Qazaqstan.tv


Channel's geo and language: Kazakhstan, Kazakh


⚡️Егер сіз оқыс оқиғаның куәгері болсаңыз,
📢Айтар жаңалығыңыз,
⚠️Жариялағыңыз келетін ақпаратыңыз болса,
❗️Онда бізге жіберіңіз.
Видео, фото және аудиоларды жүктеп, қысқаша мәліметті қоса жолдаңыз.
@qazaqstantvshare_bot

Related channels  |  Similar channels

Channel's geo and language
Kazakhstan, Kazakh
Statistics
Posts filter


ТЖ министрі Батыс Қазақстан облысына қайта келді

Шыңғыс Әрінов Бөрлі ауданындағы ауылдарда салынған қорғаныс бөгеттерін тексерді.

Жайық өзеніндегі су деңгейінің көтерілуіне байланысты өңірдің кейбір ауылдарын су басу қаупі бар. 

📌Министрлік тұрғындардан дүрбелеңге түспеуді, Төтенше жағдайлар департаменті мен жергілікті атқарушы органдардың ұсыныстарына сәйкес әрекет етуді және қажет болған жағдайда қауіпсіз жерлерге эвакуациялануды сұрады.

@qazaqstantv


Video is unavailable for watching
Show in Telegram
Қазақмыс тасқыннан зардап шеккен өңірлерге көмек ретінде 40 млрд қаржы аударды

Бұл қаражат балабақша, мектеп, аурухана және тұрғын үйлерді салуға және жөндеуге жұмсалады.

Компанияның ресми өкілі Арман Тілеукеновтың айтуынша, «Қазақмыс» тасқын болған аймақтарға бұған дейін құны 800 млн болатын гуманитарлық көмек, соның ішінде аяқ-киім, киім-кешек, азық-түлік, басқа да керекті құралдар тиелген 200 тонна жүк жіберген.

@qazaqstantv


Қ.Бозымбаев тиісті министрліктерге екі күнде су тасқыны салдарынан бүлінген бірінші қажеттіліктегі мүлік үшін залалды өтеу алгоритмін әзірлеуді тапсырды

Мұндай мүлік тізіміне тамақ сақтауға және дайындауға арналған заттар, тамақ ішуге және ұйықтауға арналған жиһаз заттары, азаматтарды ақпараттандыру құралдарының заттары, сумен жабдықтау және жылыту құралдары кіреді. Бұл өтемақыны жергілікті атқарушы органдар бюджет және бюджеттен тыс қаражаттан қарастыратын болады.

Бұдан бөлек, Премьер-Министрдің орынбасары Қ. Бозымбаев екі күн ішінде үлкен судан зардап шеккен егістік жер иелері мен ауыл шаруашылығы тауарын өндірушілерге қаржылық көмек көрсету алгоритмі әзірлеуді жүктеді.

@qazaqstantv


Video is unavailable for watching
Show in Telegram
Батыс Қазақстанда 6000-нан астам ерікті тасқынмен күреске жұмылдырылған

Олардың арасында көрші елдерден келіп қолғабыс етіп жатқандар бар. Мысалы, Оралға арнайы келген өзбек кәсіпкері бөгет соққандарға палау басып жатыр. Аспаз Әли Батыроғлының айтуынша, бауырлас ел қиналған шақта үйінде отыра алмаған. Ал дайын асты таратып, жеткізуге волонтерлар атсалысуда.

Сондай-ақ қарапайым тұрғындар, кәсіпкерлер, қоғамдық ұйым өкілдері, мұғалімдер де тасқынмен күресіп жатқан азаматтарға тегін ас үлестіріп жатыр.


@qazaqstantv


Video is unavailable for watching
Show in Telegram
Оралдағы Жайық өзенінің деңгейі тәулігіне 13 см көтеріліп, 8 метрден асты

Батыс Қазақстан облысындағы Бөрілі ауданында Жайық суы 10 метрге жеткен. 60 мыңға жуық халқы бар аудан үшін бұл қауіпті. Сондықтан күн-түні тасқынмен күрес жұмыстары жүріп жатыр.

Облыс орталығы Оралда «Телеорталық» деп атап кеткен аумақтағы саяжайларға су кірген. Осыған орай эвакуациялау жұмыстары мен халықты құлақтандыру шаралары әлі жалғасып жатыр.

Жалпы өңірде эвауацияланғандардың саны 14 мыңға жуықтады. Қалада 50 мектеп пен 7 балабақша онлайн оқыту жүйесіне көшіп, 500 бала эвакуациялық пунктерде біліп алып жатыр.

