Енді дарынды оқушылар «Болашақ» бағдарламасымен аясында білім ала алады

Бұл туралы ҚазАқпарат агенттігі хабарлады.

«Бұл өте маңызды түзету: бұған дейін «Болашақ» тек магистратура және докторантура деңгейіндегі оқуды қаржыландыратын. Бұл өз алдына дұрыс шешім болғанымен, халықаралық олимпиадалар жеңімпаздарына қатысты мәселе туындайтын еді. Әлемдік жетекші университеттер бұл талантты балаларға бірден бакалавриатқа гранттар ұсынатын, сол себепті олар шетелге кетіп қалатын. Сол кезеңде біз оларға дәл осындай қолдау көрсете алмадық, сондықтан оларды жиі жоғалтып отырдық. Көпшілігі шетелде оқумен қатар, сол жақта тұрақтап қалып жатты», - деп хабарлады Қазақпарат агенттігі депутат Асхат Аймағамбетовке сілтеме жасап.

Айта кету керек, Алтын медаль үшін оқушыға қаржылай сыйақы көлемі 1500 АЭК немесе 5 538 000 тг. Күміс медаль үшін қаржылай сыйақы көлемі 1000 АЭК немесе 3 692 000 тг. Қола медаль үшін қаржылай сыйақы көлемі 500 АЭК 1 846 000 тг.
Ал оқушының ұстазына базалық лауазымдық жалақының (БДО 17 000 тг көлемінде) 26,5, 17,5, 8,5 еселенген сомасы көлемінде қаржылай сыйақы беріледі.

👨‍🏫👨‍🏫👨‍🏫👨‍🏫👨‍🏫