🌹БОЛАЛАР ПСИХОЛОГИЯСИ🌹

📌АЗИЗ ОБУНАЧИЛАРИМ!📌
#БОЛА_ПСИХОЛОГИЯСИ ОНЛАЙН КУРСИ СТАРТ ОЛИШ АРАФАСИДА📌

Кимлар иштирок этиши мумкин?

🔸Ҳомиладор яъни бўлажак онажонларимиз.

🔸 Фарзандини тушуна олмаётган ёш онажонларимиз

🔸Фарзандида муаммолари бор онажонлар

🔸 Ўсмир фарзандида муаммолари бор онажонларимиз

🔸 Бола психологиясини ўрганишни истаган психолог, психология факультети талабалари

🔸Ўқувчилари билан келиша олмаётган мактаб ўқитувчилари

🔸Бола психологиясига қизиқаётган ҳар бир инсон

Курсда нималар бўлади?

🔹 "Ҳомиладорлик даври, чақалоқлардан бошлаб ўсмирликкача бўлган болалар психологияси"га оид аудиодарслар.

🔹Бу тариф асосан, мактабгача ёшдаги фарзандлари бор оналар учун жуда қулай ва осон.

🔹 Болаларнинг темпераментлари, уларнинг ҳар бирига алоҳида ёндашув.

🔹 3 ёш кризис даврида болаларнинг инжиқ, агрессив бўлиб қолиши

🔹Ўсмирлик кризис давридаги муаммолар ва уларга ечим

🔹Боланинг хулқида ўзгаришлар
норма ёки патология эканлигини ажратиб олиш.

🔹 Мактабгача тайёргарлик

🔹 Онанинг саволларига жавоблар, маслаҳатлар.

Курс давомийлиги 1 ой

Курсга ёзилиш учун⤵️

@Psixolog_administratori_uz

https://t.me/+SDGVEgDNFUkJnMuY

МИЯДАН КЕТМАЙДИГАН "ЁПИШҚОҚ" ФИКРЛАР
(ПСИХАСТЕНИЯ)

Мияга фикрларнинг кетма-кет ёғилиб келаверишига обсессия деб айтилади. Улар беморнинг иродаси ва хоҳишига боғлиқ бўлмаган ҳолда қуйилиб келаверади. Бу хаёллар беморга оғир ботади, аслида ёқмайди ва улардан врач ёрдамисиз қутула олмайди.
Масалан, бемор уйидан ташқарига чиққандан сўнг, уни эшикни қулфладимми, газни ўчирдимми, сувни беркитдимми каби хаёллар безовта қилаверади. У уйига қайтиб киради, ҳаммаёқни қайта текширади, ҳаммаси жойидалигига ишонч ҳосил қилгач, тинчгина кўчага чиқиб кетади. Уйдан бир оз узоқлашгандан сўнг яна ҳалиги фикрлар ёғилиб келаверади ва яна уйига қайтиб киради. Сиқилиб кетганидан йиғлаб юборади, ҳеч қаёққа чиқмай қўяди. Ўзида кечаётган бу аломатларга, албатта, бемор танқидий кўз билан қарайди ва улардан қутулишни хоҳлайди, лекин ҳеч бунинг иложини топа олмайди. Баъзан беморда мантиқ жиҳатдан бир-бирига зид бўлган хаёллар пайдо бўлади.
Бемор ўзига ёки бошқа инсонларга зиён етқазиб қўйишдан қўрқиш фикри ва ўзининг шу ишни қилиб қўяманми деган қўрқувлари бўлади.
Обсессиядан қутулиб бўладими? Обсессиялар ўз вақтида даволанганда албатта барҳам топади. Баъзи ҳолларда эса бир неча ой ва ҳатто бир қанча йилларгача чўзилиб кетиши мумкин. Баъзида бемор бир неча ой яхши бўлиб юради ва сўнг миядан кетмайдиган фикрлар яна пайдо бўлади.
Невроз ва истериядан фарқли ўлароқ миядан кетмайдиган фикрлар сурункали кечишга мойил. Аксарият беморлар тузалиб кетганидан сўнг ҳам хурсанд бўлиш ўрнига, яна ўша касаллик белгилари қачон пайдо бўлишини кутиб яшашади. Бундай беморлар врачларни ҳам безор қилиб юборишади. Чунки улар “Врач мени яхши даволамади” деб арз қилиб юришади.
Обсессиялар кўпинча компулсиялар билан ҳам намоён бўлади. Компулсия – зарур бўлмаган ҳаракатларни кетма-кет қилавериш билан намоён бўладиган патологик ҳолат. Масалан, бемор қўлини ҳадеб юваверади, кийимидаги чангни қоқаверади, ҳатто врач текширувидан ҳам хавфсираб туради, ҳадеб душ қабул қилаверади, атрофдагилардан жирканади, улардан миқроб юқиб қолади деб қўрқиб юради ва ҳ.к.
Бемор ўзининг қўрқув, хавотирларини камайтириш учун иримлар, ритуал, одатлар ўйлаб топади ёки эшитган иримларига қаттиқ ишонади.
Масалан: ўнг оёқда чиқмадим, энди ишим юришмайди деган фикр бўлади. Агар ўша одатини эсидан чиқармай бажарса хотиржам бўлади, аммо эсидан чиқиб қолгудек бўлса, хавотир, қўрқувлари кучаяди.
Давоси қандай?
Бундай беморларни тиббий психологлар, психо­неврологлар ва психиатрлар махсус дастур асосида даволашади. Даволаш муолажалари бир неча ойгача чўзилиши мумкинлиги ҳақида бемор огоҳлантирилади. Психотерапевтик муолажаларга албатта урғу берилиши керак.

