👨‍🏫 Шардара ауданы білім бөлімінің лауазымды тұлғалары мемлекетке 3,7 млрд теңге көлемінде залал келтірген, тергеу аяқталды

Сыбайлас жемқорлыққа қарсы қызмет Түркістан облысы бойынша департаменті Шардара ауданы білім бөлімінің лауазымды тұлғаларына қатысты сотқа дейінгі тергеуді аяқтады.
Бұл туралы Антикор хабарлады.

12 қатысушыдан тұратын тұрақты ұйымдасқан топ, оның ішінде бөлім басшылары мен олардың бағынысты бухгалтерлері білім беру саласында нақты жұмыс істемеген жеке тұлғаларға, сондай-ақ өздерінің жеке шоттарына жалақыны заңсыз аудару жолымен 2020-2023 жылдар кезеңінде бюджет қаражатын жымқырды деп күдіктенеді және қылмыстық әрекеттерімен мемлекетке 3,7 млрд теңге көлемінде залал келтірген.

Қабылданған шаралармен жалпы сомасы 639,8 млн теңгеге залал өтелді және мүлікке тыйым салынды.

Қазіргі уақытта қылмыстық іс сотқа дейінгі тергеудің аяқталуы туралы есеппен прокуратураға жіберілді.
👨‍🏫👨‍🏫👨‍🏫👨‍🏫

📱 Telegram / 📱 Facebook