Қайырлы таң, қадірлі жан. Туған жер дейсіз бе, туған жер анаң сияқты ғой. Есейген сайын қадірін түсіне бастайсыз. Жанында болғыңыз келеді. Өмірдің өткінші екенін түсіне бастаған кезеңге аяқ басқансыз деп түсіндім)))
Бастапқыда сізбен араласып жүргенде сізді өзімен өзі жанып жүретін алауға ұқсаттым. Елге тым көп қуатыңызды жұмсайсыз, қажет болсын, болмасын. Сөйтіп тез жанып кетесіз. Мүмкін жылуды мақсатты түрде жұмсасаңыз жөн болар ма еді.
Өзіңіз де білесіз жұрт əлеуметтік желіде көпке сұлу, көсем, мейірбан, дана болып көрінгісі келеді. Не үшін? Одан гөрі жақыныңа ең жақсы дос, жарыңа ең жақсы жолдас, балаңа ең жақсы əке-шеше болған артық емес пе?
Жұртқа менің де бұрынғыдай мейірімім тасып тұрмайды. Есесіне ештеңе күтпеймін ешкімнен. Ал біреу тарыдай жақсылық жасаса, таң қалып, қуанып қаламын. Айтпақшы, сіздің туған қалаңыздың адамдары таң қалдырды)) Мұндай туған жерден кетпес едім ешқайда.
Сəлеммен С.А.