Спорт жайлы

@sportzhaily

Channel's geo and language: Kazakhstan, Kazakh

Category: Sport

Қазақстан және әлем спорты жаңалықтары!
Жарнама бойынша - wa.me/77003151177

Related channels | Similar channels

Channel's geo and language

Kazakhstan, Kazakh

Спорт жайлы

30 Jan, 10:47

⚡️📊 Қазақстандық каратеші қыз әлемдік рейтингте көш бастады

🥋Халықаралық каратэ федерациясы (WKF) жаңартылған рейтинг кестесін жариялады. Тізімде қазақ қызы Мөлдір Жаңбырбай 50 келіге дейінгі салмақта көш басына шықты.

🥉Мөлдір жуырда ғана Парижде өткен халықаралық рейтингтік Каратэ1 Премьер Лигасында қола медаль еншілеген болатын. Бұл нәтиже оның рейтингте бірінші орынға көтерілуіне мүмкіндік берді.

1️⃣Мөлдір Жаңбырбай (Қазақстан) – 5490 ұпай
2️⃣ Иоргелис Салазар (Венесуела) – 5350
3️⃣ Эма Сгарделли (Хорватия) – 3312

👏 Айта кетейік, Мөлдір Жаңбырбай каратеден әлем чемпионы атанған тұңғыш қазақ қызы (2023 жыл). Ол сондай-ақ, 2021 жылғы Азия чемпионатының алтын, 2023 жылғы күміс жүлдегері. Ханчжоудағы Азия ойындарында екінші орын алды.

t.me/sportzhaily

359 0 1 1 10

Спорт жайлы

29 Jan, 20:17

✅ Асудың қарсыласы белгілі болды

👊 Асу Алмабаев - Аллан Насименто

2 наурыз

t.me/sportzhaily

5.8k 1 3 11 10

Спорт жайлы

29 Jan, 19:58

✔️ Бақтияр Артаевқа Вэл Баркер Кубогы қайтарылды

⚠️ Бүгін Астанада Қазақстан бокс федерациясының президенті Шахмұрат Мүтәліп пен бокстан Олимпиада чемпионы Бақтияр Артаевтың қатысуымен кездесу өтті. Басқосудың негізгі мақсаты - Бақтияр Артаевқа Вэл Баркер кубогын табыстау.

⭐️ Вэл Баркер Кубогы - Олимпиада Ойындарындағы үздік боксшыға берілетін қайталанбас жүлде. 2004 жылы Афинадағы бәсекеде чемпион атанған Бақтияр Артаев жарыстың үздік былғары қолғап шебері деп танылды. Артаев өз кубогын бірнеше жыл бұрын халықаралық ұйымға тапсырып, осы мәселе шешімін таппаған еді. Қазақстан бокс федерациясы әлемдік спорттағы құнды жәдігер саналатын жүлдені қайтару үшін нақты қадамдар жасады. Осылайша, бүгін Вэл Баркер Кубогы өз иесін тапты.

t.me/sportzhaily

655 0 0 1 13

Спорт жайлы

29 Jan, 11:45

💣 BOOOOM! Али Ахмедов Астанада танымал поляк боксшысымен жұдырықтасады

🥊 Жекпе жек сарайында өтетін #AllStarsBoxing 3 бокс кешінде отандасымыз Мацей Сулецкимен жұдырықтасады.

🤯 Алидің қарсыласы тәжірибелі боксшы. Мансабында Деметриус Андраде, Дэниэль Джейкобс, Габриэль Росадо және Диего Пачеко сынды танымал боксшылармен жұдырықтасқан. Чемпиондық атаққа таласқан.

🏆 Қос боксшы Астанада WBC Silver чемпиондық белбеуі үшін жұдырықтасады.

Али Ахмедов 🆚 Мацей Сулецки

🗓️: 28 ақпан
🏟️: Астана қ, Жекпе жек Сарайы

5.8k 1 3 2 8

Спорт жайлы

29 Jan, 10:32

00:46

Video is unavailable for watching

Show in Telegram

👏 Ағайынды Сабырхандар әкесіне көлік мінгізді

🥊 Бокстан әлем чемпионы Махмұд Сабырхан мен оның туған інісі Төрехан Сабырхан әкесінің туған күніне ерекше сый жасады. Даңқты боксшылар айтулы күнге орай Toyota Highlander автокөлігін сатып алып, оны салтанатты түрде табыстады.

