Aikyn.kz

8 наурыз мерекесіне орай әйелдерге біржолғы әлеуметтік төлем беріледі

Толығырақ мына сілтемеде

@aikyngazeti

Қайырымдылыққа жиналған қомақты қаржыны жымқырды деп айыпталған Перизат Қайраттың «Biz Birgemiz Qazaqstan 2030» қоғамдық бірлестігі жабылады. Бұл туралы ҚР Әділет министрлігі мәлімдеді, - деп хабарлайды Aikyn.kz.

Министрліктің ресми мәліметіне сүйенсек, «Biz Birgemiz Qazaqstan 2030» қоғамдық бірлестігі 2021 жылы 11 қазанда Астана қаласындағы әділет департаментінде тіркелген.

- 2025 жылдың 14 ақпанында Астана қаласының мамандандырылған ауданаралық экономикалық сотына жоғарыда аталған ұйымның мемлекеттік тіркеуін жарамсыз деп танып, мәжбүрлеп таратуды көздейтін талап-арыз берілді.

Сот талабын беруге Қаржылық мониторинг агенттігінің «Biz Birgemiz Qazaqstan 2030» қоғамдық бірлестігін тіркеуді жою рәсіміне бастамашылық жасау туралы хаты негіз болды. Себебі бірлестік құру кезінде жойылмайтын сипаттағы, яғни сот шешімі бойынша заңды тұлғаны таратуға негіз болатын заңнамалық бұзушылықтарға жол берілген, - деп мәлімдеді Әділет министрлігінің баспасөз қызметі.

Жүргізушілерге ыңғайлы болу үшін 073/е нысанындағы медициналық анықтама енді eGov Mobile мобильді қосымшасында қолжетімді, – деп хабарлайды Aikyn.kz

Бұған дейін бұл қызметті eGov.kz порталында рәсімдеуге болатын және ол іске қосылғаннан бері қазақстандықтар 7 мыңнан астам анықтама рәсімдеді.

073/е нысанындағы медициналық анықтама – көлік құралын басқаруға қарсы көрсетілімдердің жоқтығын растайтын барлық жүргізушілер үшін міндетті құжат.

Бұрын азаматтар анықтаманы тек қағаз түрінде, терапевт, психиатр-нарколог, офтальмолог және отоларинголог мамандарынан медициналық тексеруден өткеннен кейін ғана ала алатын. eGov.kz порталында қызмет іске қосылғаннан кейін бұл процесс айтарлықтай жеңілдеді – пайдаланушылар медициналық тексеруден өтіп, электронды үкімет порталында өтінім берген соң анықтаманы электронды форматта рәсімдей алатын болды. Енді құжатты алу одан да оңай – eGov Mobile мобильді қосымшасын пайдалану жеткілікті.

Қызметті пайдалану үшін:

- eGov Mobile қосымшасында авторизациядан өту қажет;

- «Қызметтер» – «Денсаулық сақтау» бөлімін таңдау керек;

- «№ 073/е нысан бойынша медициналық анықтама беру» қызметін таңдау қажет;

- өтінімге Face ID/Touch ID арқылы қол қою қажет.

Өтінім жіберілгеннен кейін анықтама пайдаланушының Жеке кабинетінің тарихында PDF форматында қолжетімді болады. Құжат оны алған сәттен бастап бір жыл ішінде жарамды.

@aikyngazeti

Демографиялық есептерге негізделген халық санының өсімі ескеріле келе Мемлекет басшысының тапсырмасы бойынша Астанада өткен жылы перинаталды орталық салу жобасын жүзеге асыру басталды. Құрылысты «Самұрық-Қазына» АҚ қаржыландырады, - деп хабарлайды Aikyn.kz

«Бүгінде «Самұрық-Қазына» қоры есебінен Сарыарқа ауданында перинаталдық орталықтың құрылысы жүргізілуде, нысанды 2027 жылы пайдалануға беру жоспарланған. Қала әкімдігі денсаулық сақтау нысандарының құрылысына жеке инвестициялар тарту бойынша белсенді жұмыс жүргізуде. Биыл екі толыққанды жеке клиника (Нұрлыжол және Хусейн Бен Талал теміржол вокзалдарының ауданында) пайдалануға беріледі. Ал алдағы үш жылда инвесторлар есебінен тағы екі емхана салынады», – дейді Астана әкімдігі өкілі

Сондай-ақ ол елордадағы ауруханалар мен емханалардың материалдық-техникалық базасын жақсарту туралы айтты. Осылайша, 2024 жылы қаладағы медициналық ұйымдарға 435 бірлік медициналық жабдықтар сатып алынды. Биыл қаладағы ауруханалар мен емханалар үшін 336 бірлік медициналық жабдық сатып алу жоспарланып отыр.

@aikyngazeti

▪️ Ораза ұстауға дайындық туралы жеті кеңес

▪️2-17 жастағы балалар мен жасөспірімдерге тегін ұшуға мүмкіндік беретін бағдарлама қалай жүзеге асып жатыр?

@aikyngazeti

Қазақстандағы алғашқы АЭС қай жерге салынатыны белгілі болды.

Үкімет басшысының тиісті қаулыcы ресми түрде күшіне енді.

Толығырақ мына сілтемеде

@aikyngazeti

«Заң және Тәртіп» қағидатын іске асыру және қолданыстағы заңнаманың орындалуын қамтамасыз ету аясында Бас прокуратура алимент бойынша қарызды өндіріп алу жұмысының қорытындыларын шығарды.

Қадағалау органының басшысы Берік Асылов келесідей атап өтті: «ЮНИСЕФ-тің отбасы-неке саласындағы зерттеулеріне сәйкес, алименттің төленбеуі баланың өмір сүру сапасының нашарлауына, оның даму мүмкіндіктерінің шектелуіне, сондай-ақ отбасындағы психологиялық шиеленістің артуына әкеледі. Әкесінің қолдауынсыз қалған балалар өздерін тастанды немесе бағаланбаған болып сезінеді, бұл олардың эмоционалдық жағдайына әсер етеді. Баладан ұрланған әрбір теңге – оның білім, денсаулық және жарқын болашаққа деген мүмкіндігін ұрлау деген сөз. Алимент – бұл тек заңды міндет емес, сонымен қатар өз балаңның алдындағы жауапкершілік екенін ұмытпау маңызды».

Алайда барлық әкелер өз балаларын қолдап, көмегін тигізе қоймайды. Қазіргі таңда 28 млрд теңге көлемінде қарыз жинақталған. Борышкерлер сот шешімдерін орындаудан жалтарып, мүліктері мен табыстарын жасыруда.

Заңнамаға сәйкес, борышкерлерге бірқатар шектеу шаралары қолданылады: шетелге шығуға уақытша тыйым салу, лицензиялар, рұқсаттар мен арнайы құқықтарды беруге уақытша тыйым салу, сондай-ақ бұрын берілген рұқсаттар мен арнайы құқықтардың (мысалы, көлік жүргізуші құқығы, атыс қаруын иелену және алып жүру рұқсаты) жүзеге асыруын тоқтата тұру. Сонымен қатар, мүлік пен банктік шоттарға тыйым салынады

@aikyngazeti