P.S. Демак ҳар қандай ирим- сиримларни неврозга учраган беморлар ўз хавотирларини камайтириш учун ўйлаб топган ёки болаликдан катталардан эшитган иримларига ишониб қолган.


©Клиник психолог Гульнара Нарбаевна

https://t.me/bolalarpsixologiuz

Истерия (юн. histeria – маъноси бачадон дегани). Бу касаллик белгилари ҳақида қадимги рисолаларда кўп ёзилган ва уни дастлаб бачадон функцияси билан боғлашган. Чунки истерияни, асосан, аёлларда кузатишган. Кейинчалик истерик бузилишлар эркакларда ҳам аниқланган бўлсада, унинг аввалги номи сақланиб қолган. Истерия неврознинг бошқа турлари каби кенг тарқалган касаллик. Бу касаллик, асосан, ёшлик даврида ва кўпроқ аёлларда учрайди. Унинг келиб чиқишида хулқ-атворнинг болаликдан истерик тарзда шаклланиши катта аҳамият касб этади.
Ортиқча таъсирланиш, ҳар нарсага ҳаддан ташқари эътибор бериш, мустақил фикрлай олмаслик, ортиқча ишонувчанлик, ранг-баранг ҳис-туйғуларга берилиш истерия учун жуда хос. Улар руҳан ва жисмонан заиф кишилардир. Кўпчилик истерик беморлар феъл-атвори болалар феъл-атворига ўхшаб кетади. Улар учун атрофдагилар диққатини ўзига жалб этиш хос. Истерик бузилишлар фақат неврозларда эмас, балки психопатияларда ҳам кузатилади. Истерик невроз симптомлари аксарият ҳолларда хил-ма-хил касалликлар аломатларини эслатади. Шу боис ҳам истерияни «катта муғомбир» деб аташади. Уларда барча соматик касалликларга хос белгиларни кузатиш мумкин. Аслида эса бу соматик касалликлар уларда аниқланмайди.
Истерик неврознинг турлари хилма-хил. Уларнинг барчаси, одатда, руҳий жароҳатдан (айниқса, жанжал ва хафагарчиликдан) сўнг пайдо бўлади.
Истерия хуружи асосан, жавобгарликдан, айбловдан қочиш, танқидни кўтара олмасликдан ёки ўз айтганини қилдиришга уринишдан бошланади.
Истерия симптомлари истерик невроз турларига қараб ҳар-хил кўринишда бўлади: йиғлаш, ҳушидан кетиш, кўнгил айниши, қусиш, тутқаноқ хуружи(эпилепсиядан фарқли), овозини йўқотиш, эшитмай қолиш, хотирасини қисман йўқотиш ҳолатлари кузатилади.
Истерия бу психик бузилиш бўлиб, бемор ҳаётини қийинлаштирадиган бир қанча асоратларга олиб келади. Шунинг учун, ўзингиз ёки яқинларингизда бу ҳолатларга бефарқ бўлмасдан ўз вақтида мутахассисга мурожаат қилишингиз яхши натижа беради.