📱 Қуанышты жаңалығымен Махмұд өзінің Instagram-парақшасында бөлісті.

🏆 Айта кетейік, Махмұд Сабырхан әлем және Азия чемпионы, Олимпиада ойындарына екі рет қатысқан.

✔️ Ал оның туған інісі Төрехан Сабырхан болса жастар арасында әлем және Азия чемпионы. Ол тек былтыр желтоқсан айында ғана ересектер қатарына өтіп, бірден Қазақстан чемпионы атанды. Төрехан спорттық мансабында бірде-бір жарыста жеңіліп көрмеген.

t.me/sportzhaily

5.6k 1 2 3 11

Спорт жайлы

29 Jan, 09:01

⚡️ Өзбекстан чемпионатында екі этникалық қазақ чемпион атанды

🥊 Бокстан Өзбекстан чемпионаты аяқталды. 13 салмақ дәрежесі бойынша өткен жарыста қаны қазақ боксшылар да қатысты.

🥇15 қазақ боксшы арасынан 6-ы жүлделі орыннан көрінді. 63,5 келі салмақта Руслан Абдуллаев жарыс жеңімпазы атанды. Ал 60 келі салмақта Мадияр Данияров топ жарды.

🥈 Финалға шыққан Мадияр Сайдрахимов (92 келі) пен Арман Маханов (+92 келі) күміс жүлде алды.

🥉 Саят Ілиясов (54 келі) пен Сабыржан Тастанов (63,5 келі) қола жүлдені қанағат тұтты.

t.me/sportzhaily

5.8k 1 3 1 11

Спорт жайлы

28 Jan, 19:24

🤼‍♂ Алматыда өтетін PWL 8 турниріне қатысатын қазақстандық балуандар белгілі болды

🇰🇿 Айтулы жарысқа Қазақстаннан 3 балуан қатысатын болды. Олар:
– Ризабек Айтмұқан
– Азамат Дәулетбеков
– Жәмила Бақбергенова

t.me/sportzhaily

757 0 0 5 18

Спорт жайлы

28 Jan, 17:24

🔥 Өзбекстанда чемпионатында қазақ бауырларымыз чемпион атанып жатыр

🥇 60 кг - Мадияр Данияров
🥇 63.5 кг - Руслан Абдуллаев

t.me/sportzhaily

6k 1 3 22 17

Спорт жайлы

28 Jan, 15:58

🥊❌ Стив Эрцег жекпе-жектен бас тартты

🗣️ Жекпе-жекке қатысты Асудың Dar Team командасы ресми мәлімдеме жасады.

Асу Алмабаев жақын арада АҚШ-қа ұрысқа дайындалу үшін ұшатынын ресми түрде мәлімдейміз. Бізге белгісіз себептермен Эрцегтің өзі жекпе-жекке шықпайтын болды. Турнирге дейін бір ай болғандықтан, біздің командамыздың жауынгері үшін жаңа қарсылас таңдалады немесе Стив есін жиып, жекпе-жекті қабылдайды, - деп жазды.

🗓 Айта кетейік, Асу Алмабаев пен Стив Эрцег арасындағы жекпе-жек 1 наурыз күні UFC Vegas 103 турнирінде өтуі керек болған.

787 0 1 4 8

Спорт жайлы

28 Jan, 14:58

🤯 Асу Алмабаевтың жекпе-жегіне қатысты алып-қашпа ақпараттар тарай бастады

❌ Бастапқыда қазақстандық спортшы жекпе-жектен бас тартқаны жайлы инсайдерлер жаза бастады. Бұл ақпаратты спортшының командасы жоққа шығарды.

Ақпарат шындыққа жанаспайды. Жекпе-жектен бас тартқан жоқ. Жуық арада АҚШ-қа аттанады, – деп жазды командасы.

⛔️ Кейіннен Асумен шығуы керек болған аустралиялық Стив Эрцегтің бас тартқаны жайлы айтылуда.

ақырын күтейік...

5.9k 1 1 1 13

Спорт жайлы

28 Jan, 11:11

🤯 Жәнібек Әлімханұлы британдық боксшымен жұдырықтасуы мүмкін

📱 Журналист әрі инсайдер Дэн Рафаэль хабарлағандай, Top Rank промоутерлік компаниясы британдық Шакил Томпсонмен (13-0, 9 КО) келіссөз жүргізіп жатыр екен.

