Type to search
Advanced channel search

Airdrop Alert Worth 2000 USD

Each winner will be airdropped a 20 USDT bonus
img
ad

КриптАрс о крипте, новости и мысли

Покоряем мир криптовалют: руководство для начинающих
img
ad

TGStat Bot

Bot to get channel statistics without leaving Telegram
img
ad

Zhantore Rakymbek

@zhantore_rakymbek
Channel's geo and language: Kazakhstan, Kazakh
Category: Psychology

Құрметті оқырман, бұл каналда көбіне руханиятқа (SQ) қатысты ой-толғамдар болады.
Жеке дамуға қатысты посттарды инстаграм парақшамда жазамын:
https://instagram.com/zhantore.rakymbek?utm_medium=copy_link
Канал авторы: @zhantorerakymbek

Related channels
Channel's geo and language
Kazakhstan, Kazakh
Category
Psychology
Statistics
Is this your channel? Confirm Channel history
Posts filter

Zhantore Rakymbek

20 Feb, 18:05

Open in Telegram Share Report
Артық жүк

Үйленгелі 1.5 жыл бір үйде ұзақ тұрдық. Зат жинай беріппіз. Көшкенде үлкен газель шақырып көштік. Көшкен үйде керек заттарды ғана шығардық. Керек емесін есік жақтағы шкафқа жинадық.

Жиғанымыздың жартысы артық заттар. Артық зат көшуде ғана емес, әрқашан салмақ салып тұрады екен.

2-3 күндік сапарға шыққанда бір рюкзак киімнің өзі жетіп жатады. Қалаға келгенде де көбіне сол киімдермен жүремін. Соны байқап артық заттан барынша арылуға тырысып жүрмін.

Біразын мешітке қайырымдылыққа. Ескірген болса қоқысқа. Тағы біразын бауырыма.

Рюкзакта жүрген артық бір затты алғанда бірден жеңілдік байқалатындай, үйдегі артық заттан арылудың өзіндік ләззәті бар.

Бұл тек зат емес, инстаграм, ютуб т.б. жерде тіркелген парақшалар, телефонда жиналған артық чат, фото, заметки бәрінде артықтан арылу жеңілдігі бар.

Ең маңызды, ең пайдалы, жауапты болған бағытта жасайтын істерді артық жүк арқалап жүріп атқара алмай қалсам ше?

Тек керек заттармен кез-келген уақытта қозғалысқа икемді, ширақ, еркін болып жүргенге не жетсін!
531 0 5 4
Zhantore Rakymbek

13 Dec 2023, 17:58

Open in Telegram Share Report
Ессіз

Ақыл таразысына салмай,
өз өміріне сай етіп өлшемей,
жеке ойды жалпы заңдылық деп,
кумирдің айтқанын жұта беретін
ессіз.

Бар құдіретті адамға байлап,
тағдыр тереңдігіне бойламай,
әр сәтсіздікті басқадан көретін,
дұшпанын күні-түні кінәләйтін
ессіз.
1.5k 1 11 3
Zhantore Rakymbek

9 May 2023, 19:04

Open in Telegram Share Report
Шүкір – күш

"Ананы мен істедім. Мынаны мен істедім. Қаншама жақсылық жасадым" деп әр істің негізі ретінде өзін қойған адам шаршап қалады. Бар жақсылықты өзіне арқалап шаршайды. Шарттары да көбейеді.

"Анау істі жүргізу нәсіп болды. Мынау істі аяқтау нәсіп болды. Қаншама жақсылық жасау нәсіп болуда" деп Аллаға байлаған адам күш алады. Риза болып, одан да көп әрекет жасап, іс жүзінде шүкір етуге талпынады.

Шүкір еткеннің Алла күшін арттырады. Өзінің шексіз құдіретімен қолдайды. Ал өзіне байлап күпір еткенді өз күшіне қалдырады. Алланың қолдауы болмаған адамның күші қаншаға жетпек?
2.9k 0 36 6
Zhantore Rakymbek

28 Apr 2023, 19:58

Open in Telegram Share Report
https://youtu.be/LCpZg1q0Oyk

Телеарнада алғашқы сұқбат)
САНА. Йеркс-Додсон заңы
2.3k 0 7 6
Zhantore Rakymbek

4 Apr 2023, 21:17

Open in Telegram Share Report
Иман – көрмегенге, ғайыпқа сену.
Иман еткен адамға сый ретінде сенгені оған көрінеді. Көру үшін бірінші сену керек.

