AB Silk Way

@atamekenbusiness_silkway

Channel's geo and language: Kazakhstan, Russian

Category: News and media

Similar channels

Channel's geo and language

Kazakhstan, Russian

AB Silk Way

11 Mar, 14:00

📉 Қытайда тұтынушылық баға индексі төмендеді

Қытайдың мемлекеттік статистика басқармасының мәліметінше, 2025 жылдың ақпан айында тұтынушылық баға индексі (CPI) өткен жылдың осы кезеңімен салыстырғанда 0,7%-ға төмендеді. Бұл көрсеткіш инфляция деңгейінің төмендеуін білдіреді.

✈️ t.me/atamekenbusiness_silkway

41 0 0 1

AB Silk Way

11 Mar, 13:03

🗺 Қытайда «Манхэттенге» ұқсас аудан пайда болды

Шаньдун провинциясындағы Цзаочжуан қаласының зәулім ғимараттары туристер арасында танымал бола бастады. Муниципалдық алаң маңында орналасқан екі 150 метрлік ғимараттың заманауи архитектурасы Нью-Йорктегі Манхэттенді еске салады.

Бұл жер фотосуретке түсуге құмар жандардың сүйікті орнына айналды. Әлеуметтік желілерде тараған видеолардан кейін жастар дәл осы жерде ұсыныс жасай бастады.

✈️ t.me/atamekenbusiness_silkway

110 0 0 4

AB Silk Way

11 Mar, 12:04

01:34

Video is unavailable for watching

Show in Telegram

🔄 Тәжікстандық кәсіпкерлер Қытаймен байланыстарын нығайтуда

Тәжікстандық кәсіпкер Фирузджони Хабибзода 30 жасында Қытаймен табысты серіктестік орнатып, ірі автомобиль концернінің серіктесіне айналды. Ол бизнесін электроника импортынан бастап, кейін жаңа технологиялар саласына бет бұрды.

Фируз 2008 жылы Қытайға алғаш рет барып, елдің қарқынды дамып келе жатқанын көргеннен кейін, болашағын осы нарықпен байланыстырғанын айтады. Бүгінде ол Тәжікстанда экологиялық көліктерді насихаттаумен айналысып, Қытайдың инновациялық шешімдерін мұқият қадағалап отыр.

Кәсіпкердің пікірінше, Қытайдың технологиялар мен инновацияларға қолдау көрсетуі елдің әлемдік аренадағы орнын нығайтуда шешуші рөл атқарады.

✈️ t.me/atamekenbusiness_silkway

155 0 0 4

AB Silk Way

11 Mar, 11:03

02:29

Video is unavailable for watching

Show in Telegram

📱 Қытай кәсіпкерлері жасанды интеллектті белсенді қолдануда

Қытайда кәсіпкерлер жасанды интеллектті (ЖИ) жарнама, маркетинг және халықаралық саудада кеңінен пайдалана бастады.

Иу қаласындағы кәсіпкер Ван Сюдань өнімдерін ілгерілету үшін ЖИ негізінде бейнероликтер жасауды қолға алды. Қаптама өндірісі саласында ЖИ клиент сұраныстарын талдап, аудармашы қызметін атқарады.

Chinagoods.com платформасы DeepSeek сервисін енгізіп, бизнес үдерістерін оңтайландыруда. Нәтижесінде шығындар 90%-ға азайып, халықаралық сауда даулары 40%-ға қысқарған.

✈️ t.me/atamekenbusiness_silkway

184 0 1 4

AB Silk Way

11 Mar, 10:01

🧮 АҚШ соты Қытайдан COVID-19 деректерін жасырғаны үшін $24 млрд өндірмек

АҚШ-тың Миссури штатының соты Қытай үкіметін коронавирус туралы ақпаратты жасырды деп айыптап, $24 миллиард өтемақы төлеуге міндеттеді. Бұл туралы The New York Times хабарлады.

Іс 2020 жылы сәуірде қозғалған. Сот Қытай пандемияның қаупі мен ауқымы туралы әлемді жаңылыстырды және қорғаныс құралдарын өндіруде монополия орнатты деп шешті.

