Әшкере

👉👉👉👉 Бүгін 100 жасында АҚШ-тың 39-президенті Джимми Картер қайтыс болды. Тарихи тұлға Панама каналын қайтаруы туралы біле жүріңіз

1977 жылы Картер мен Панама лидері Торрихос арасында келісім жасалған. Бұл арқылы Панама каналы мен аймағы АҚШ иелігінен Панамаға қайтарылды. Енді Панама каналы деген не және ол қалай АҚШ иелігінде болғанын айтайық.

Панама каналы – адамзаттың ең ірі құрылысы, ең батыл жобаларының бірі. Ол Солтүстік және Оңтүстік Американы бөліп тұрған тар жол арқылы Атлант және Тынық мұхиттарын байланыстыратын жасанды су жолы. Оның құрылысын бір кездері тағы бір ірі жоба Суэц каналын салған Фердинанд де Лессепс басқарды.

Себебі 81 шақырым канал жүргізсе, бұл су жолы арқылы экономикалық пайда көруге мүмкіндік беретін еді.

Осылайша 1881 жылы Францияның инженерлері құрылыс бастады, бірақ атақты Лессепстің идеясы күйреді: қаржы тапшылығы мен сары безгектен адамдар қырылып, жоба аяқталмай қалды.

Оның үстіне, Суэц каналы жазық жерде орналасқан, ал Панама аймағының географиясы өте күрделі болды: джунгли, таулар және тропикалық климат. Бұл факторлар жобаны дұрыс жоспарлауда ескерілмей, 22 мың адам сары шешектен қаза болды. Дәл осы кезде сары безгек маса арқылы тарайтыны туралы ғылыми жаңалық ашылды.

Ал осыдан соң іске АҚШ кірісті. Экономикалық пайда көздеген ел бірден масамен күресті: жиналатын орнын жойды, химикат қолданды.

Бұл жобаны салып береміз және оған иелік етеміз деген АҚШ Панамаға Колумбиядан тәуелсіздік алып берген. Ал тура 100 жыл бұрын Томас Вудро Вильсон Ақ үйдегі батырманы басып, 20 мың тонна динамитті жарды. Осылайша Атлант пен Тынық мұхиттары қосылды.

Ал 1977 жылы Джимми Картер Панама каналын Панамаға қайтарды. Себебі Картерге Латын Америкасымен достық орнату, халықарлық қысымнан арылу және империялық ықпалдан шығудың символы керек болды. Осы және басқа да ісі үшін Картерге Нобельдің бейбітшілік сыйлығы берілді.

📱 t.me/askerenews

‼️🇰🇿Ақтаудағы ұшақ апаты: Қазақстан "қара жәшіктерді" Бразилияға жөнелтеді

Бұл туралы Көлік министрлігі сайтында хабарланды.

"Чикаго конвенциясының 13 қосымшасына сәйкес тергеу жүргізетін мемлекет борттық өздігінен жазғыш деректерін оқуды қамтамасыз етеді және оларды қай елде таратып жазу туралы шешім қабылдайды. Қазақстан бұл Конвенцияны 1992 жылы ратификациялады және Халықаралық Азаматтық авиация ұйымының (ИКАО) мүшесі", - делінген хабарда.

Осылайша қазақ билігі Әзербайжан мен Ресейдің авиациялық билік өкілдерімен кеңесе отырып, авиациялық борттық өздігінен жазғыштарды (қара жәшіктерді) Embraer әуе кемесін шығарушы Бразилияның авиациялық оқиғаларды тергеу және алдын алу орталығына (CENIPA) жіберу туралы шешім қабылдады.

CENIPA орталығында қажетті техникалық мүмкіндіктер қарастырылған, тиісті құралдармен жабдықталған және оларды оқу үшін сертификатталған зертхана бар.

Бұл мәселе мемлекет басшысының жеке бақылауында екені айтылған.

📱 t.me/askerenews

🇺🇸АҚШ-тың 39-президенті Джимми Картер қайтыс болды. Ол 100 жаста еді

Бұл туралы The Washington Post газеті Картердің ұлы Джеймс (Чип деген атпен танымал) сілтеме жасап хабарлады. АҚШ президенті Джо Байден 9 қаңтарды қайтыс болған экс-президент Джимми Картерге аза тұту күні деп жариялады.