📱 Бұған дейін хабарлағанымыздай, жекпе-жек 5 сәуір күні Астанада өтуі мүмкін.

🥊 Ал оған дейін Томпсон бір жекпе-жек өткізіп алмақ. 7 ақпан Шеффилдте 10 раундтық кездесу өткізеді. Ал қарсыласы әлі анықталмаған. Жәнібекпен жекпе-жегі жайлы ресми ақпарат, осы кездесуінен кейін жариялануы мүмкін.

📊 27 жастағы Шакил Томпсон WBO рейтингінде 10-орында тұрған боксшы. Өзге ұйымдардың рейтингіне енбеген. WBO Global және IBF European аймақтық белбеулерінің иегері. BoxRec орта салмақтағы боксшылар рейтингінде 35-орында тұр.

t.me/sportzhaily

781 0 0 4 11

Спорт жайлы

28 Jan, 08:40

⚡️ Этникалық 4 қазақ боксшы Өзбекстан чемпионатының финалына шықты

🥊 Бокстан Өзбекстан чемпионатының финалына шыққандар толығымен анықталды. Олардың арасында төрт этникалық қазақ жігіті бар.

🥇 Мадияр Данияров (60 келі), Руслан Абдуллаев (63,5 келі), Мадияр Сайдрахимов (92 келі) және Арман Маханов (92+ келі) алтын жүлдеге таласады.

🏆 Жеңімпаздар мен жүлдегерлер бүгін анықталады.

48 келі

✔️ Шодиёржон Меликузиев – Бехруз Холдоров.

51 келі

✔️ Асилбек Джалилов – Мухаммадкодир Мамиржонов.

54 келі

✔️ Шахзод Музаффаров – Фарёзбек Дусматов.

57 келі

✔️ Миразизбек Мирзахалилов – Хужаназар Нортожиев.

60 келі

✔️ Мадияр Данияров – Шохрух Абдумаликов.

63,5 келі

✔️ Руслан Абдуллаев – Адхамжон Мухиддинов.

67 келі

✔️ Мужибилло Турсунов – Шавкатжон Болтаев.

71 келі

✔️ Хавасбек Асадуллаев – Икболжон Холдаров.

75 келі

✔️ Джавохир Умматалиев – Алохон Абдуллаев.

80 келі

✔️ Фазлиддин Эркинбоев – Нурислом Исмоилов.

86 келі

✔️ Нусратбек Тохиров – Акмалжон Исроилов.

92 келі

✔️ Турабек Хабибуллаев – Мадияр Сайдрахимов.

+92 келі

✔️ Джахонгир Зокиров – Арман Маханов.

Айта кетейік, Өзбекстан чемпионатына 15 этникалық қазақ боксшы қатысты.

804 0 0 3 13

Спорт жайлы

27 Jan, 20:29

🥊 WORLD BOXING ұйымы 2025 жылдың Азия чемпионаттарының күндерін бекітті

➡️ Барлық жас дәрежелерінде ерлер мен әйелдер боксы бірге өткізіледі.

⚠️ Біріншіліктерді қабылдайтын қалалар тізімі кейін толық белгілі болады.

809 0 1 5 11

Спорт жайлы

27 Jan, 11:44

Forward from: ДОДА

⚡️Ресми! Станислав Черчесов қызметінен кетті

🇰🇿 Футболдан Қазақстан ұлттық құрамасының бас бапкері Станислав Черчесов қызметінен кетті. Еңбек шарты екі жақтың өзара келісімі бойынша тоқтатылды.

🇰🇿 Станислав Черчесов Қазақстан құрамасының тізгінін 2024 жылдың маусымында ұстады. Оның жетекшілігімен ұлттық құрама УЕФА Ұлттар лигасында 6 матч өткізіп, 1 ұпай ғана жинады.

👋 Сондай-ақ Қазақстан құрамасынан жаттықтырушылар штабы толық құраммен кетті.

📊 Футболдан ұлттық құраманың бас бапкері қызметіне үміткерлер тізімі қарастырылып жатыр.

632 0 0 6 22

Спорт жайлы

27 Jan, 10:37

🏆 #АуылФутбол: «Алтын доп» иегерінің есімі белгілі болды

🗓 25 қаңтарда Алматы төрінде #Aуыл Футбол жобасының басты шарасы – Aуыл Футбол AWARDS-2024 жеңімпаздары салтанатты түрде марапатталды.