Миссури билігі өтемақыны алу үшін Қытайдың АҚШ-тағы активтерін, оның ішінде жер телімдерін тәркілеуді жоспарлап отыр.

Қытай өкілдері сотқа қатысқан жоқ. Вашингтондағы Қытай елшілігінің өкілі Лю Пэнъюй бұл шешімнің заңсыз екенін айтып, Бейжің оны мойындамайтынын мәлімдеді.

✈️ t.me/atamekenbusiness_silkway

203 0 0 12

AB Silk Way

11 Mar, 09:04

💬 Си Цзиньпин мен Дональд Трамп сәуір айында кездесуі мүмкін

АҚШ Президенті Дональд Трамп сәуір айында Қытайға барып, ҚХР Төрағасы Си Цзиньпинмен келіссөздер өткізуі мүмкін. Бұл туралы South China Morning Post басылымы дипломатиялық дереккөздерге сілтеме жасап хабарлады.

Қаңтар айында Трамп пен Си Цзиньпин телефон арқылы сөйлескен. Бұған дейін Трамп инаугурациядан кейін Қытай басшысымен кездесуі мүмкін екенін бірнеше рет айтқан. Ақпан айында ол Си Цзиньпинмен жеке келіссөздер жүргізуге үміттенетінін мәлімдеді.

Wall Street Journal газетінің дерегінше, Трамп Қытайға президенттік өкілеттігінің алғашқы 100 күні ішінде баруы мүмкін. Сарапшылар бұл сапарды Байден әкімшілігі кезінде шиеленіскен екіжақты қарым-қатынасты жақсарту қадамы ретінде бағалап отыр.

✈️ t.me/atamekenbusiness_silkway

219 0 0 1 6

AB Silk Way

11 Mar, 08:00

🔎 Үнді мұхитында Қытай, Ресей және Иранның әскери-теңіз жаттығулары басталды

Иранның Чабахар портында «Теңіз қауіпсіздік белдеуі – 2025» әскери-теңіз жаттығулары өтіп жатыр. Оған Қытай, Ресей және Иран әскери-теңіз күштері қатысуда.

Жаттығулар теңіз қауіпсіздігін қамтамасыз ету, қарақшылық пен терроризмге қарсы күреске бағытталған. Экипаждар іздестіру-құтқару операцияларын, «басып алынған кемелерді» босату және артиллериялық атыстарды пысықтайды.

Жаттығуларға 15-тен астам әскери кеме, катер және теңіз авиациясының тікұшақтары жұмылдырылған. «Теңіз қауіпсіздік белдеуі» маневрлері 2018 жылдан бері жыл сайын өткізіліп келеді.

✈️ t.me/atamekenbusiness_silkway

226 0 0 8

AB Silk Way

11 Mar, 07:03

🛍 Қытай Канаданың кейбір тауарларына қосымша салық енгізеді

Қытай 20 наурыздан бастап Канаданың кейбір өнімдеріне жоғары баж салығын енгізеді. Теңіз өнімдері мен шошқа етіне 25% салық салынса, рапс майы, күнжара және бұршаққа 100% тариф белгіленеді.

Бұл шешім Қытайдың Канадаға қарсы жүргізген тергеуінің нәтижесінде қабылданды. Тергеу 2024 жылдың қыркүйегінде, Оттава Қытайдан әкелінетін электромобильдерге, болат және алюминий өнімдеріне салық енгізгеннен кейін басталған.

Қытай билігінің мәлімдеуінше, Канаданың бұл әрекеті әділетсіз, халықаралық сауда ережелерін бұзады және Қытайдың экономикалық мүдделеріне зиян тигізеді.

✈️ t.me/atamekenbusiness_silkway

252 0 0 8

AB Silk Way

11 Mar, 06:04

🚗 Toyota Қытайда Tesla-дан арзан электромобиль шығарды

Toyota Қытайда Bozhi 3X моделін таныстырды – бұл компанияның ең қолжетімді ақылды электромобилі. Бағасы 104,8 мың юаньнан ($14,6 мың) басталады.