Джимми Картер 1976 жылы Демократиялық партия атынан АҚШ президенті болып сайланған. Бұған дейін ол Джорджия штатының губернаторы және осы штаттан сенатор болған.

1980 жылғы сайлауда Картер Рональд Рейганнан жеңіліп, содан кейін құқық қорғау орталығын құрды. 2002 жылы бұрынғы президентке "дүниежүзіндегі қақтығыстарды бейбіт жолмен шешуге күш салғаны және адам құқықтары үшін күрескені" үшін Нобельдің бейбітшілік сыйлығы берілді.

НЕГІЗГІ ДЕРЕКТЕР:

▪️Бұл қызметті 1977 жылдан 1981 жылға дейін атқарған.

▪️Президенттік қызметінің алғашқы күндерінде Вьетнам соғысы кезінде әскерге шақырудан бас тартқандардың барлығына амнистия жариялады.

▪️1977 жылдың қыркүйегінде 2000 жылдан бастап Панама каналын Панамаға қайтару туралы келісімге қол қойды.

▪️1979 жылы АҚШ пен КСРО ОСВ-2 келісіміне қол жеткізді. Брежнев пен Картер оны қол қою үшін алғаш және соңғы рет Венада кездесті.

▪️Ауғанстандағы соғыс басталғаннан кейін КСРО-ға қарсы санкциялар енгізіп, 1980 жылғы Мәскеу Олимпиадасына бойкот жариялады.

▪️Картер АҚШ тарихындағы ең ұзақ өмір сүрген президент атанды. Оның төрт баласы, 11 немересі және 14 шөбересі бар.

2015 жылы Джимми Картерге онкологиялық ауру диагнозы қойылған. 2023 жылы ол әрі қарай емдеуден бас тартып, өмірінің қалған бөлігін Джорджия штатындағы Плейнс қаласындағы үйінде өткізіп, хоспис күтімін алуды ұйғарды.

📱 t.me/askerenews

‼️🇸🇾Сирияның жаңа лидері Ахмед әл-Шараа (әл-Жолани) Ресеймен қарым-қатынасты толық үзуді жоспарламайтынын мәлімдеді және елде төрт жыл ішінде сайлау өткізуге уәде берді

Бұл туралы BBC жазды.

"Ресей – маңызды ел және әлемдегі екінші қуатты мемлекет болып саналады", – деді әл-Шараа Сауд Арабиясының мемлекеттік Al Arabiya телеарнасына берген сұхбатында (AFP агенттігінің мәліметіне сүйенсек).

Әл-Шарааның басшылығындағы жаңа үкімет Мәскеумен келіссөздер жүргізе бастаған және барлық ресейлік күштердің елден дереу шығарылуын талап етпейді.

"Сирия қаруларының барлығы дерлік Ресейден шыққан, ал көптеген электр станцияларына ресейлік мамандар қызмет көрсетеді. Біз кейбіреулер қалағандай, Ресейдің Сириядан кетуін қаламаймыз", – деп мәлімдеді әл-Шараа.

📱 t.me/askerenews

‼️Ақтауда апатқа ұшыраған ұшақ жерден атқылаудың салдарынан зақымданған, Баку кешірім күтеді – Илхам Әлиев

Әзербайжан президенті Илхам Әлиев мемлекеттік телеарнаға берген сұхбатында Ақтау маңында AZAL ұшағының апатқа ұшырауына байланысты жағдайларды түсіндірді.

"Әрине, қара жәшіктер ашылғаннан кейін ғана соңғы нұсқасы белгілі болады. Бірақ бастапқы нұсқалардың өзі жеткілікті негізделген және фактілерге сүйенеді. Ал фактілер бойынша, әзербайжандық азаматтық ұшақ Ресей аумағында, Грозный қаласына жақын жерде сырттан зақымдалған және іс жүзінде басқарудан айырылған. Сондай-ақ біз ұшағымыз радиоэлектрондық күрес құралдарымен басқарылмайтын жағдайға келтірілгенін білеміз. Бұл – ұшаққа келтірілген алғашқы зақым", – деді Әлиев.

Сонымен қатар ол осыған байланысты Баку Мәскеуден "кінәні мойындауды, кінәлілерді жазалауды және өтемақы төлеуді" күтіп отырғанын қосты.