Иманның алты шартының соңғысы – тағдырға иман. Алғашқы бес шартқа (Аллаға, періштелерге, кітаптарға, пайғамбарларға, ақыретке) толық иман еткен адамның соңғысына (тағдырға) қатысты артық сұрағы қалмайды.

#уағызданүзінді
2.6k 0 18 3
Zhantore Rakymbek

16 Mar 2023, 20:46

Open in Telegram Share Report
Жол басында жолбасшы,
Жол бойында қолдаушы
Болмаған адамның
Жол соңында сынаушы
Болуға хақысы бар ма?!
3.7k 0 18 5
Zhantore Rakymbek

16 Mar 2023, 06:35

Open in Telegram Share Report
Тыйым мен тәуелсіздік

Анау болмайды, мынау болмайды. Шектеулі өмір сүргім келмейді. Неге өзімді тыю керекпін?

Анау қажет емес, мынау артық. Ең маңызды іспен айналысқым келеді. Неге тәуелсіз болмасқа?

Тыйымды өз орнымен қолдансам тәуелсіз боламын.

#өзімменсанасу
13.6k 0 41 5
Zhantore Rakymbek

24 Feb 2023, 15:33

Open in Telegram Share Report
🔸Білім мен сезім байланысы
🔸Оқиғаларды дұрыс түсіну
🔸Қателік қажеттілігі
6.7k 0 116 3
Zhantore Rakymbek

21 Feb 2023, 10:40

Open in Telegram Share Report
Білім – дән
Амал – күтім
Даналық – жеміс
14.2k 1 41
Zhantore Rakymbek

19 Feb 2023, 19:39

Open in Telegram Share Report
Қадірлі қонақ

Нәпсі мен ерік-жігері арқылы сыналатын – адам. Осы екеуін дұрыс қолданса періштеден озатын – адам. Барша жаратылыс оған қызмет ететін – адам. Жердің ең қадірлі қонағы – адам.

Адам кейпіндегі періште және кәдімгі адам. Кім құрметке лайық? Періштеге көрсететін құрметке адам да лайық емес пе? Адам одан да артығына лайық емес пе?

Әр адамға кемел жаратылыс деп қарау. Сынағы болса да сынбай, кемелдік үшін күресіп жүргені үшін сыйлау. Қадірлі жаратылыс болғаны үшін өзін де, өзгені де қадірлей білу...
3.1k 0 7 2
Zhantore Rakymbek

18 Feb 2023, 21:06

Open in Telegram Share Report
Адам кейпіндегі періште бар.
Сіз оны кездестірдіңіз.
Періште екенін біліп қойдыңыз.
Қалай сөйлесер едіңіз?
2.2k 0 3 5
Zhantore Rakymbek

17 Feb 2023, 21:05

Open in Telegram Share Report
Әулие адам – Аллаға әрдайым разы адам.

#уағызданүзінді
3.3k 0 17
Zhantore Rakymbek

16 Feb 2023, 11:41

Open in Telegram Share Report
Адамдағы көп қасиеттің шынайы келбеті шұғыл шаруа шыққанда көрінеді
2.4k 0 17 2
Zhantore Rakymbek

15 Feb 2023, 15:35

Open in Telegram Share Report
Шынайы өлшем

Шынайы өлшем – жүрек тазалығында. Адам өзге түгіл, өз жүрегінің де жағдайын біле алмайды.

Ақылды адам жақсы амал мен көркем мінез арқылы өз жүрегін әрлеумен әуре болады. Ақымақ адам өзгенің өмірін аңдумен әуре болады.
2.8k 0 23 4
Zhantore Rakymbek

14 Feb 2023, 19:38

Open in Telegram Share Report
Әлсіздік күші

Жаратушы алдындағы әлсіздік – пассивность емес.
Жаратушы алдындағы әлсіздік – күштілік кілті.

Әр жақсылық Жаратушыдан деп білген адам өзгеше ойлайды. Біреу армандай алмаған жетістіктің шыңында тұрып, соған жетуге берілген
уақыт, энергия,
ақыл, идея,
шабыт, құлшыныс,
күш, мүмкіндік,
ми, көз, қол т.б.
шексіз нығметті еске алады.

Бұрынғыдан да терең шүкір етеді. Шынайы шүкір сол шексіз нығметті мақсатына сай қолдану екенін біліп, басқа да шыңдарға ұмтылады.

Қанша жетістікке жетсе де, жеттім деп тоқтап, астым деп басқаларға аспаннан қарамайды. Жетістік өлшем емес екенін біледі. Артық берілгеннен артық сұралады деп жауапкершілікке берік болады.
2k 0 16 4
Zhantore Rakymbek

13 Feb 2023, 15:53

Open in Telegram Share Report
Сынақты қабылдау

Сынақты ешкім сұрап алмайды. Сынақ та ешкімге сұранып келмейді.

