milli.kzn

«Апуш.Нәниләр» мәктәп-студиясендә тәүге премьера!🐣

Тамашачылар хозурына язучы Айгөл Әхмәтгалиева әсәре буенча «Тыз-быз» спектакле тәкъдим ителәчәк🐝

📍Кайда: Г.Камал исемендәге Татар дәүләт академия театрының яңа бинасындагы универсаль зал (Х.Такташ урамы, 74 йорт)
📍Кайчан: 8 апрель, 16:00

«Тыз-быз» пьесасы да узган ел көз көне Казан Мэриясенең «Алмачуар» драматургия конкурсында җиңү яулады һәм беренче мәртәбә сәхнәгә куела.

Спектакльнең режиссеры – «Апуш.Нәниләр» мәктәп-студиясенең кураторы, актерлык осталыгы остазы, кино актрисасы, Татарстанның театр эшлеклеләре берлеге әгъзасы, җырчы Гүзәл Сибгатуллина.

Барлык рольләрне дә «Апуш.Нәниләр» мәктәп-студиясендә шөгыльләнүче 4-8 яшьлек 36 бала уйнаячак.

🐝Нәни бал корты Тызбыз нинди маҗараларга юлыккан? Шөпшә белән Боҗан ни өчен гел этлек эшләргә генә торалар? Умартада ялкау бал кортлары да яшиме? Бал каян килеп чыга? Бергәләп җырлы-биюле умарталыкка барыйк әле – барыйк, карыйк, сорауларга җавап табыйк!

«Апуш»та премьера!

26 март көнне «Сәйдәш» мәдәният үзәгендә «Апуш» студиясе, Бөек Җиңүнең 80 еллыгына багышлап, «Көндәлек» дип аталган биографик драма тәкъдим итте.

«Көндәлек» пьесасы узган ел көз көне Казан Мэриясенең «Алмачуар» балалар һәм яшүсмерләр аудиториясе өчен татар телендә язылган пьесалар конкурсында җиңү яулаган иде. Бу әсәрнең сәхнәгә беренчел куелуы, «Апуш» студиясе шәкертләре дә драматик әсәрне тәүге тапкыр сәхнәләштерә.

Чынбарлыкка нигезләнеп язылган пьеса авторы – язучы Гөлүсә Батталова. Спектакльне сәхнәгә куючы режиссер – «Апуш» студиясе җитәкчесе, актерлык осталыгы остазы Алия Фәйзрахманова.

Сугыш чоры әби-бабаларыбызның көндәлеген «Сәйдәш» мәдәният үзәгендәге төркемгә йөрүче 37 шәкерт «укыды».

📲Тулырак Вконтактедагы төркемдә.

Тамашаны әти-әниләр, килгән кунаклар бик җылы кабул итте, аягүрә алкышлады. Спектакльне кабаттан 2 нче апрель «Сәйдәш» мәдәният үзәгендә карый аласыз. Башлана: 16:00.
🎟Билетлар сатуда

В Мэрии Казани стартовали курсы татарского языка для всех желающих.

Курсы рассчитаны на несколько уровней подготовки – начальная и продвинутая. Занятия будут проходить раз в неделю по два часа в Исполнительном комитете г.Казани.

Педагог курса – Призер Всероссийского профессионального конкурса «Лучший учитель родного языка и родной литературы – 2024», победитель Регионального этапа Всероссийского профессионального конкурса «Лучший учитель родного языка и родной литературы – 2024», призер конкурса «Учитель года города Казани - 2024» в номинации «Учитель татарского языка и литературы», обладатель Гран-при Конкурса молодых писателей «Иделем Акчарлагы- 2018» в номинации "Поэзия", поэтесса и учительница татарского языка Лейла Гарифзянова.

Лучшим учащимся курсов будут вручены Благодарственные письма и памятные подарки. Следующий курс стартует в июне.

«Апуш» студиясе «Театраль Идел буе» фестивалендә җиңү яулады

Бүген, Халыкара театр көнендә, VI «Театраль Идел буе» балалар һәм яшьләр театр коллективлары фестиваленә йомгак ясау һәм җиңүчеләрне игълан итү булды.

Финалда Идел буе федераль округының барлык субъектларыннан 28 спектакль катнашты. Фестивальгә йомгак ясауның төп мәйданчыгы Ижау шәһәрендә булды. Турыдан-туры трансляция барышында Идел буе федераль округының 14 төбәге эксперт жюриның тавыш бирү нәтиҗәләрен игълан итте.

🏆«Иң яхшы балалар спектакле» номинациясендә «Апуш» татар балалар театр студиясенең «Авыл эте Акбай» мюзиклы җиңеп чыкты. Спектакльнең режиссеры – «Апуш» татар балалар театр студиясе җитәкчесе Алия Фәйзрахманова.

🏆Балалар спектакльләре арасында «Иң яхшы ир-ат роле» номинациясендә Акбай ролен уйнаган Рәмис Хәкимов, «Иң яхшы музыкаль бизәлеш» номинациясендә спектакльгә көйләр язган композитор Зөлфәт Вәлиуллин җиңү яулады.

Җиңүчеләрне бүләкләү 15-18 апрельдә Ижау шәһәрендә узачак.

📲Тулырак Вконтактедагы төркемдә.