

🔹Күн тәртібіндегі екінші мәселе бойынша төраға Судьялар одағының облыстық филиалының мүшелері атқаратын міндеттерді бөлді. Іс қағаздарын жүргізуден, жұмыс жоспарларын орындаудан және бақылаудан басқа, филиал мүшелері жыл сайын жарыстар мен спартакиадалар өткізеді, ғылыми конференциялар мен семинарларға қатысады.

🔹Жиналыс соңында ҚР Судьялар одағының облыстық филиалының жұмысы бойынша алдағы жоспарлар белгіленді.

https://t.me/abaisottary