Динара Боранбай

Бүгін демалыста ерте тұрып алып, ай бір пысық болдым. Қыздар жұмыста болғанын пайдаланып, музыканы қойып алып, от души үйдің ішін тазаладым. Балконнан бастап үй жинау процесі кір жуумен аяқталды. Бәрін бітіргеннен кейінгі рахат сезімді айта алмаймын😮‍💨

Әдетте, ұйқыдан 10-11-де тұратынмын. Демалыс тез-ақ өтіп кететін ғой. Ал қазір тағы не істесем екен деп отырмын🤣

Қысты суық деп ұнатпайтын адамдар өте көп. Бірақ ол адамдардың суықтығы жанында түк те емес… Мейірімді болайықшы!

Қарапайым ғана әрекеттен мейірім туындайды. Жылы сөз айту, көмектесіп жіберу, демеу болу, жол беру, кезекте тұрсаң өткізіп жіберу, байқаусызда аяғыңды басып кетсе, кешіре салу, т.с.с. болмашы әрекеттер. Жүректі тасқа да, мұзға да айналдырмай, содан сақтануға амал етейікші. Жүрек те, сен де – біреу, ешкім мәңгі өмір сүрмейді.

@dinaraboranbay1

Бүгін жауған қардан ерекше әсер, ой түйіп үйге қайттым. Қарбаласқа толы тіршіліктен бір сәтке аластап, табиғаттың бұл мезгілін тып-тыныш барладым. Біз мән бермейтін қарапайым нәрсе өте көп. Тек оған уақыт арнай алмаймыз, себебі жүйткіген өмір ағыны оған есе бермейді.

Бүгін жүрегіме сұрау салып көргем. 1 апта бұрын «Бейсен және болмыс» кітабын оқып бастағам, сол жерден өзіме керек жауапты бүгін таптым. Көңілім бүтін болса да, терең ойға батып кетіп жүрмін. Сөйтіп, бүгін іште жиналған ойдың бәрін жауған қармен бірге төгіп-төгіп алдым. Мен эмоцияларымды, негативтерді осылай шығарамын, көбіне жазамын өздерің білетіндей. Содан да болар, сырт-көзге негатив эмоциямды мүлдем көрсетпеймін, үнемі жақсы көңіл күймен жүруге тырысамын. Менің қай бір эмоциям болсын, бәрі менің айналама, жұмысыма әсер етеді. Сол үшін де өз кесірімді, өзіме де, өзгеге де тигізіп алудан барынша сақтанамын. Бұл менің өмірлік әрекетіме айналғалы қашаан…)

Сосын кітаптан мына бір сұрақты өзіме түртіп алдым

«Мені «Мен ғып тұрған» қайталанбас қасиетім қайсы?».

Осы сұрақты өздеріңе қойып көріңдерші. Лажы болса, төменге жауаптарыңды жазып кетсеңдер болады👌

Қиялымның шекарасы шексіз болып жатысымды қарашы. Бұл уақытта ұйықтап қалуым керек еді, бірақ ішімде бірдеме «шығамын» деп түртпектейді. Соны жазайын да, кетейін)

Негізі, түн ертеңге деген үміт пен арманның бекітілер уағы ғой. Бұрын дәл осы уақыт мен үшін жұмыс істейтін уақыт болатын. Түнгі ұйқымды қиып, арман жолына арнадым. Кәсібилікке ұмтылу мен арманға деген адалдық – бәрін ұмыттыратын. Айта берсем көп. Ал қазір сол кездегі энергия қайда кеткенін білмеймін. Қат-қабаттап ақылы да, тегін де жұмыс істеген өзімді қазір бір жұмыспен шектетіп, еркелетіп жібергендеймін. Ойлаймын да, ол да қазіргі сәтке жетуіме себеп шығар, шүкір!

Ал қайырлы түн!

@dinaraboranbay1

Нәзік!
Суретті ұсынғанда
Гүл өңнен
Шаттық көрдім.
Махаббатқа мәз бе едің?!
«Бақыттымын» дегім келіп тұр ем мен,
«Бір керемет сөзді тауып жаз», — дедің!

Ертеңіме екеу болып қараймын,
Екі жүрек дүрсілдейді кеудемде.
Керемет сөз болар ма екен, арайлым
Бақыттымын! – деуден де!

