Сахаба Абдулла ибн Масғұдтың (Алла оған разы болсын) мынадай насихаты бар екен.
"Сендер мерзімі зуылдап өтіп жатқан, амалдары жазылып жатқан күндіз бен түннің дәлізімен (жүріп келесіңдер). Ал "өлім" күтпеген сәтте келеді. Кімде-кім осы (зуылдап өтіп жатқан) шақта жақсылықтың (дәнін) ексе, оратыны "қуаныш-үміт" болмақ. Ал кімде-кім жамандықтың (дәнін) ексе, оратын (өнімі) өкініш болмақ. Кім нені ексе, соны орады. Жайбасар нәсібінен озып кетпейді. Тағатсыз ашкөз тағдырына жазылмағанға жете алмайды. (Сондықтан) кімде-кімге жақсылық бұйырса, ол жақсылықты оған Алла берді, кімде-кім жамандықтан аман қалса, оны Алла қорғап қалды. Тақуалар - адамдардың ең абзал мырзалары. Фақиһтер (дінді терең түсінген ғұламалар) жолбасшылар. Олармен (фақиһтермен) мәжілістестес болу бір ғанибет".
Күндеріңіз сəтті өтсін!