Менің спорттық мансабымның аяқталуы – әлемдік көшбасшыларға қарсы бәсекеге түсуге мүмкіндігімнің жоқтығын түсінгенімде басталды. Жасыма қоса бұрынғы жарақаттарым басты себеп болды. Азияда төртінші орын алған кезімде мансабымды аяқтау керек екенін түсіндім. Әр спортшының мансабы аяқталады, бірақ бұл кезеңге дайын болу оңай емес. Моральдық және материалдық тұрғыдан қиынға соқты. Дегенмен, отбасының қолдауы мен спорттан алған тәжірибем арқылы қиындықтарды жеңдім.

Спорттық мансабым жақсы болды, әрі қарай жаттығуды жалғастыруға да болар еді. Бірақ мен жаттықтырушыммен байланысымды жоғалттым. Командада да жақсы қарым-қатынас болмады. Бұл шешімді мен өзімнің күйеуіммен бірге қабылдадым, ол да бұрынғы бессайыс спортшысы еді. Бұл өте қиын болды, әсіресе әкемнің талапшыл болғанын ескерсек. Ол мені Олимпиадаға бармай үлкен спортты тастағаным үшін ұзақ уақыт бойы ренжіп жүрді.

Қазір мен автокөлік жуу және деталингпен айналысудамын. Бұл бағыт Қазақстанда танымал. Иә, бизнесте де көп уақыт жұмысқа бөлінеді, бірақ қазір мен үйде бұрынғыдан көбірек боламын. Бұл істе оңай емес, бірақ осы бағытта көбінесе баспен жұмыс істеймін. Ең бастысы – спорттан кейін жоғалмау керек. Мен не істегім келетінін білдім, бірақ спорттан кету әлі де қиын шешім болды.

Мен спортта сабырлық пен өзіме деген сенімділікті үйрендім. Бұл дағдылар маған тек бизнесте ғана емес, өмірде де көмектесті.