КЫЯЛДАНУУГА АР БИР АДАМДЫН АКЫСЫ БАР.
Кичинекей кезимден аябай көп кыялданчумун, ал убакта алсыз, эч нерсени түшүнбөгөн, мектепте жакшы окубаган кыз элем, бирок ошондой болсо да көп кыялдана берчүмүн.
Кыялдарым оюма келе берип, аракет кылуума түрткү берчү, ошентип жүрүп, окуумду жетиштирдим, окуудан сырткары да көп нерсеге кызыга баштадым, ыр, бий, китеп окуу, диктор айтор ушул сыяктуу нерселер. Анан эле карасам 11 класс болуптурмун, ЖРТ га даярдануу деген нерсе мээмди чагып жаткан, ошол учурда деле алтын сертификат алам же мектеп боюнча эң көп баллды алам деп, ошол кезди элестетип кыялдандым, андан сырткары Бишкекте окуйм деген да болчумун.
Ошентип кыялым орундалып мектеп боюнча көп балл алдым, бирок, Бишкеке үйдөгүлөр жибербей койду, ошого өлө ыйлагам, Бишкекте окуйм дедим эле деп. Бирок ыйлагандан пайда болбоду.
Психологияга тапшырам дедим, адамдарга жардам берем, материалдык жактан жардам бере албасамда, моралдык жактан жардам берем деп. Атама ага да макул болбоду, анткени Ошто психологияда бюджет жок болчу, анда да ыйлап туруп алдым, акыры атам макул болуп окуп калдым, балым мн Бишкекте окусам болмок, бюджетке да өтөт элем, бирок, биздин тууган-тушкан жок деп жиберишпеди.
Макул дедим ичимде, баары бир Бишкеке барам, окуйм деп быйылкы жылга пландагам, мына ошол планым орундалып отурат шүгүр. (Бишкектемин ишим, чөйрөм, өзүмө деген ишенимим бар Альхамдулиллях)
Кыялыма жетмейинче, аябай дуа кылам, ойлоном, аракет кылам, тообо келге барам, анан кыялыма жетем, жетип келем шүгүр.
Тууган-тушканым жок эле, таанышым деле бармак мн санай турган шаарда жүрөм, айылдык кыздын кыялы Бишкекте окуу эле, андан кийин Америкада билим алуу эле, Бишкеке келе алдымбы демек Америкага деле бара алам Ин Ша Аллах.
Кийинки адрес Америка буюрса:)✈️
Кыялдануу жашоону кооз кылат, а ошол кооздукту кээ бир адамдар бузгусу келет, ошол бузгусу келген адамдарга моюн бербеңиз, анткени бул сиздин, сиздин гана жашооңуз.❤️
PS: Кыялданыңыз, айылдык болосузбу, кем багал болосузбу, окууңуз начар болобу, ден-соолугуңузда проблема болобу кыялдана бериңиз, жөн гана кыялданбай: дуа, аракет кылыңыз, натыйжасын болсо Аллахка тапшырыңыз.
@gulmira_jigitalievahttps://www.instagram.com/p/Cub4pT6sWfE/?igshid=YjgzMjc4YjcwZQ==