🔖 Тимур мен Динара Құлыбаевтардың Halyk қайырымдылық қорының қолдауымен жүзеге асырылып жатқан бұл жоба еліміздегі барлық ауылдық аймақтарындағы балалар арасында футболды дамыту және насихаттауға бағытталған.

Halyk қайырымдылық қоры Алматы филиалының директоры Ғалымбек Жақсылықов: «Бұл жоба «Halyk» қайырымдылық қорының еліміздің түкпір-түкпіріндегі мұқтаж жандарды қолдауға және халықтың өмір сүру жағдайын жақсартуға бағытталған жобаларының бірі. Қор ауылдағы спортты дамытуға осыған дейін 500 миллионға жуық қаржы бөлді. Қордың қолдауының арқасында балалар футболы жаңа деңгейге көтеріліп, жастардың спортқа деген қызығушылығын арттыруға жол ашылды», - деді.

🏆 Марапаттау нәтижелері:

🔔 Салтанатты шарада 15 номинация бойынша жеңімпаздар марапатталып, оларға Halyk қорының арнайы дипломдары мен ақшалай сыйлықтары табыс етілді. Шара қонақтары арасында танымал футболшылар, кәсіпкерлер, қоғам қайраткерлері, саясаткерлер мен журналистер болды.

🔥 #АуылФутбол "Алтын добының" иегері 2024 жылдың «Үздік футболшысы» атанған Данияр ИСЛАМ өз әсерімен былай деп бөлісті: «Бала кезімнен футбол ойнағанды жақсы көремін, менің кумирлерім – әлемдік футбол жұлдыздары. Мен олармен әрқашан мақтанатынмын, үлгі алатынмын! Ал бүгін мен өзім жеңімпаз атандым!».

#АуылФутбол жобасының 2024 жылғы жетістіктеріне тоқталсақ. 2024 жылы жоба жаңа деңгейге көтерілді:

🔴 16 облыстан 114 команда, оның ішінде 128 жаттықтырушы және 4000-нан астам мектеп жасындағы балалар.

🔴 Қазақстан футбол федерациясының Ұлттық бағдарламасы бойынша 100 ауылдық жаттықтырушы оқудан өтіп, УЕФА D санатын алды.

🔴 1000-нан астам ойыншы футбол формасымен қамтамасыз етілген.

🔴 «Футболды басқару» курсын 25 жаттықтырушы аяқтады.

🔴 14 облыстық турнир және қорытынды республикалық турнир өткізілді.

🤝 Halyk қорының қолдауы:

📊 Еске салайық, 2016 жылы Тимур мен Динара Құлыбаевтар құрған Halyk қайырымдылық қоры 120-дан астам әлеуметтік жобаны сәтті жүзеге асырып, 85 миллиард теңгеден астам көмек көрсеткен. Қордың негізгі бастамаларының қатарында ауылдық жерлерде спорттың дамуына ықпал ететін #АуылФутбол және «АУЫЛ СПОРТ» бағдарламалары бар.

713 0 0 2 7

Спорт жайлы

27 Jan, 09:00

⛸️🥉 Конькимен жүгіруден Калгариде өтіп жатқан Әлем кубогы кезеңінде Қазақстан құрамасы қола жүлдеге қол жеткізді

🇰🇿 Қазақстандық спортшылар Кристина Силаева, Дарья Важенина және Надежда Морозова үштігі командалық спринтте сәтті өнер көрсетті. Жарыс қашықтығын 1:26.36 секундта еңсеріп, Қазақстан қоржынына қола медаль салды.

📊 Жарыста Канада құрамасы жеңімпаз атанды. Күміс жүлдені Польшадан келген спортшылар иеленді.

🥇 Алтын жүлде – Канада (1:24.90)
🥈 Күміс жүлде – Польша (1:25.02)
🥉 Қола жүлде – Қазақстан (1:26.36)

t.me/sportzhaily

781 0 0 2 5

Спорт жайлы

26 Jan, 19:14

🇰🇿 Футзалдан Қазақстан ұлттық құрамасының бас бапкері Рикардо Кака 2026 жылғы Еуропа чемпионатының іріктеу кезеңіндегі Данияға қарсы кездесулерге шақырылған ойыншылардың тізімін жариялады

📌 Оқу-жаттығу жиыны ертең, 27 қаңтарда Астанада басталады. 29-күні команда Сённерборгқа аттанады.