©Клиник психолог Гульнара Нарбаевна


https://t.me/bolalarpsixologiuz

Неврастения [невр… ва юн. astheneia – дармонсизлик], астеник невроз, асаб толиқиши, асаб ожизлиги – нерв тизимининг узоқ вақт ўта толиқиши, яъни руҳий изтироб натижасида келиб чиқадиган касаллик, неврозларнинг бир тури неврастенияга интоксикация (кўпинча алкоголдан), инфекция, ўта толикиш, тўйиб овқатланмаслик, бош мия шикастланиши, шунингдек, тез-тез асабга тегадиган ва дармонни қуритадиган вазиятлар, кечаси кам ухлаш ва бошқа(лар) сабаб бўлади. Неврастенияда, асосан, астения синдромига хос аломатлар юзага келади. Бунда бемор салбий таъсиротларга осон берилувчан, серзарда, жаҳлдор, тез парчаланган бўлиб қолади, мадори курийди, етганида тез ухлаб қолиб, салгина шовқинга уйғониб кетади. Бош мия катта ярим шарлари пўстлоғи фаолиятининг бузилиши туфайли олий нерв фаолиятида қўзғалиш ва тормозланиш жараёнларининг муносабатлари бузилиб, аввал биринчиси, кейинроқ иккинчиси устунлик қилади. Неврастения аломатлари ҳам ана шундай келиб чиқади, дастлаб бемор таъсирчан, жаҳлдор, безовта, кейинчалик чарчаган, бўшанг, ҳорғин, уйқучан, кайфияти бузуқ, хотираси пасайган аҳволга тушади. Ҳиссиёт ожизлиги, сезгиларнинг ошиши, тери сезувчанлигининг оғриқли даражагача ортиши, бетоқатлик, шу вақтнинг ўзида руҳий ва жисмоний толиқиш, диққат ва хотиранинг пасайиши кузатилади. Неврастенияга хос аломатлардан бири уйқунинг бузилиши ва тез-тез бош оғриб туришидир. Уйқу жуда юзаки бўлиб, аксарият ҳолларда бетўхтов давом этиб, туш кўриш билан кечади. Кундузи эса уйқу босади, бемор уйқудан турганида кучли чарчаган, ҳорғин бўлади. Неврастенияда кўп учрайдиган белгилар – бу турли-туман сомато-вегетатив ва неврологик бузилишладир. Бунга иштаҳанинг бузилиши, оғиз қуриши, кекириш, кўнгил айниши, ич дам бўлиши, қабзият, кўп терлаш, томир уриши ва артериал босимнинг ўзгарувчанлиги, кўз қовоқлари ва бармоқларини титраб туриши (тремор), пай рефлексларининг кучайиши, жинсий фаолият сусайиши ва ҳ. к. киради. Бу аломатлар беморнинг умумий аҳволи яхшиланиши билан тезда ўтиб кетади. Неврастенияда меҳнат қилиш ва дам олишни тўғри уюштириш, спорт билан шуғулланиш, сайр қилиш, сув муолажаларидан фойдаланиш, витаминли овқатлар истеъмол қилиш, оилада, ишда тинч ва хотиржам бўлиш беморнинг тезда соғайиб кетишига олиб келади.

© Болалар ва ўсмирлар клиник психологи Гульнара Нарбаевна

https://t.me/bolalarpsixologiuz

Олдингиларини "закрепить" 📌 қилганман☝️☝️☝️

Сиз учун йўналиш, истаган мавзуни устига босиб , ўқиб, эшитишингиз мумкин⤵️⤵️⤵️