Зулҳижжа айы кирип келмекте. Бул айда қандай әмеллер қылынады?
• Зулҳижжа сѳзи қандай мәнини аңлатады?
• “Ҳаж ийеси” деген мәнини билдиреди.
• Зулҳижжа айы қандай ай?
• Бул ай Аллаҳ таала урыс, қан тѳгиўди ҳарам қылған (Зулҳижжа, Зулқаъда, Муҳаррам, Ражаб) тѳрт айдың бири, ҳижрий-қамарий календардың ақырғы айы.
• Зулҳижжа айы қандай пазыйлетлерге ийе?
• Ҳаж ибадаты ада қылынатуғын, қурбанлық қылынатуғын, Арафа ҳәм Қурбан ҳайыты белгиленетуғын ай. Бул айда, әсиресе оның дәслепки он күнинде ибадатлар Аллаҳ таала ушын ең сүйикли әмеллерден саналады. Расулуллаҳ саллаллаҳу алайҳи ўа саллам: “Зулҳижжа айының он күниндеги әмелден кѳре абзалрақ әмел жоқ”, деген (Имам Ибн Ҳиббан рәўияты).
Бул айда тутылған ораза еки жыллық гүналарға каффарат болады.
Нәбий саллаллаҳу алайҳи ўа саллам: “Арафа күниниң оразасы ѳзинен алдынғы бир жыл ҳәм ѳзинен кейинги бир жылдың гүналарына каффарат болыўынАллаҳтан үмит етемен”, деген (Имам Муслим рәўияты).
Зулҳижжа айын Расулуллаҳ саллаллаҳу алайҳи ўа саллам қалай ѳткизер еди?
Расулуллаҳ саллаллаҳу алайҳи ўа саллам Зулҳижжа айының дәслепки тоғыз күнинде, Ашура күнинде ҳәм ҳәр айдан үш күнде – айдың дәслепки дүйшембиси менен еки пийшембисинде – ораза тутар еди (Имам Аҳмад рәўияты).
Нәбий саллаллаҳу алайҳи ўа саллам жәнеде кѳбирек зикир қылар еди ҳәм: “...Бул күнлерде таҳлил (Ләә иләәҳа иллаллаҳ Муҳаммадур Расулуллаҳ), тәкбир (Аллаҳу әкбар) ҳәм таҳмид (Әлҳамдулиллаҳ) айтыўды кѳбейтиңлер!” дейтуғын еди (Имам Аҳмад, Имам Байҳақий рәўияты).
Расулуллаҳ саллаллаҳу алайҳи ўа саллам мына дуўаны кѳп айтар еди: "Ләә иләәҳа иллаллаҳу ўаҳдаҳу ләә шәрийка ләҳу, ләҳул мулку ўә ләҳул ҳамду ўә ҳуўа ъаләә кулли шай’ин қодийр" (Имам Термизий рәўияты).
Telegram каналымыз:👉
t.me/imamiyshanuz