Timergali hazrat

اَللّٰهُمَّ اهْدِنِي بِالْهُدَى وَنَقِّنِي بِالتَّقْوَى وَاغْفِرْ لِي فِي الْآخِرَةِ وَالْأُولَى

🤲 Укылышы: "Аллааһүммәһ-динии бил-һүдә вә нәккыйнии бит-тәкъвәә вәгъ-фирлии фил-әәхыйрати вәл-үүләә".

🤲 Мәгънәсе: "Йә, Аллаһ, мине Үзеңнең һидаятең белән туры юлга күндерсәң иде, тәкъвалык белән пакьләсәң иде һәм бу дөнья белән Ахирәт көнендә гафу итсәң иде".

✍📚 "Әл-хизб әл-әгъзам" китабыннан.

🌤 Һәркемгә дә бәрәкәтле көннәр, догалы, тәүбә-истигъфарлы бәрәкәтле гомерләр телим.

https://t.me/timhazrat

🔥 Шәйтан Раббыбызга мөрәҗәгать итеп болай дип әйткән: “Синең Бөеклегең белән ант итәм! Синең колларың исән булганда аларны адаштырудан туктамам!”

☝️ Бу сүзләргә җавап итеп Раббыбыз болай дигән: “Үземнең Кодрәтем белән ант итәм! Алар Миннән гафу итүемне сораганда аларны гафу итүдән туктамам!”

📿🕌 Җомга көне мөбарәк булсын! Ил-көннәребез тыныч, имин булсын! 🤲

https://t.me/timhazrat

Пророк Мухаммад (мир ему и благословение) предвидел, что однажды между Книгой Всевышнего и людьми возникнет глубокое отчуждение.

Коран будет храниться на полках, его будут выставлять напоказ как священную реликвию, но в то же время он станет далёким и недоступным.

Никто не будет стремиться узнать, что же в нём содержится. Люди будут заняты мирскими делами, забывая о Коране, который мог бы стать их путеводителем по жизни. 

🔍 https://t.me/ahmadalhanafi

⚜️ Пәйгамбәребез салләллаһу галәйһи вә сәлләм:
“Мөселман кешесе иртән авыру кешенең хәлен белсә, кичкә кадәр җитмеш мең фәрештә хәл белүче өчен Аллаһка дога кылып мөрәҗәгать итәр. Әгәр ул авыру кешенең хәлен кич белсә, җитмеш мең фәрештә аның өчен иртәнге якка кадәр Аллаһка дога кылып мөрәҗәгать итәр, ә җәннәттә аның өчен җимешләр әзерләнер”, – дигән (имам Әт-Тирмизи).

🌤 Бәрәкәтле, имин көннәр телим.

https://t.me/timhazrat

Гөнаһлы мөселманның хәле.

Сорау: Әссәламү галәйкүм! Намазын укымаучы, шәраб эчүче гөнаһлы мөселманнарны Аллаһ кичерерме? Алар Җәннәткә керерме, әллә җәһәннәмдә мәңге калырмы?
Җавап: Үә галәйкүм әссәлам! Олуг имам Әбү Хәнифә үзенең “Васыя”сендә әйткән:
وَالعَاصونَ مِنْ أُمَّةِ محمدٍ صلى الله عليه وسلم كُلُّهُمْ مُؤمِنُونَ حَقَّا، وَلَيْسُوا بِكَافِرِينَ.
“Пәйгамбәребез (сгв) өммәтеннән булган гөнаһлылар – хак ышанучы, һәм алар кәфер булмыйлар”.
Биредә сүз белә торып зур гөнаһ кылган һәм шул ук вакытта ул гөнаһны хәләл дип санамаган, Ислам шәригате кануннарына һәм тыюларына каршы чыкмаган кешеләр турында бара. Чөнки Исламда хәрамны хәләл санаган кеше шәригать кануннарыннан көлә яисә аларны мыскыл итә булып чыга, һәм ул Исламнан чыга.
Әһле Сөннәт галимнәре гөнаһлы бәндә диннән чыкмый, чөнки ул күңеле белән Исламны хак дин буларак кабул итә дип саный. Әгәр гөнаһлы кеше тәүбә кылмыйча үлеп китә икән, аның язмышы Аллаһның тәкъдирендә. Аллаһ аны Үзенең киң рәхмәте белән кичереп, яисә эшләгән изгелекләре өчен, яисә кемнеңдер шәфәгате аша Җәннәткә кертергә мөмкин. Аллаһ теләсә, бу кешене гөнаһына күрә җәзаларга да мөмкин, әмма ул җәһәннәмдә мәңгегә калмаячак, Җәннәткә керәчәк.
Имам Әбү Хәнифә әйткән: “Мин зур һәм кече гөнаһлар кылучыларга (кичерү буласына) өметләнәм, алар өчен куркам да”, дигән (“Шәрх әл-Бабирти галә әл-Васыя”).
Кайбер секталар бу мәсьәләдә әһле сөнниләр белән килешмәгәннәр: хариҗилар зур гөнаһ кылучыны кәфер дип санаган; могътәзилиләр исә мондый кеше иманлы түгел, әмма кәфер дә түгел, бер урталыкта торалар, барыбер җәһәннәмдә мәңге калачаклар, газаплары имансызларныкына караганда җиңелрәк булачак дип санаганнар (Хәмзә әл-Бакри, “Усус әл-гакыйдә әл-исламия, с. 9”).
https://dumrt.ru/help-info/fatwas/fatwas_24264.html
ДУМРТ сайтыннан