Бұл – Әзербайжан билігінің ұшақ апатының себептері туралы жасаған алғашқы ресми мәлімдемесі. Бұған дейін бұл туралы ақпараттар үкіметтегі дереккөздерден бұқаралық ақпарат құралдарына тараған болатын.

Ақтаудағы әуе апатынан кейін Илхам Әлиев Қазақстан президенті Қасым-Жомарт Тоқаевпен телефон арқылы сөйлескен. Келесі күні Әзербайжан президенті Ресей президентімен де сөйлескен. Владимир Путин Әлиевке телефон шалып, ұшақ апаты Ресейдің әуе кеңістігінде болғаны үшін кешірім сұрады. Бірақ, Әзербайжан президентінің айтуынша, зардап шеккен тарап бұл жеткіліксіз деп есептейді және толық жауапкершілікті – кінәні мойындауды, кешірім сұрауды және өтемақы төлеуді талап етеді.

📱 t.me/askerenews

‼️Путин Ақтаудағы ұшақ апатына байланысты Әлиевтен кешірім сұрады. Бірақ нюанс бар

28 желтоқсанда Кремль сайтында хабарлама шықты. Онда Путин ресейлік тараптың бастамасымен Әзербайжан президенті Илхам Әлиевпен телефон арқылы сөйлескені жазылған.

Осы әңгімеде "Путин қайғылы оқиға Ресей әуе кеңістігінде болғаны үшін кешірім сұраған" делінді. Мәтінде ол әуе күштеріне қарсы жүйе жұмысы туралы атап өткені жазылған. Бірақ лайнердің құлауына дәл осы жағдай себеп болғанын мойындамаған.

Сонымен Кремль хабарына тоқталайық:

"Нақты кесте бойынша орындалған әзербайжандық жолаушылар әуе кемесі бірнеше рет Грозный қаласының әуежайына қонуға тырысты. Осы уақытта Грозный, Моздок және Владикавказға Украинаның жауынгерлік ұшқышсыз ұшу аппараттары шабуыл жасады, ал ресейлік әуе қорғанысы бұл шабуылдарға тойтарыс берді", - делінген Кремль сайтында.

Енді талдайық: Кремль ақпаратында ұшақ қонуы кезінде ресейлік әуе қорғанысы жүйесі дрондарға қарсы жұмыс істеп жатқан делінді. Ал апат себебі аталмаған.

Бірақ дәл осы телефон әңгімесі туралы Әзербайжан президенті сайтында да хабарлама шықты. Ода Путиннің кешірім сұрауы туралы бір нюанс байқадық. Әзербайжан тарабына сенсек, Путин ұшақ "әуе кеңістігінде сырттан физикалық және техникалық әсерге ұшырағаны" туралы айтқан.

Бір анығы, Кремль бір әңгімеден "сыртқы әсер" туралы сөзді ресми мәтіннен алып тастап отыр. Әзербайжан тарабы Ресейден көмек емес, өтемақы талап етеді.
"Біз болған фактілерді мойындауды, кешірім сұрауды және тиісті өтемақы төлеуді талап етеміз" дейді Әзербайжан билігі.

📱 t.me/askerenews

‼️Путин Әлиевтен AZAL ұшағының апаты үшін кешірім сұрады

Ресей президенті Владимир Путин Әзербайжан президенті Илхам Әлиевтен "Әзербайжан әуе жолдары" (AZAL) ұшағының апаты үшін кешірім сұрады.

Бұл туралы Кремльдің баспасөз қызметі хабарлады.

Хабарламада Путин Ресей әуе кеңістігінде болған "қайғылы оқиғаға" байланысты кешірім сұрағаны және қаза тапқандардың отбасына көңіл айтқаны жазылған.

Баку – Грозный бағыты бойынша ұшып бара жатқан Embraer 190AR ұшағы 25 желтоқсанда Ақтау маңында апатқа ұшырады. Экипаж Грозныйда сәтсіз қонғаннан кейін бағытты өзгертуді ұйғарған. Ұшақ бортында 67 адам болған, оның 38-і қаза тапты.

Алдын ала мәліметтер бойынша, ұшақ Шешенстан үстінде Ресейдің әуе шабуылына қарсы қорғаныс жүйесімен атқыланған, содан басқару жүйесінің істен шығуы салдарынан апатқа ұшыраған. Тергеу жалғасуда, ресми себебі ретінде қазір "сыртқы әсер" деп көрсетілген.