10.02.1968
Жарасқанның Әбірашы

p.s. Осындай іңкәр, мөлдір сезімге толы өлең арналған ақын жары бақытты. Мен де болашақта менің шат-шадыман сезімдерімнің қосындысы бар өлең жолдарын арнармын... Өлең ғана емес-ау, кеудеде тұнып тұрған шабыттан шыққан дүниенің бәрін төгемін-ау сонда…)

Бүгін өзім жұмыс істеген жерге қолыма тәттімді алып, қонаққа барып қайттым. Менің аяқ асты жұмыстан шығып кетуім әріптестерімнің көңілін түсірген болатын. Солай тосын сый жасап, жұмыс орнына кіріп бардым. Бәрі сағынып қалыпты, құшақтарына құлай кеттім😅

Менің әріптестерім мамаммен жасты кісілер. Екі жылға жуық уақытымды сол ортада өткіздім. Бергенімнен алғаным көп ол кісілерден. Алғыс пен қошеметке, үйдегідей бөленген махаббатқа, разылыққа белшемнен батқанмын. Сол үшін де – ол орта маған өте ыстық.

Әдетте, адамдармен қоштасқанды ұната бермеймін. Себебі, бәріне уақытша деп қараймын. Мәңгілік ештеңе жоқ. Ол ортада да мәңгі жүрмейтінім анық болатын. Тәжірибе мен берілген уақыт үшін, өмірімде сол адамдарды кездестіргені үшін алғыстымын! Құдайдан үнемі өмірімде жақсы адамдарды, ортаны кездестіруін сұраймын. Ол арқылы аларың, санаға түйерің көп болады.

P.S. Айтқым келетіні, бәрі де адамның қандай екеніне емес, ниетіне қарай бұйырады.

Қайырлы түн!

@dinaraboranbay1

Біреуге айтар сөзіңнің салмағын, ауырлығын алдымен өзің сезін.

@dinaraboranbay1

Сен өзіңе «Мен кіммін?», «Мен не істеп жүрмін» деген сұрақты қаншалықты жиі қоясың? Мен өзіме бұл сұрақты 1 курс оқып жүргенде қойғанмын. Ол кездегі пікір еліктеушілік санадан туған еді. Қазір мүлдем басқа жауап. Жақында бөлісемін.

🌛Тыңдаймыз, бірақ талқыламаймыз

Арманы, мақсаты жоқ адамдармен орта құрмаймын. Себебі адамды өсіретін де, өшіретін де – ортасы.

Көңілімді қалдырған адаммен екінші рет жақын қарым-қатынас құрмаймын. Сыйластық қалса да, бұрынғы қатынасты қайтара алмайсың.

Адамдармен конфликтке түскенді ұнатпаймын. Ондай жерден, оқиғадан барынша сақтанамын.

«Бірде көл, бірде шөл» адамдарды мүлдем ұнатпаймын. Адамның эмоциясын түсінбейтін адам – сыйлауды білмейді.

Адамдардан шынайылықты, қарапайымдылықты қатты бағалаймын. Бірақ ондай адамдарды қоғам жұтып қояды. Мінез – қару.

Өмірімнен кеткен адамдарға «жолың болсын!» деймін. Бірақ «қош келдің!» талқыланбайды.

Токсик, негатив, өміріне разы емес, жаман энергиясын тарататын адамдардан бірден қашамын. Себебі оның энергиясы адамды тез тартады. Барынша аулақ болған жөн!

Желіде, өмірде болсын адамдарға энергиямды көп арнап қоямын. Сол үшін де кейде артық сөз, энергия құртқым келмейтін кездер көп болады.

Кез келген нәрседе адалдық – басты құндылық деп танимын. Өмірімдегі жақсылық, ризық, сәттіліктер адал жүріп, тұруымда.

Жасаған әрекеттеріме адамнан қайтарым күтпеймін. Соңғы 2 жылда осыны қалыптастырдым. Күтіп қалу мен үміттену – ең сорлы әрекет!

Асылық сөйлеуден қорқамын, сол үшін аңдап сөйлеп, тілге тиек қоятын сәттерім өте көп. «10 күнәнің 9-ы тілден».

Сыңарларым алдында көп міндетсінетінім жаман, сонымды жек көремін. Ол жолда да оны жоюға тырысып жүрмін.

p.s. түннің осы бір уағы ұнайды. Отырып-отырып, өзіме бір ескерту мен өзім жайлы есеп беру жазбасын жазып алдым. Қайырлы түн!

Адамнан келген жақсылықтың бағасы болмайды. Бастысы ол адамға деген құрметің болсын!🙌

@dinaraboranbay1

🇰🇿Тәуелсіздігіміздің тұғыры биік болсын! Қоғамның емес, адамның санасы түзелсін! Бәрінен де сол маңызды болып тұр.

Махаббат логикамен емес, жүрекпен шешіледі

Өздерің қайта-қайта тыңдайтын, сүйікті әндерің болса, пікірге бөлісіңдерші🤎