SDU University Official

ВАКАНТТЫ ГРАНТТАР✨

Құрметті білімгер, босаған білім беру грантына өтініш қабылдаймыз🥁

Бекітілген файлда мамандықтар бойынша бос гранттың орындары көрсетілген.

Өтініш беру шарттары:

1. Өтінішті ақылы негізде оқитын білімгер ғана бере алады;
2. Барлық оқу кезеңіндегі ең төменгі орташа балл 2,5-тен жоғары болуы керек;
3. “F” бағалары бар білімгер қатысуға жіберілмейді;
4. Өтініш үлгіге сәйкес берілуі керек. “Босаған білім беру гранты” Google-формасын толтыруды ұмытпаңыз. Googlе-форманы дұрыс толтырғаныңызға көз жеткізіңіз, себебі қате деректер өтініштен бас тартуға әкелуі мүмкін;
5. Өтініштер бүгін (16 қаңтар) кешкі сағат 23:59-ға дейін қабылданады;

Назар аударыңыз:
* Көрсетілген талаптарға сәйкес келмейтін өтініштер қаралмайды.

🏆Жоғары оқу орнының үздік оқытушысы 2️⃣0️⃣2️⃣4️⃣

Республикалық конкурстық комиссия өз мамандығы бойынша ең үздік оқытушыларды таңдады.

Конкурсқа еліміздің 90 жоғары оқу орнынан барлығы 946 үміткер қатысты. Қазақстандық 38 жоғары оқу орнының 150 оқытушысы жеңімпаз атанды. Олардың әрқайсысы 2000 АЕК көлемінде сыйақы алады, бұл шамамен 7 млн теңгені құрайды.

Ақшалай ынталандырудан бөлек «2024 жылғы Жоғары оқу орнының үздік оқытушысы» конкурсының жеңімпаздары төсбелгіге ие болды.

SDU University мекемесінен 4 үміткер байқауға қатысты. Соның ішінен Компьютерлік ғылымдар кафедрасының ассистент профессоры Бакранова Дина жеңімпаз атанды.

Конкурс жыл сайын оқытушы беделін арттыру және одан әрі кәсіби тұрғыдан дамытуға ынталандыру мақсатында өткізіледі.

SDU оқытушысын жарқын жеңісімен құттықтаймыз💐

⚜️2024 жылдың айтулы 10 жетістігі:

▪️SDU University беделді QS Asia University Rankings 2025 рейтингінде жоғары нәтиже көрсетіп, 461-470 орындарға дейін көтерілді әрі Орталық Азияның ең үздік 30 университетінің қатарына енді.

▪️Freedom Shapagat SDU студенттері үшін жаңа оқу ғимаратын тұрғызуда.

▪️15 мамандық “Атамекен” ҰҚП рейтингісінде ТОП-10 тізіміне енді.

▪️SDU University 7 мыңнан астам адам қатысқан жылдың ең ауқымды GRAND жәрмеңкесін өткізді.

▪️130 баллдан жоғары жинаған 246 талапкер SDU студенті атанып отыр. Мемлекеттік грант конкурсының нәтижесі бойынша SDU университетіне 1401 талапкер грантқа түсті.

▪️SDU University зерттеуші ғалымдары 2024-2026 жылдарға арналған ғылыми жобаларға грант ұтты.

▪️Қытайдың 7 университетімен ынтымақтастық орнатылды.

▪️SDU University білім ордасында ICBCB конференциясы өтті.

▪️SDU университетінде БҰҰ-ның Тұрақты даму мақсаттарына арналған стендтің салтанатты ашылуы өтті.

▪️Өнертапқыш студенттеріміз көліктің жаңа моделін жасап шығарды.

Возможность для студентов SDU 📢

Если вы относитесь к социально уязвимым группам и являетесь студентом с хорошей успеваемостью, у вас есть шанс получить скидку на оплату обучения.

📌 Что нужно сделать?
- Заполнить форму по ссылке
- Прикрепить подтверждающие документы
- Написать мотивационное письмо
- Приложить характеристику от эдвайзера

🗓 Дедлайн: 29 декабря 2024 года
📢 Результаты: 31 декабря 2024 года на сайте SDU


По вопросам можете написать:
✉️ grantoffice@sdu.edu.kz
✉️ maksut.gatiat@sdu.edu.kz

Ссылка на регистрацию: https://forms.gle/vWhwZe91f1Latw8MA

Құрметті SDU қауымдастығы!

