һөйөнсө, бәпес тыуған!

Республикала Яңы йыл төнөндә 10 сабый - 5 малай һәм 5 ҡыҙ донъяға килгән. Иң беренсе балалар Өфөлә һәм Белорет үҙәк район дауаханаһында тыуған. Юлия һәм Игорь Тудаковтарҙың - ҡыҙы, Рукияхон һәм Рәүҙәт Хәкимовтарҙың - улы бар.

Башҡортостан башлығы социаль селтәрҙәге сәхифәһендә ошо турала яҙған. Радий Хәбиров сабыйҙарға һәм уларҙың ата-әсәләренә һаулыҡ теләгән. Яңы йылда дежур булған медицина хеҙмәткәрҙәренә оло ихтирамын белдергән.