Йәгез, бер дога...


اَللّٰهُمَّ عَافِنِي فِي بَدَنِي اَللّٰهُمَّ عَافِنِي فِي سَمْعِي اَللّٰهُمَّ عَافِنِي فِي بَصَرِي لاَ إِلٰهَ إِلاَّ أَنْتَ (ثَلاَثَ مَرَّاتٍ)


🤲 Укылышы: "Аллааһүммә гаафинии фии бәдәнии, Аллааһүммә гаафинии фии сәмгый, Аллааһүммә гаафинии фии бәсарии, ләә иләәһә иллә әнтә".

🤲 Мәгънәсе: "Йә Аллаһым, миңа тәнемдә иминлек бир. Йә Аллаһым, миңа колагымда иминлек бир. Йә Аллаһым, миңа күземдә иминлек бир. Синнән башка Илаһ юк" (өч мәртәбә кабатларга) (Әбү Давыд, 2:694).

✍📚 "Әл-хизб әл-әгъзам" китабыннан.

🌤 Һәркемгә дә бәрәкәтле көннәр, догалы, тәүбә-истигъфарлы, хәерле гомерләр телим.

https://t.me/timhazrat

⚜ Пәйгамбәребез салләллаһу галәйһи сәлләм сәхабәләргә: “Җәннәт бакчаларын даими рәвештә зиярат кылырга теләсәгез, Аллаһка зикерне арттырыгыз”, – дигән.

☝ Җир йөзендә җәннәт бакчалары – ул зикер мәҗлесләре дигән сүз.

Җомга иртәләре мөбарәк булсын! 🌤️

🤲 Раббыбыз ике җомга арасында бакыйлыкка күчкәннәрнең белеп вә белми кылган хата-кимчелекләрен, гөнаһларын гафу әйләсен, якыннарына күркәм сабырлыклар бирсен иде. 🤲

https://t.me/timhazrat

ӨЙГӘ ШАЙТАН КЕРӘ АЛМАСЫН ӨЧЕН нишләргә кирәк?

1️⃣ Өйгә кергәндә һәм чыгып киткәндә, Аллаһыны искә алырга.

2️⃣ Ишекләрне Аллаһы исеме белән бикләргә («Бисмилләһ...»)

3️⃣ Ешрак Коръән укырга. Хәдисләрдә шайтаннан сакланыр өчен, «Фәләкъ», «Нәс», «Бәкара» (бигрәк тә 285-286 аятьләре), «Гафир» (1-3 аятьләр) сүрәләрен һәм, әлбәттә, «Аятел-Көрси»не укырга киңәш ителә.

4️⃣ Шайтан азан яңгыраган өйдән кача.

⚜ Пәйгамбәребез Мөхәммәд салләллаһу галәйһи вә сәлләм: "Үзенә теләгәнне кардәшенә дә теләми торып, мөэмин кешенең иманы камил булмас", – дигән.

🕌 Җомга көне мөбарәк булсын! Аллаһы Тәгалә ил-көннәребезгә иминлек, тынычлык бирсен, безне хәвеф-хәтәрләрдән, бәла-казалардан сакласын. 🤲

🤲 Раббым ике җомга арасында мәрхүм булган кардәшләребезнең белеп вә белми кылган хата-кимчелекләрен, гөнаһларын кичерсә иде. Рухларын шат кылып, урыннарын җәннәттә кылса иде!

https://t.me/timhazrat