📱 t.me/askerenews

‼️Ақтаудағы ұшақ апаты туралы АҚШ пен Ресей не деді?

🇺🇸Ақ үйдің Ұлттық қауіпсіздік кеңесі жанындағы стратегиялық коммуникациялар жөніндегі үйлестірушісі Джон Кирби АҚШ "Әзербайжан әуе жолдары" компаниясының Ақтау маңында апатқа ұшыраған ұшағын Ресейдің әуе қорғаныс жүйесі атып түсіруі мүмкін деген "алғашқы белгілерді" көріп отырғанын айтты, деп хабарлайды CGTN телеарнасы.

Сонымен қатар Кирби бұл белгілерді атаудан бас тартып, "алдын ала қорытынды жасағысы келмейтінін" мәлімдеді. Бұған дейін AZAL авиакомпаниясы ұшақтың апатқа ұшырауына "сыртқы физикалық және техникалық әсер" себеп болғанын хабарлаған еді.

🇷🇺Кремль Ақ үйдің "алғашқы белгілер" туралы мәлімдемесіне түсініктеме беруден бас тартты.

"Бұл мәлімдемелерді көрдік. Осы ретте сіздерге кеше Ресейдің авиация агенттігінің басшысы Дмитрий Ядровтың мәлімдемесін еске салғым келеді. Ол Ресейдің ұшақ апатының себептері мен жағдайларын зерттеуде Қазақстан мен Әзербайжанға жан-жақты қолдау көрсететінін айтты. Бұл Ресейдің дайындығы ретінде жарияланды. Біз тергеу нәтижелерін күтеміз. Әрине, президент әкімшілігі тарапынан бұл мәселе жөнінде пікір айту орынсыз", – деді Дмитрий Песков.

📱 t.me/askerenews

✈️Ақтау іргесінде апатқа ұшыраған ұшақтың жолаушысы Субхонқұл Рахимов ұшу кезіндегі және апаттан кейінгі оқиғаларды егжей-тегжейлі баяндап берді

Бұл туралы Anadolu агенттігі жазды.

Ол ұшу кезінде "шарт еткен" дыбыс естігенін, бірақ тұман салдарынан бұл оқиға Грозныйдың үстінде болған-болмағанына сенімді емесін айтты.

Оның айтуынша, сол дыбыстан кейін бірден кейбір оттегі маскалары түсіп қалған. Сондай-ақ ол панельдің қаптамасында зақымдану болғанын байқаған. Ұшақ қатты шайқалып, кейін ұзақ уақыт биіктік жинағанын айтты.

"Бір сәттен кейін теңіз көріне бастады, ауа райы ашық болды, бірақ ұшақ өзін біртүрлі ұстай бастады", – деді Рахимов. Одан "шарт еткен" дыбыс сыртта болды ма және бұл жарылыс па деп сұрағанда, ол "иә" деп жауап берді.

Рахимовтың айтуынша, сол дыбыстан кейін ұшақ басқарылмай қалғандай болып, "қалқып, шайқала бастаған". Осыдан кейін жолаушылар өлім қаупін сезіне бастаған. Рахимовтың өзі дұға оқыған. Ол есінен танбағанын және бірнеше рет орнынан ұшып түсіп, басымен соғылғанын еске алады.

"Көз алдымда от болды, сары жалын көрдім, сосын… бірнеше секунд өтті. Кейін барлығы тыныш болды… абсолютті тыныштық. Мен тірі қалғаныма таңғалдым", – деп еске алады Рахимов.

Оның айтуынша, ұшақтың құйрық бөлігі өте алыста қалған. Ал өзі апат кезінде 39-орында отырған. Ұшақ құлағаннан кейін белдігін шешіп, басқаларға көмектесуге тырысқан. Біраз уақыттан соң жедел жәрдем жеткен.

Рахимов Қазақстанға жедел көмек пен қолдау көрсеткені үшін алғыс білдірді.

📱 t.me/askerenews

‼️🇦🇿Ақтаудағы ұшақ апаты неден болған? Әзербайжан көлік министрі айтты

Көлік министрінің айтуынша, Ақтау қаласы маңында болған ұшақ апаты кезінде сыртқы араласу болған деген болжамға ұшақ сынықтары мен куәгерлердің айғақтары негіз береді, деп хабарлайды Report.az.