🇩🇰 Дания – Қазақстан 🇰🇿
📆 01.02.2025 | 19:00

🇰🇿 Қазақстан – Дания 🇩🇰
📆 05.02.2025 | 19:30

6.4k 1 2 5 9

Спорт жайлы

26 Jan, 17:34

Испаниядағы жарысқа қатысатын қазақ боксшылары белгілі болды

🥊 Бүгін Қазақстан құрамасы Испанияға ұшып келді. Онда Аликанте қаласындағы бірлескен оқу-жаттығу жиынына қатысып, 3-9 ақпан аралығында халықаралық турнирде жұдырықтасады.

🇰🇿 Назарларыңызға Испанияға аттанған құрамды ұсынамыз:

48 келі: Ернар Қарап, Нұрзат Оңғаров
51 келі: Ернұр Қайрат, Рамазан Нұрлыбаев
54 келі: Бағлан Кенжебек, Ақтілек Орынбасар, Жандәулет Сәрсенбаев
57 келі: Жасұлан Тілеумбек, Ерхан Тұрдан
60 келі: Шыңғыс Мусинов, Бейбарыс Жексен
63.5 келі: Алмат Абдуали, Жандос Қыдыралиев
67 келі: Дулат Бекбауов, Елнұр Сүйінбай
71 келі: Дархан Дүйсебай, Аман Қонысбеков
75 келі: Диас Молжігітов, Мақсат Өтегенов
80 келі: Дәулет Төлемісов
86 келі: Бекнұр Батырбек, Темірлан Мұқатаев, Бекзат Таңатар
92 келі: Мәди Әміров. Нурмагамед Юсупов
+92 келі: Даниял Сапарбай

Әйелдер:

48 келі: Роксана Гасымова
60 келі: Гүлжайна Уббиниязова
70 келі: Бақыт Сейдіш
75 келі: Диана Мағауияева

t.me/sportzhaily

822 0 0 4 9

Спорт жайлы

26 Jan, 17:09

⚡️ Қазақ сумошысы Жапониядағы жарыста үздік нәтиже көрсетті

👏 Қазақ сумошысы Ерсін Балтағұл Токиода өткен Хацу бащёның ең жоғарғы алаңы Макучи дивизионындағы жарыста үздік үштіктен көрінді.

🔼 Ерсін сумода Кинбозан Харуки атымен күреседі. Жылдың алғашқы жарысын отандасымыз сәтті бастады. 15 күн ішінде 13 қарсыласын ұтып, 2-не ғана жол берді. Мұндай нәтижеге моңғол Хошорю Бямбасүрэн мен жапон Охо Коносуке де қол жеткізді. Нәтижесінде үш спортшы өзара күресіп, үздікті анықтады.

🔄 Айналмалы жүйеде өткен чемпиондық белдесуде Ерсін екі қарсыласына да есе жіберіп алды. Моңғол балуаны чемпион атанып, сумоның ең жоғарғы атағы Ёкозуна дәрежесіне қол жеткізді. Бұл атаққа ие болған 6-шы моңғол сумошысы атанды.

📊 Ерсін былтыр осы Хацу бащёны 4-орынмен аяқтаған еді. Былтырғы нәтижесі – 11 жеңіс, 4 жеңіліс.

💱 Қазақстандық сумошы Хацу бащёда үздік үштіктен көрінгені үшін жоғарғы атақтар мен мол сыйлықтарға ие болады. Сондай-ақ рейтингі жоғарылайтын болады. Ол кәсіби сумода осындай жетістікке жеткен алғашқы қазақ спортшысы.

722 0 0 4 16

Спорт жайлы

26 Jan, 14:44

👏 Эльмира Сыздықова Иван Ярыгин кубогы жарысында топ жарды

🥇Қазақстандық балуан қыз Красноярскіде өтіп жатқан Иван Ярыгин кубогы жарысында жеңімпаз атанды. Эльмира 76 келіге дейінгі салмақта топ жарды.

🤼‍♀️ Отандасымыз финалда моңғол қызы Энх-Амарын Даваанасаннан 8:1 есебімен айласын асырды.

🔥 Эльмира Сыздықова Иван Ярыгинді еске алуға арналған турнирде үшінші рет топ жарды. Балуан бұған дейін 2016 және 2022 жылы чемпион болған.

⚡️ Айта кетейік, 8 күн бұрын Эльмира Францияда өткен турнирде де топ жарған болатын.

t.me/sportzhaily