@qazaqstantv


✈️Алматы-Дубай бағытындағы рейстер тоқтатылды

Дубай әуежайында енгізілген шектеулерге байланысты Air Astana Алматы-Дубай және кері бағыттағы рейстерді уақытша тоқтатты. Жолаушылар билеттің сомасын қайтарып ала алады немесе басқа уақытқа брондай алады. Сондай-ақ өзге де әуе компаниясына жүгінуге болады.

Еліміздегі турагенттіктер де осы бағыттағы билетін қайтарып жатқан жолаушылардың көбейгенін хабарлады.

@qazaqstantv


Video is unavailable for watching
Show in Telegram
«Жерұйық – Қазақстаным»

Әні: Медет Салықов
Сөзі: Қалқаман Сарин


📌Су тасқыны басталғалы елімізде 118 мыңнан астам адам құтқарылды. Оның ішінде 44 мыңнан астам бала бар. 20 823 адам өз үйіне оралды.


Video is unavailable for watching
Show in Telegram
Президент Қасым-Жомарт Тоқаев қырғыз халқына алғыс айтты

Қазақстанға Қырғызстан Президенті Садыр Жапаров ресми сапармен келді. Ақорда бауырлас елдің басшысын құрметпен қарсы алды.

Мемлекет басшысы Қырғыз Президентінің Астанаға сапары аясында тарихи келісімге қол қойылатынын және қазақ-қырғыз қатынастарының қарқынды дамып келе жатқанына назар аударды. Бұған белсенді саяси диалог, үкіметаралық және парламентаралық тығыз байланыстар ерекше серпін беріп отырғандығы атап өтті. Сондай-ақ қиын-қыстау кезде гуманитарлық көмек көрсеткен қырғыз халқына алғыс айтты.

@qazaqstantv


⚡️Қазақстанда вейптерге тыйым салынды

Мемлекет басшысы Қасым-Жомарт Тоқаев вейпке тыйым салатын заңға қол қойды.

Денсаулық сақтау мәселесіне қатысты заңда темекі өнімдерін, вейптерді, хош иістендіргіштерді және оларға арналған сұйықтықтарды сатуға, таратуға, сондай-ақ оларды жарнамалауға тыйым салу қарастырылған. Бұл норма ресми жарияланғаннан кейін 60 күн өткен соң қолданысқа енгізіледі.

@qazaqstantv


Video is unavailable for watching
Show in Telegram
🇰🇿 Париж Олимпиадасының 40-лицензиясын еркін күрес шебері Әлішер Ерғали еншіледі

🤼 Бішкекте өтіп жатқан күрес түрлерінен Азиялық іріктеу турнирінде 97 келі салмақ дәрежесінде сынға түскен Әлішер Ерғали қытайлық Абусайман Хабиланы 3:2 есебімен жеңіп, Олимпиада ойындарына жолдама алды.


Қасым-Жомарт Тоқаев пен Садыр Жапаров Астанадағы Айкөл Манас ескерткішін салтанатты түрде ашты

Мемлекет басшысы бұл - ең алдымен, қазақ халқының қырғыз ағайынға деген риясыз құрметінің белгісі екенін атап өтті.


🇰🇿🇰🇬Садыр Жапаров Астанаға ресми сапармен келуге шақырып, қырғыз делегациясына көрсетіліп жатқан меймандостық сый-құрметі үшін қазақ халқына алғыс айтты

Қырғыз Президенті бүгінгі кездесу екі мемлекет арасындағы одақтастық және стратегиялық серіктестікті мүлдем жаңа деңгейге шығаруға әрі оның мазмұнын байытуға ықпал ететініне сенім білдірді.

"Біз құрметті Қасым-Жомарт Кемелұлымен бірге саяси-экономикалық, инвестициялық, мәдени-гуманитарлық мәселелерді кеңінен талқыладық. Жоғары мемлекетаралық кеңестің кезекті жиынын өткізіп, өзара серіктестігімізді нығайтуға және күн тәртібіндегі мәселелерді шешуге бағытталған бірқатар уағдаластыққа қол жеткіздік", – деді Садыр Жапаров.


📌Сондай-ақ Қазақстан мен Қырғызстанның Жоғары мемлекетаралық кеңесі алтыншы отырысының қорытындысы бойынша бірқатар құжаттарға қол қойылды.


Video is unavailable for watching
Show in Telegram
Ақмола облысында тасқыннан зардап шеккен аймақтарда тұратын 18 оқушы лагерьде демалып жатыр

Есіл ауданына қарасты бірнеше ауылдан келген бүлдіршіндер Зерендідегі демалыс орнында тоғыз күн болады. Ал мектеп бағдарламасын қашықтан оқиды. Лагерьде балалар ға қажетті барлық жағдай жасалған. Олар киім-кешек, оқуға қажетті құралдармен толық қамтамасыз етілген.