Цифрлық даму және көлік министрі Рашад Набиевтің айтуынша, Embraer 190 ұшағы апатқа ұшырағаннан кейін арнайы комиссия құрылған. Комиссия мүшелері апаттың мән-жайын және зардап шеккендердің жағдайын жан-жақты зерттеу үшін Ақтау қаласына аттанған. Олар оқиға орнын тексеріп, Әзербайжан және басқа елдердің зардап шеккен азаматтарымен кездесті. Министрдің айтуынша, зардап шеккен жолаушылар мен аман қалған бортсеріктер Грозный қаласының үстінде жарылыс дыбысын естігенін жеткізген.

"Бортсеріктердің бірі қолынан жарақат алған. Сондай-ақ әлеуметтік желі мен БАҚ-тағы видеоматериалдарға қарағанда, бір әйел қолы мен аяғынан жарақат алғаны байқалады. Ұшақ қанатынан тесік, ал ұшақ фюзеляжынан зақымдану іздері мен сынықтардың қалдықтары табылды. Ресей азаматтары да Грозныйдың үстінде үш жарылыс естігенін хабарлады. Олардың айтуынша, жарылыс дыбыстары сырттан шыққан, содан кейін бір нәрсе ұшаққа соғылған", – деп Рашад Набиевтің сөзін келтірді басылым.

Министрдің айтуынша, апаттан кейін БАҚ-та ұшақтың құстармен соқтығысуы мүмкін деген болжам айтылған.

"Алайда, сарапшылардың алдын ала қорытындылары сыртқы араласу бар екенін көрсетеді. Бұған жерде жатқан ұшақ сынықтарының түрі мен куәгерлердің айғақтары дәлел бола алады. Араласу кезінде қолданылған қарудың түрі тергеу барысында анықталады", – деп түсіндірді Набиев.

Министр сондай-ақ ұшақ траекториясын талдағанда оның Махачкала арқылы Ақтауға қарай бағытты өзгерткенін байқауға болатынын айтты. "Сонымен қатар, тергеу пилоттың шұғыл қону туралы шешімді не үшін қабылдағанын анықтайды. Ұшақтағы GPS-тің өшірілуі мәселесі де зерттелмек", – деп толықтырды ол.

Рашад Набиев жергілікті және халықаралық сарапшылар экипаждың батырлық көрсетіп, оңтайлы қону жасағанын жоғары бағалағанын атап өтті. "Осы батыл әрекеттердің арқасында борттағы көптеген жолаушылардың өмірін сақтап қалу мүмкін болды. Әзірбайжан өз құқығын пайдаланып, тергеу процесіне халықаралық кеңесшілерді тартты және онымен байланыс орнатты", – деді министр.

Сонымен қатар, ол ұшақтағы оттегі баллонының жарылуы туралы нұсқаға да пікір білдірді. "Біз бұл ақпараттың шынайылығын тексеру керек деп санаймыз, себебі ол мүдделі тараптан берілген. Сонымен бірге, ұшақтың сыртынан шыққан жарылыс дыбыстары сияқты фактілер бұл нұсқаны жоққа шығарады", – деді Набиев.

📱 t.me/askerenews

🇰🇿‼️🇦🇿Тоқаев Әлиевпен телефон арқылы сөйлесті

Бұл туралы Ақорда хабарлады. Президенттер қайғылы оқиғаға байланысты бір-біріне көңіл айтып, Маңғыстау облысында апатқа ұшыраған Azerbaijan Airlines ұшағында қаза тапқан азаматтардың отбасылары мен жақындарына сабыр тіледі.

➤ Қасым-Жомарт Тоқаев оқиғаны тергеу жөніндегі арнайы мемлекеттік комиссия жұмысы туралы мәлімет беріп, Қазақстан тарапы ұшақ апатын жан-жақты және объективті түрде зерттеуге бар күш-жігерін салатынын жеткізді.

➤ Илхам Әлиев іздестіру-құтқару жұмыстарын жүргізу және зардап шеккендерге көмек көрсету бойынша шұғыл әрекет еткені үшін Қазақстан Үкіметіне алғыс айтты.

➤ Тараптар қайғылы оқиғаның мән-жайы толықтай анықталғанша екі ел үкіметтерінің құрылымдары тығыз байланыста болады деп уағдаласты.

