Өмір соыңына дейін жаттап алу керек Маңызды 5 ЕРЕЖЕ:⤵️
1. Ешқашан адамдарға байланба Ол кім болса да, адамдарға қатты байлануға болмайды. Себебі, күндердің бір күні кез келген адаммен қоштасу сәті келеді. Жақын адамдарыңды жақсы көр, оларға қамқор бол, бар махаббатыңды бер, оларды бағала, жақсылығыңды Аллаһ разылығы үшін жаса. Бірақ, жүрекпен оларға байланба. Бұның тек өзіңе зияны тиетін болады. Мүмкін болар жағдайлардың барлығына дайын бол.
2. Сенің өміріңнің жақсы жақа қарай өзгеруі - өз өміріңе толықтай жауапкершілікті алумен тікелей байланысты Сенің алға қарай жылжуың, дамуың, ақша табуың, білім алуың, өміріңді жақсы жақа қарай өзгертуің өз өміріңе ЖАУАПКЕРШІЛІКТІ алған кезде ғана іске асады. Саған ӨЗІҢНЕН басқа ЕШКІМ көмектеспейтінін біл. Адамдардан сұрама! Аллаһтан сұра! Қызық нәрсе: Сен адамдардан бірнәрсе сұрасаң, адамдар ашуланады. Ал егер Аллаһ Тағаладан дұға етіп сұрасаң, Аллаһ сені жақсы көреді.
3. Достарды дұрыс таңда! Сенің көтерілуің мен түсуіңе араласып жүрген достарың қатты әсер етеді. Досың қандай болса, сен сондайсың! Досың көлеңке сияқты болмасын! Күн шыққан секілді, өміріңде барлығы жақсы болған кезде ғана қасыңда болып, ал, күн батқан соң, басыңа қайғы түскенде, сені тастап кететін көлеңке сияқты достардан аулақ бол!
4. Уәде бердің бе, уәдеңде соңына дейін тұр! Пайғамбарымыздың ﷺ хадисі бар:
«Мұнафық (екіжүзді адам) үш белгімен ерекшеленеді: айтса, өтірік айтады, уәде берсе, уәдесін бұзады. Ал оған сенім артса, сатқындық жасайды»
Бухари (33), Муслим (59), Тирмизи (2631)
5. Өмірлік ісіңді таппаған болсаң, өмірде не нәрсемен айналысатыныңды әлі білмесең, мына ереже бойынша іздеп көр:
1 жылда 12 ай бар. 12 айды 3 айдан бөліп тастап, әрбір 3 айда жаңа нәрселерді істеп көр. Жаңа жұмыстар, жаңа кәсіптер бастап көр. Осы қағиданы ұстансаң, сен 12 айда 4 істі істеп көрген боласың. Ал бұл дегеніміз өте жақсы нәтиже. Егер іс ұнамаса, таста да, екіншісін бастап кет. Егер ол да ұнамаса, таста да, басқасын істеп көр. Осылай жүріп Аллаһ қаласа өз ісіңді таба аласың.