Бір сынақты шешіп, шешімін енді үйренгенде жаңа бір сынақ келеді. Жаңа шешім іздеуді қажет етеді.

Келген сынақ оның шешімін таппайынша кетпейтіні анық. Сондықтан бірінші оны қабылдау маңызды. "Дәл осы сынақ маған дәл қазір қажет болғаны үшін келді" деп. Басында не үшін келгені түсініксіз болса да.

Кейін ізденіп, талпынып, шешімін тауып, сынақтан өткенде, толық картинадан көп мағына табуға болады. "Сол сынақ болмағанда" деп өкінген адамдар, біраз ой жүгірткен соң "солай болғаны дұрыс болған екен" деп жатады.

Адам қателік жасаған күннің өзінде, тағдыр әділ болады. Сынақты мүмкіндік деп қабылдаған пайдасын алады. Сынақты жеккөріп қабылдамаған жазасын алады. Әркімнің таңдауы өзінде.
1.9k 0 30 5
Zhantore Rakymbek

11 Feb 2023, 14:00

Open in Telegram Share Report
Жазбаға арқау болатын сұрақтарыңыз болса, мархабат ⬇️
1.6k 0 0 5
Zhantore Rakymbek

9 Feb 2023, 20:40

Open in Telegram Share Report
Әр оқиғаның
мәнісін түсініп,
шешімін тауып,
сабағын үйреніп,
дәмін сезініп,
көркем мәміле
жасай алуды
үйренгім келеді.
2k 0 24 4
Zhantore Rakymbek

8 Feb 2023, 20:57

Open in Telegram Share Report
Проблемасыз өмір

– Проблемадан қалай құтыламын?
– Проблемадан қашпау керек. Проблемадан қашқан адам ешқашан оны шешпейді. Проблеманы шешпеген адам ешқашан демала алмайды. Себебі ол тоқтамай қашу керек.

– Проблемадан неге қашамын?
– Проблемада белгісіздік бар. Белгісіздікте келеңсіздік болса деп қашасың. Ал белгісіздікте күтпеген кереметтер болса ше?

– Сонда да, өзімде барды (комфортты, тыныштықты, тұрақтылықты...) бергім келмейді.
– Алудың шарты – беру. Жанкештілік жасай алмаған аянышты халде қала бермек. Уақыты келгенде өзіңде бардың бәрін бәрібір тапсыру керек болады ғой. Оданда бар кезде дұрыс бағытта сарп еткен абзал емес пе?

– Сонда проблемадан құтыламын ба?
– Проблема одан құтылу үшін емес, қолдану үшін беріліп жатыр. Проблемасыз өмір – проблема. Сыналмаған қалай шыңдалмақ?

#өзімменсанасу
2.2k 0 25 4
Zhantore Rakymbek

7 Feb 2023, 19:46

Open in Telegram Share Report
Сатушы әдебі

Дүкенге барсам, бірінші кезекте сатушыны таңдайды екенмін. Сатушы көркем мәміле жасаса ғана керек затты аламын.

Өмірімде болған екі оқиғаны айтып берейін.

1. Студент кезде ақша үнемдейін деп, Астананың шетіндегі базарға алыс та болса, пересадка жасап бардым. Даладағы бірнеше бутикті араладым. Бір бутиктен жақсы жемпір таптым, бірақ сатушылардың өзара айтқан әзілдері әдепсіз болды. Киім ұнаса да, алмадым.

Аралап жүріп, басқа бутикке кірдім. Сатушы бірден "осы жемпір саған жақсы келеді" деп таңдап берді. Әдеппен ұсынып, еш артық сөз айтпады. Әрине, алдым. 4-5 жыл өтсе де, жұмысқа киюге жарайтындай сапалы киім болып шықты.

2. Аулада азық-түлік сататын екі дүкен бар. Бір жолы үйде ешкім болмай, курьерге керек затты сонда қалдыруға өтініш жасадық. Барып, сол затты алып, рақметімді айттым. Бірақ сатушы сондай әдепсіз мәміле жасады, содан кейін бұл дүкенге барғым келмеді.

Ал екінші дүкеннен тұрақты сауда жасаймын. Заттардың ассортименті, бағасынан бұрын, сатушы әдебі үшін.

Дүние қандай бағалы болса да, болмыс қымбат екен.
1.7k 0 14 9
20 last posts shown.