🏦 Асакабанк коррупцияга қарши курашиш йўлида фаол ҳаракатда

9 декабрь – Халқаро коррупцияга қарши курашиш куни муносабати билан Асакабанк Қорақалпоғистон республикасининг Нукус шаҳрида жойлашган Нукус банк хизматлари марказида муҳим тадбир ўтказди. Тадбирда Қорақалпоғистон Республикаси вазирлар кенгаши вакили, Бердақ номидаги Қорақалпоқ давлат университети талабалари ҳамда жамоатчилик вакиллари иштирок этишди.

Мазкур учрашувда коррупцияга қарши курашишнинг долзарблиги, унинг жамият тараққиётига салбий таъсири ҳамда ушбу иллатни бартараф этишда ёшларнинг ўрни ҳақида атрофлича муҳокама қилинди. Тадбир иштирокчиларига коррупцияга қарши курашда давлат ва жамиятнинг биргаликдаги ҳаракатлари қанчалик муҳим эканлиги тушунтирилди. Шунингдек, Асакабанкнинг шаффофликни таъминлаш ва мижозлар ишончини мустаҳкамлашга қаратилган саъй-ҳаракатлари ҳақида батафсил маълумот берилди.

Асакабанк ўзининг барча бўғинларида коррупцияга қарши мустаҳкам тизим яратган бўлиб, мазкур тадбир орқали ушбу йўналишдаги ишларни янада мустаҳкамлаш мақсад қилинди. Талабалар томонидан берилган саволларга жавоблар берилиб, уларни коррупцияга қарши курашишнинг амалий механизмлари билан таништирилди.

🏦 Коррупциясиз келажак – барқарор тараққиёт кафолати. Асакабанк бу мақсад сари қатъий қадамлар ташлашда давом этади.

👉 Қарақалпақ тилинде

#AsakaBank #КоррупциягаҚаршиКураш #Нукус #ТалабаларБиланУчрашув #ХалқароКун