Қазақ өмірді не үшін «жалған» деп айтатыны жайлы бір ойланып көріп'едіңіз? Жалған... Осы бір сөзбен өмірді атаған дұрыс па? Дұрыс болса, неліктен? Мен үшін бұл өмір, шынымен, жалған. Бүткіл әлем осы жалғанда ұсталып тұр. Егер жалған болмаса, өмір әзіргідей болмас еді. Өмірдің жалған екендігіне дәлел өте көп. Мысалы, уақыт, апта, ай, мезгіл. Барлығы – жалған. Бұл тек адам фантазиясының жемісі ғана. Бұл ыңғайлылық үшін ойлап табылған дүниелер ғана. Бүгін 2 маусым, 23:54, 2018 жыл, XXI ғасыр. Бұның барлығы тек шартты түрде берілген, ол ақиқат емес. Уақытты санмен емес сөзбен де беруге болатын еді (мысалы, корейлер секілді. Дорамаларын көріп отырсаңыздар, шошқа сағаты, ит сағаты дегенді естисіз). Бұл дегеніміз уақытты кез келген формада беруге болады. Діннің де мәселесі дәл сондай. Біз ертең не болатынын білмейміз, екінші өмірдің бар-жоқтығын білмейміз, Жаратушының бар-жоқтығын білмейміз. Біз тек қана сенеміз: біріміз – Жаратушы бар деп, екіншіміз – жоқ деп сенім білдіреміз. Екеуіміздікі де жалған. Ол жалғанның құйрығы тек өлгенде тұталады, яғни біз ақиқатқа тек өлгенде жете аламыз, ал әзірге бұның барлығы жалған. Міне, менше көшпенді қазақтың философиясы осындай болған. Оған дәлел олардың өмірді жалған деп айтуы. Жалған, өтірік – әлемді құтқарады. Жалғанның көбейе беруінің салдары мен шындықтың көбеюінің салдарын салыстырсақ, әрдайым шындықтың салдары - ашты болады. Шындық көбейіп кетсе, ол достықты бұзуы әбден мүмкін, – жалғанның көбеюі емес. Тіпті өмірлік достардың арасында айтылмай қалған шындық жатады. Бейтаныс адамдар бір-біріне жалған күліп, жалған сызылады. Барлығы жалған. Одан қалды жалғанға орын жоқ жерлерде де жалған жүретін уақыт келді. Шынайылық ысырылып барады. Бетіңе күле қарап, артыңнан жамандайтындар қаншама? Ешкім ешқашан өз ойын ашық айтпайды, бетке өтірік мүләйімсіп жүреді. Жалғанға үйреніп қалғанмыз соншалық, тіпті жалғанға үйреніп қалғандығымыз жайлы шындықты мойындағымыз да келмейді.
P.S. Бүгін 2 маусым емес қой деп ренжімеңіздер😅жазба сол кезде жазыла бастап, бүгін ғана аяқталды