Көлік заманауи технологиялармен жабдықталған: Orin X чипі, лидар және интеллектуалды жүргізу жүйесі бар. Алғашқы күні-ақ 10 мыңнан астам тапсырыс түсті.

Toyota Қытай нарығындағы үлесін арттыруды көздейді, бірақ бұл сегментте жергілікті өндірушілер, әсіресе BYD, көш бастап тұр. Бұған дейін BYD 100 мың юань ($14 мың) тұратын қолжетімді модельдеріне озық автопилот орнататынын мәлімдеген. Қазіргі таңда осындай мүмкіндіктері бар көліктер негізінен 150 мың юаньнан ($21 мың) жоғары бағада сатылады.

✈️ t.me/atamekenbusiness_silkway

298 0 0 6

AB Silk Way

7 Mar, 21:23

✔️ Күннің басты жаңалықтары:

▪️ Қытай халықаралық әділдікті қолдап, гегемонияға қарсы екенін мәлімдеді

▪️ Қытай 20 жыл ішінде мұнай импортынан бас тартуы мүмкін

▪️ Қытайда жаңа Manus жасанды интеллекті таныстырылды

▪️ АҚШ қытайлық кемелерден төлем алуды жоспарлап отыр

▪️ Қытай Антарктидада сутекті энергия қондырғысын іске қосты

✈️ t.me/atamekenbusiness_silkway

627 0 0 1 6

AB Silk Way

7 Mar, 19:45

🔄 Қытай ғалымдары үштік логикаға негізделген алғашқы көміртекті ЖИ-чипті жасады

Қытай зерттеушілері ақпаратты үштік логика жүйесі арқылы өңдейтін әлемдегі алғашқы көміртекті микрочипті әзірледі. Дәстүрлі екілік жүйеден (0 және 1) айырмашылығы – бұл технология ақпаратты үш түрлі күйде сақтай алады, бұл деректерді өңдеу тиімділігін арттырады.

Чип көміртекті нанотүтікшелер (CNT) негізінде жасалған, ол кремний чиптеріне қарағанда жылдам әрі аз қуат тұтынады. Тестілеу барысында ол кескіндерді тану және басқа да есептеулерде жоғары нәтижелер көрсетті.

Ғалымдар CNT технологиясын дамыта отырып, алдағы 10-15 жыл ішінде көміртекті чиптерді кеңінен қолдануды жоспарлап отыр.

✈️ t.me/atamekenbusiness_silkway

512 0 0 6

AB Silk Way

7 Mar, 19:05

🦠 Қытай ғалымдары Тынық мұхитынан жаңа микроорганизмдерді тапты

Қытай зерттеушілері «Фэньдоучжэ» тереңсу аппаратының көмегімен Тынық мұхитындағы Жап шұңғымасын зерттеп, 7564 түрлі микроорганизмді анықтады. Олардың көпшілігі бұрын белгісіз болған.

Экспедиция барысында батискаф алғаш рет шұңғыманың ең терең нүктесіне – 9000 метрге дейін жетіп, түрлі мұхиттық ағындар тоғысатын аймақты зерттеді.

Ғалымдардың айтуынша, 6–11 км тереңдіктегі хадаль аймағы тіршілік иелеріне бай. Алдағы зерттеулер бұл микроорганизмдерді биотехнология, медицина және энергетикада қолдану мүмкіндіктерін қарастырады.

✈️ t.me/atamekenbusiness_silkway

432 0 1 6

AB Silk Way

7 Mar, 18:03

🗺 Қытай Антарктидада сутекті энергия қондырғысын іске қосты

Қытайдың «Циньлин» станциясында сутекпен жұмыс істейтін қондырғы сәтті іске қосылды. Ол станцияны тұрақты электрмен қамтамасыз етіп, Антарктидадағы ғылыми кешеннің маңызды бөлігіне айналды.

