Joqarı bilimlendiriw sistemasın korrupciyasız tarawǵa aylandırıw máselelerine arnalǵan respublikalıq konferenciya shólkemlestirildi

Ózbekstan Respublikası Joqarı bilimlendiriw, ilim hám innovaciyalar ministrligi janındaǵı Student hám oqıwshılardıń sociallıq belsendiligin arttırıw orayı tárepinen «Jańa Ózbekstanda joqarı bilimlendiriw mákemeleriniń jaslarda «hadallıq vakcinası»n sińdiriwdegi áhmiyeti» atamasındaǵı respublikalıq konferenciya shólkemlestirildi.

Ózbekstan Respublikası Korrupciyaǵa qarsı gúresiw milliy keńesi Keńes májilisiniń protokolı menen tastıyıqlanǵan «Ózbekstan Respublikası Joqarı bilimlendiriw, ilim hám innovaciyalar ministrligi sistemasında «Korrupciyasız taraw» joybarın ámelge asırıw boyınsha 2024-2025-jıllarǵa mólsherlengen «Jol kartası»nda belgilengen wazıypalardıń orınlanıwın támiyinlew maqsetinde ótkerilgen konferenciyaǵa Ájiniyaz atındaǵı Nókis mámleketlik pedagogikalıq institutınıń jaslar menen islesiw hám ruwxıylıq-aǵartıwshılıq isleri boyınsha tiyisli juwapkerleri, instituttıń korrupciyaǵa qarsı gúresiw «Komplaens-qadaǵalaw» sistemasın basqarıw bóliminiń qánigeleri, tyutorlar, jaslar awqamı baslanǵısh shólkeminiń aǵzaları, onlayn formatta qatnastı.

Konferenciyada joqarı bilimlendiriw tarawında korrupciyalıq jaǵdaylardıń aldın alıw baǵdarında ámelge asırılıp atırǵan jumıslar, sonday-aq, aldaǵı wazıypalar haqqında bayanatlar jasalıp, qánigeler menen pikir almasıwlar bolıp ótti.

©️NMPI baspasóz xızmeti.

Tolıq maǵlıwmat 👇👇👇
https://ndpi.uz/qq/2024/12/18/34328/

Bizdi baqlap barıń

📱 Telegram | 📱 Instagram | ▪️ Facebook | ▪️ YouTube