Сіздерді Қазақстан Республикасының Тәуелсіздік күнімен шын жүректен құттықтаймыз!

Бұл мереке бізге еркіндіктің, бірліктің және еліміздің дамуы жолындағы ортақ мақсаттың маңыздылығын еске салады. Әрқайсымыз өз еңбегіміз бен күш-жігеріміз арқылы ел гүлденуіне үлес қосамыз.

Осы айтулы мереке сіздерді жаңа жетістіктерге шабыттандырып, Отанымыз үшін қуаныш пен мақтаныш сезімін сыйласын!

#Тәуелсіздіккүні

⚜️SDU басшылығы арнайы іссапармен Германияның Мюнхен қаласында болып қайтты

8-9 желтоқсан күндері Инженерия, информатика, жаратылыстану және математика ғылымдары саласындағы білім беру бағдарламаларын аккредиттеу агенттігінің (ASIIN) 25 жылдық мерейтойы болып өтті.

Мюнхенде өткен айтулы шараға университетіміздің ректоры Әлімжан Игенбаев пен академиялық істер жөніндегі проректор Андрей Богданчиков қатысып қайтты.

Жоғары білім сапасын қамтамасыз ету саласындағы өзара тиімді ынтымақтастығымыздың белгісі ретінде ректор университетіміздің атынан естелікке кәдесый тарту етті.

Халықаралық ASIIN аккредитациясы SDU университетінің білім беру бағдарламаларының жоғары сапасын және олардың халықаралық стандарттарға сай келетінін растайды.

#ASIIN
#SDU

ҚЫТАЙДЫҢ 7 УНИВЕРСИТЕТІМЕН СЕРІКТЕСТІК - ЖАҢА МҮМКІНДІКТЕРГЕ ЖОЛ АШАДЫ🇰🇿🇨🇳

Жақында SDU университетінің делегациясы “Аспан асты еліне” сапар шегіп, Қытайдың үздік оқу орындарымен танысып қайтты. Нәтижесінде, беделді 7 университетпен әріптестік қарым-қатынас орнатылды.

Қытайдың жетекші оқу орындарымен әріптестік – SDU үшін стратегиялық маңызды бағыт. Бұл ынтымақтастық білім беру және ғылыми зерттеулер саласында халықаралық тәжірибе алмасуға, жаңа технологиялар мен инновацияларды меңгеруге мүмкіндік береді.

Қытай университеттерімен жасалған келісім жайлы материалдың толық нұсқасын оқу үшін осы сілтемені басыңыз.

#SDU
#ХалықаралықТәжірибе

✨SDU OPEN DAY✨

Кеше SDU қабырғасында ерекше күн болды!✨ SDU Open Day шарасына 1000-нан астам абитуриент пен олардың ата-аналары қатысты. Қонақтар университетіміздің мүмкіндіктерімен танысып, болашақ мамандықтарын таңдау жолында маңызды ақпарат алды😊

Әр қонағымызға ерекше көңіл бөліп, SDU-дың арнайы сыйлығын табыстадық. Бұл күн сіздер үшін есте қаларлықтай болды деп сенеміз!💙

Open Day шарасына қатысқан әрбір жанға алғыс білдіреміз🤍

SDU - армандар орындалатын мекен🌟

#OpenDay
#SDU

⚜️SDU University ректоры ҚР Ғылым және жоғары білім министрлігі делегациясының құрамында Huawei компаниясының басшылығымен жүздесті

SDU University ректоры Әлімжан Игенбаев ҚР Ғылым және жоғары білім министрлігі делегациясының құрамында болып, әлемдік жетекші компанияның белді өкілдерімен кездесті. Маңызды кездесуге Huawei вице-президенті Ли Цзюньфэнь және Huawei Kazakhstan бас директоры Макс Чжао және ҚР Ғылым және жоғары білім министрі Саясат Нұрбек қатысты.

Келіссөздердің нәтижесінде Қазақстан Республикасы Ғылым және жоғары білім министрлігі мен Huawei Technologies Kazakhstan компаниясы арасында өзара түсіністік туралы меморандумға қол қойылды.

Меморандум аясында 2025 жылы смарт сыныптар жобаларын іске асыру жоспарланып отыр, бұл үздік студенттерге Huawei компаниясында тағылымдамадан өту және халықаралық конкурстарға қатысу сияқты ерекше мүмкіндіктер береді.

Сонымен қатар, компания түлектерді жұмысқа орналастыруды қамтамасыз ететін жұмыс жәрмеңкелерін ұйымдастырады.

#Huawei
#Қытай