Қондырғы 50 текше метрлік сутек сақтайтын резервуармен жабдықталған және автономды режимде 24 күн бойы үздіксіз жұмыс істей алады.

Станцияда жел мен күн энергиясын пайдаланып «жасыл» сутек өндіретін жүйе орнатылған. Қуатты арттыру үшін қосымша газ резервуарларын қосу мүмкіндігі қарастырылған.

✈️ t.me/atamekenbusiness_silkway

382 0 0 5

AB Silk Way

7 Mar, 16:53

🛍 Walmart Қытай жеткізушілерінен бағаны төмендетуді сұрады

АҚШ-тың Walmart компаниясы қытайлық жеткізушілерден жаңа баж салығына байланысты бағаны 20%-ға дейін төмендетуді талап етті. Бұл тарифтерді ақпан-наурыз айларында президент Дональд Трамп енгізген.

Келіссөздер асүй жабдықтары мен киім өндірушілермен жүргізілуде. Алайда көп жеткізушілер бағаны төмендетуге келіспеген, өйткені Walmart тауарларды нарықтағы бағадан әлдеқайда арзан сатып алады.

Сарапшылар бұл талап өнім сапасына кері әсер етуі мүмкін деп алаңдауда. Walmart жағдайға түсініктеме берген жоқ.

✈️ t.me/atamekenbusiness_silkway

369 0 0 6

AB Silk Way

7 Mar, 16:03

💸 Қытайдың сыртқы саудасы жыл басында 6,54 трлн юаньға жетті

Қытайдың сыртқы сауда көлемі 2025 жылдың алғашқы екі айында 6,54 трлн юаньды (шамамен 912,07 млрд доллар) құрады. Алайда бұл көрсеткіш өткен жылдың сәйкес кезеңімен салыстырғанда 1,2%-ға төмен.

ҚХР Бас кеден басқармасының мәліметінше, жұмыс күндерінің айырмашылығын есепке алғанда, экспорт 3,4%-ға артып, импорт 7,3%-ға азайған.

✈️ t.me/atamekenbusiness_silkway

374 0 0 7

AB Silk Way

7 Mar, 14:42

💰 АҚШ қытайлық кемелерден төлем алуды жоспарлап отыр

АҚШ Қытайда жасалған немесе ҚХР-ға тиесілі кемелерден елдің порттарына кіргені үшін төлем алмақ, деп хабарлайды Reuters.

Бұл шешім АҚШ-тың кеме жасау саласын дамыту және Қытайдың теңіз тасымалындағы ықпалын азайту мақсатында қабылдануда. Вашингтон өз одақтастарын да осындай шаралар енгізуге шақырып отыр, ал қарсылық танытқандарға санкциялар қолданылуы мүмкін.

Сонымен қатар, АҚШ Қытайдан әкелінетін жүк тиеу-түсіру жабдықтарына баж салығын енгізеді.

Бұған дейін Reuters кейбір кемелердің Гонконг тіркеуінен шығып, Сингапур мен Маршалл аралдарына ауысып жатқанын хабарлаған. 2023-2024 жылдары Гонконг юрисдикциясынан 74 кеме шығарылған, олардың басым бөлігі көмір, темір рудасы және астық тасымалдайтын құрғақ жүк кемелері болған.

✈️ t.me/atamekenbusiness_silkway

3.3k 1 3 8

AB Silk Way

7 Mar, 10:20

📱 Қытайда жаңа Manus жасанды интеллекті таныстырылды

6 наурызда Monica.im компаниясы Manus атты жасанды интеллектке негізделген жаңа агентін таныстырды. Бұл компанияны 2022 жылы Хуачжун ғылым және технология университетінің түлегі Сяо Хун құрған.

Manus өнімділігі жағынан OpenAI модельдерінен жоғары деп мәлімделуде. Ол GAIA (General AI Assistant) тестінде ең жоғары нәтиже көрсетіп, GPT құралдарынан асып түсті.

Бұл ЖИ көмекші тек сұрақтарға жауап беріп қана қоймай, өздігінен ойлап, жоспар құрып, күрделі тапсырмаларды орындай алады. Таныстырылымда Manus саяхат жоспарын жасап, акциялар нарығын талдап, білім беру материалын дайындап, сақтандыру полистерін салыстырып берді.

