Telegram Қазақстанда өкілдік ашады

Қазақстан Республикасы Цифрлық даму, инновациялар және аэроғарыш өнеркәсібі министрлігі ресми парақшасында Жаслан Мадиевтің АҚШ Сауда палатасымен және Meta мен Apple сияқты ірі американдық компаниялардың өкілдерімен кездесулер өткізді. Кездесулерде мәліметтер қауіпсіздігі, жалған аккаунттармен күрес және пайдаланушыларды қорғауға қатысты маңызды мәселелер талқыланды. Бұл тақырыптар қазақстандықтардың цифрлық кеңістіктегі қауіпсіздігін қамтамасыз ету үшін ерекше маңызды.

«Біз сондай-ақ Telegram платформасымен заңсыз контентті жедел жою және деструктивті арналарды бұғаттау бойынша белсенді түрде ынтымақтастық орнатып жатырмыз. Біздің заңнамаға сәйкес, енді Telegram, WhatsApp және TikTok сияқты интернет-платформалар
Қазақстанда өз өкілін тағайындауға міндетті. Telegram-мен олардың өкілін тағайындау және кеңсе ашу туралы келісімге қол жеткізілді — бұл контентті бақылауды арттыруға бағытталған маңызды қадам»,

— деп атап өтті Жаслан Мадиев.