📱 t.me/askerenews

📺"Грозныйға қону кезінде бірнеше жарылыс болған". Ақтау маңында апатқа ұшыраған рейстің тірі қалған жолаушылары оқиғаны баяндады

Қазақстанда апатқа ұшыраған Azerbaijan Airlines рейсінің жолаушылары BILD басылымына берген сұхбатында бортта болған сұмдық оқиғалардың егжей-тегжейін баяндады. Бакуден Грозныйға бағыт алған ұшақ, болжам бойынша, Шешенстан үстінде Ресей әскери күштері тарапынан атқыланған. Зақымдалғанына қарамастан, ұшақ Каспий теңізі үстімен ұшуды жалғастырып, кейін Қазақстан аумағында апатқа ұшырады. Борттағы 67 адамның 29-ы ғана тірі қалды.

"Біз өлімді күттік", – дейді жолаушылардың бірі Заур Мамедов.

Оның айтуынша, Грозныйға қону кезінде бірнеше жарылыс болған, содан кейін ұшақ басқарудан айырылған. Екі күшті соққыдан кейін борттағы барлық адамның бойын үрей билеген.

"Мен орындықты қатты ұстап отырдым. Ұшақтың терезесі бар оң жағы жұлынып қалған. Алдыңғы бөлігі жарылып кетті", – деп еске алады Кристина есімді жолаушы.

Кристина ауыр жарақаттарына қарамастан, ұшақ қирандыларының астынан шыға алған. Оның анасының айтуынша, ұшақтың артқы бөлігінде отырған жолаушылар ғана аман қалған.

Апат көптеген сұрақ туғызған. Жолаушы Субхонкул Рахимовтың айтуынша, ұшақ құлағанға дейін оның қаптамасы тесілген.

"Жарылыс болды. Бұл ұшақтың ішінде болған жоқ деп ойлаймын. Мен отырған жерде жанымдағы панель жұлынып қалды", – деді ол.

Фото: Bild

📱 t.me/askerenews

🇦🇿‼️Әзербайжан Қазақстандағы әуе апатына байланысты Шешенстан билігінен көмек қабылдамайды

"Әзербайжан ешқандай көмекке мұқтаж емес. Не мемлекет, не азаматтар ондай көмекті қабылдамайды. Біз өз азаматтарымызға қажетті көмекті көрсетіп жатырмыз және көрсете береміз. Әзербайжан болған фактілерді мойындауды, кешірім сұрауды және тиісті өтемақы төлеуді талап етеді", – деп хабарлады Day.az сайтына Әзербайжан Президенті Әкімшілігіндегі дереккөз.

26 желтоқсанда Шешенстан премьер-министрінің орынбасары республиканың басшысы Рамзан Қадыровтың тапсырмасы бойынша "осы әуе апатында қаза тапқандар мен зардап шеккендердің барлық отбасына қаржылық және қажетті басқа да көмек көрсетілетінін" мәлімдеген еді.

📱 t.me/askerenews

‼️AZAL Ақтау іргесінде болған әуе апатында қаза тапқандардың отбасыларына 12 миллион теңге өтемақы төлейді

Ал зардап шеккендерге 6 миллион теңге беріледі. Әуе апатында қаза тапқан әрбір адамның отбасына 40 мың манат (12,1 миллион теңге) өтемақы төленеді, деп хабарлайды AZAL компаниясына сілтеме жасаған Azertag.az.

🇦🇿AZAL бақылау кеңесі J2-8243 Баку-Грозный рейсінің апатқа ұшырауына байланысты зардап шеккендерге және қаза тапқандардың отбасыларына өтемақы төлеу туралы шешім қабылдады.

Барлық жолаушыларға Әзербайжан заңнамасы мен халықаралық тәжірибеге сәйкес қосымша сақтандыру төлемдері жасалады.

Azerbaijan Airlines әуе компаниясының Embraer ұшағы 25 желтоқсанда Бакуден Грозныйға ұшып бара жатқанда Ақтау маңында апатқа ұшырады. Ұшақ бортында 67 адам болған, оның 38-і қаза тапты.

🇰🇿Сондай-ақ еңбек және халықты әлеуметтік қорғау бірінші вице-министрі Ақмәди Сарбасовтың сөзінше, республикалық бюджеттен асыраушысынан айырылған отбасына айына шамамен 138 мың теңге, мемлекеттік әлеуметтік сақтандыру қорынан – 357 мың теңге көмек көрсетілмек. Бұдан бөлек, 5 млн теңге шамасында бір реттік көмек алады.