Тәлімгерлер оқушылардың бос уақыты тиімді және қызықты өтуі үшін күн сайын мәдени және спорттық шаралар ұйымдастырады.


Video is unavailable for watching
Show in Telegram
Петропавлда мектептерде орналасқан эвакуациялық пункттер жабылады

Келер аптадан білім ошақтары офлайн форматқа ауысады. Сондықтан спорт залдарын босату қажет. Онда тұрып жатқан азаматтар жатақханаға көшіріле бастады.


Video is unavailable for watching
Show in Telegram
Шығыс Қазақстанда су тасқынының екінші толқыны басталды

Бұл туралы облыстық ТЖД өкілі Дина Бексұлтанова айтты.

Аймақтың солтүстік шығыс және шығыс бөлігіне қауіп бар, деді. Қазір жағдай бақылауда. Мемлекеттік және жергілікті атқарушы органдар тәулік бойы тасқынға байланысты мониторинг жүргізіп жатқанын жеткізді.

Ал Солтүстік Қазақстанда қызыл судан зардап шеккендерге өтемақы төлеу бойынша жұмыс жүргізіліп жатыр. Қоғамдық штабтың мүшесі азаматтарға құжат жинауға барынша көмек көрсетіліп жатыр.


Video is unavailable for watching
Show in Telegram
Жайықтың Бөрлі ауданындағы су деңгейі 10 метрге жетті

Ондағы су деңгейі 10 метрге дейін көтерілді. Бұл 60 мыңға жуық халқы бар аудан үшін қауіпті, сондықтан онда күн-түні тасқынмен күрес жұмыстары жүріп жатыр.

❗️Облыс бойынша 23 тасжолды су шайды. Салдарынан 9 елдімекенге көлік қатынасы жоқ.


Video is unavailable for watching
Show in Telegram
Ресейден нөпір су келе жатыр

Ресейдің Орынборынан шыққан нөпір су Батыс Қазақстан мен Атырау облыстарына сәуірдің 20-сы, яғни ертең жетеді деген болжам бар. Соңғы мәліметке сай, Орал қаласындағы Жайық өзенінің деңгейі 8 метрге жеткен. Қауіпті деңгей 8,5 метр болып саналады.

Ал бірер сағат бұрын «Қазгидромет» мамандары Ақмола облысындағы Нұра өзенінің су деңгейі шекті мөлшерден 5 см-ге асқанын мәлім етті. Сондай-ақ 4 сағатта 6 см-ге артқанын анықтаған.


Video is unavailable for watching
Show in Telegram
Мемлекет басшысы қиын-қыстау кезде гуманитарлық көмек көрсеткен қырғыз халқына алғыс айтты

Президент Қазақстан бұрын-соңды болмаған су тасқынымен күресіп жатқанын атап өтті. Сонымен қатар қазақ-қырғыз қатынастарының қарқынды дамып келе жатқанына назар аударды.

Ақорда бауырлас елдің Президентін құрметпен қарсы алып, қос елдің басшысы келіссөздер өткізді. Қасым-Жомарт Тоқаев Қырғыз Президентінің Астанаға сапары аясында тарихи келісімге қол қойылатынын айтты.


🚣 Байдарка мен каноэ есуден Қазақстан құрамасы Олимпиада ойындарының алты лицензиясын жеңді

Токиода өтіп жатқан каноэ мен байдаркада ескек есуден Азия чемпионатында Қазақстан құрамасы сәтті өнер көрсетіп жатыр. Каноэде 500 метрге ескек есуде Қазақстан әйелдер құрамасы (Мария Бровкова, Руфина Искакова) чемпион атанып, жазғы ойындарға жолдама алды.

Осыдан кейін байдаркада 500 метрге жарыста Қазақстан ерлер құрамасы (Бекарыс Раматулла, Сергей Токарницкий) жарыс жеңімпазы болып, Олимпиада жолдамасын иеленді.

📌 Қазір Қазақстан делегациясында 14 спорт түрінен 39 лицензия (37 спортшы) бар.


Астанада 19 сәуірден бастап жылу беру маусымы тоқтайды

Бұл туралы қалалық әкімдіктің ресми сайты хабарлады.

Ауа райының қолайлы жағдайларының белгіленуіне байланысты қала әкімдігі жылыту маусымын 19 сәуірден бастап аяқтау туралы шешім қабылдады, делінген хабарламада.

20 last posts shown.