Қытайдағы технология мамандары жаңа модельге ерекше қызығушылық танытып отыр. Қазір Manus тек бета-нұсқада қолжетімді, сондықтан оны тестілеу үшін шақыру коды қажет.

Сұраныс жоғары болғандықтан, бұл кодтар Xianyu секілді аукцион платформаларында 400 юаньнан ($55) бастап сатылымға шыға бастады. Бұған дейін осындай жағдай 2022 жылы ChatGPT шыққанда да болған еді.

✈️ t.me/atamekenbusiness_silkway

342 0 2 5

AB Silk Way

7 Mar, 08:02

📣 Қытай халықаралық әділдікті қолдап, гегемонияға қарсы екенін мәлімдеді

Қытай күштеп қысым көрсету мен гегемонияға қарсы шығып, халықаралық әділдікті қолдайды. Бұл туралы Қытайдың сыртқы істер министрі Ван И Бүкілқытай халық өкілдері жиналысының 3-сессиясында өткен баспасөз мәслихатында айтты.

Оның сөзінше, Қытай достықты мәңгілік, ал мүдделерді ортақ деп санайды. “Тарих көрсетеді: жеңіс – бәріне ортақ игілік жасаушылардың жағында. Ортақ болашақ құру жолындағы ынтымақтастық әлемді барлық елдер үшін ортақ етеді”, – деді Ван И.

✈️ t.me/atamekenbusiness_silkway

377 0 0 2 7

AB Silk Way

7 Mar, 07:03

🛢 Қытай 20 жыл ішінде мұнай импортынан бас тартуы мүмкін

Қытай алдағы 20 жылда мұнай импортын тоқтатуы мүмкін. Бұл туралы Бүкілқытайлық халық өкілдері жиналысының депутаты, күн панельдерін өндіруші Tongwei компаниясының негізін қалаушы Лю Ханьюань мәлімдеді.

Оның айтуынша, ел жыл сайын 500 миллион тонна мұнайды сырттан алады. Алайда бұл көлемді жаңартылатын энергия көздері мен энергия сақтау технологияларын дамыту арқылы алмастыруға болады. Қытай әсіресе күн энергетикасын қарқынды дамытуды жоспарлап отыр. Қазір бұл елдегі екінші ірі энергия көзіне айналған.

Лю Ханьюань Қытайдағы күн электр станцияларының жалпы қуаты 886 ГВт-тан асқанын, бұл әлемдік көрсеткіштің жартысына жуығын құрайтынын айтты. 2050 жылға қарай көміртегі бейтараптығына жету үшін елге жыл сайын 500-700 ГВт күн панельдерін орнату қажет.

Бүгінде Қытай күн батареялары мен литий-ионды аккумуляторлар өндірісінде әлемдік нарықтың 85%-дан астамын қамтып, көш бастап тұр.

✈️ t.me/atamekenbusiness_silkway

404 0 1 6

AB Silk Way

7 Mar, 06:02

🦾 Unitree Robotics Шэньчжэньде жаңа еншілес компания құрды

Қытайдың Unitree Robotics компаниясы Шэньчжэньде Shenzhen Tianyi Technology атты жаңа еншілес кәсіпорнын ашты. Компания ақылды роботтарды әзірлеумен, өндірумен және сатумен айналысады.

Бұл қадам Шэньчжэньдің жасанды интеллект пен робототехника саласындағы даму жоспарымен сәйкес келеді. Қала билігі 2026 жылға қарай ЖИ құрылғылары нарығын 1 трлн юаньға, ал 2027 жылға қарай робототехника нарығын 100 млрд юаньға жеткізуді көздеп отыр.

Шэньчжэнь қазірдің өзінде Engine AI және UBTech Robotics сияқты ірі технологиялық компаниялар мен инновациялық стартаптардың орталығына айналған.

✈️ t.me/atamekenbusiness_silkway