📱 t.me/askerenews

‼️Ресейлік пропагандист Қаңтарда митингіге шыққандарды "бармалейлер" деп атады

Ресейлік пропагандист Маргарита Симоньян "Эхо" радиостанциясына берген сұхбатында Қазақстанға әскер жіберуге және "қандай да бір бармалейлерді реттеуге" қуанышты болатынын айтты.

"Мен Украинада да, Сирияда да және тағы бір рет шақырса, Қазақстанда да қандай да бір бармалейлерді реттеуге әскер жібере алатын жағдайда болғанымызға қуанышты болар едім", – деді Симоньян.

"Россия сегодня" агенттігінің бас редакторы Симоньянға ҚазТАГ редакциясы кері байланыс формасы арқылы сұрау жолдап, оның "бармалейлер" деп кімді атағанын және жалпы 2022 жылғы қаңтар оқиғаларын қалай қабылдайтынын нақтылауды сұрады.

🛑🥵 БАРМАЛЕЙ деген кім?

"Бармалей" – бұл сөз бастапқыда орыс фольклорындағы балаларға арналған ертегілерден шыққан. Атап айтқанда, бұл Корней Чуковскийдің 1925 жылы жазған "Айболит" және "Бармалей" өлеңдеріндегі жағымсыз кейіпкердің есімі. Бармалей – Африкада өмір сүретін, балаларды қорқытып, зұлымдық жасайтын қарақшы.

Бірақ кейін бұл сөз орыс тілінде бейресми түрде террористерге, радикалдарға немесе қандай да бір заңсыз қарулы топ мүшелеріне қатысты қолданылатын ұғымға айналды. Бұл көбінесе жаулап алынған аймақтардағы жауынгерлерді сипаттауда қолданылады және жиі мазақпен немесе кемсітушілік реңкпен айтылады.

📱 t.me/askerenews

‼️Euronews эксклюзиві: AZAL ұшағының апатына ресейлік зымыран себеп болған

Euronews-ке берген эксклюзив сұхбатында Әзербайжан үкіметіндегі дереккөздер AZAL әуе компаниясының 8432 рейсіндегі ұшақ апатының себебі "жер-әуе" класындағы ресейлік зымыран екенін растады.

Дереккөздердің мәліметінше, зымыран Грозныйға жасалған дрон шабуылы кезінде ұшырылған, нәтижесінде зымыран сынықтары ұшаққа тиіп, апатқа әкеп соққан.

Айта кетерлігі, ұшқыштардың сұрауларына қарамастан, ресейлік билік ұшаққа жақын маңдағы әуежайларға қонуға рұқсат бермей, ұшақты Каспий теңізі арқылы Қазақстанға бағыттауды тапсырған. Басылым мәліметінше, ұшақтың навигациялық жүйелері бұғатталып, зымыран "Панцирь-С" зениттік-зымыран кешенінен ұшырылған.

📱 t.me/askerenews

🇰🇬 Қырғызстан бірнеше араб елімен визасыз режим енгізеді

2025 жылдың 4 қаңтарынан бастап Сауд Арабиясы, БАӘ, Қатар, Кувейт, Оман және Бахрейн азаматтары Қырғызстанға визасыз бара алады. Бұл елдердің туристік мақсатпен келетін азаматтары республика аумағында 360 күн ішінде 180 күнге дейін бола алады.

Бұл мәліметті Қырғызстан СІМ баспасөз қызметі хабарлады.

📱 t.me/askerenews

‼️Ақтаудағы апат: 38 марқұмның денесі сот-медициналық сараптама орталығына жеткізілді

Ақтауда Azerbaijan Airlines әуе компаниясының ұшағының конструкцияларын бөлшектеу жұмыстары басталды

Құтқару жұмыстарын жүргізуге 306 адам тартылған. Төтенше жағдайлар министрлігінің мәліметінше, кинологтар да жұмылдырылған.

38 марқұмның денесі сот-медициналық сараптама орталығына жеткізілді, олардың ішінде 6-уы Қазақстан азаматы және 3 экипаж мүшесі бар. Қаза тапқан 7 адамның жеке басы анықталды.

Кеше құтқарушылар қара жәшікті тапты. Оқиға орнында тәулік бойы кезекшілік ұйымдастырылған.

📱 t.me/askerenews